Table of contents for Herfs/Winter 2026 in SARIE KOS

LIDA PIETERSE Sop met baie groente en vleis. So lekker dik sop. In my kinderdae het ons altyd broodstukkies gebreek en in ons sop gegooi of my ma het kluitjies gemaak en in die sop gekook. Boepmagie geëet. Bobotie omdat dit vrek lekker is en my na iemand laat verlang wat ek nie ken nie. CHARMAINE ROSSOUW Ouma en Ma se kombuis. Vetkoek en kerriemaalvleis, tamatiebredie met skenkels en so ’n handjievol macaroni in. Dik boontjiesop. Sondae se asynpoeding en ouma Tillie se dadelkluitjies. Oondgebraaide hoender met naeltjies, pampoenkoekies en boontjies op die ou manier gemaak met aartappels, uie en stukkies spek. ALRINA BRAND Pannekoek met melktertvulsel of kaneelsuiker. Heerlike melkkos. Nostalgie! My ouma het die heerlikste melkkos op die koolstoof in haar plaaskombuis gemaak. Die suikersoet stroop wat op…

LEES MEER OOR Zola en haar hartsmense Resepte vir Sondagkos Modes, in die kol en gestreep Zola Nene se glimlag begin nie by haar mond nie; dit begin by haar oë. Dis die soort glimlag wat oopvou – stadig, warm, sonder haas. Die soort lag wat jou stywe skouers laat ontspan. Dis nie ’n “kyk-na-my”-lag nie. Dis ’n “kom-nader”-lag. Miskien is dit hoekom haar kos die stywe knope in jou lostorring. Dis gemaak met dieselfde energie as haar teenwoordigheid: gemaklik, pretensieloos. Zola kook nie om te wys hoe goed sy is nie. Sy kook om mense byeen te bring. Op ’n Sondagmiddag, omring deur haar familie, is dit presies wat gebeur. “Ons is baie geheg aan mekaar – my ma het ons so grootgemaak. Ons het altyd probeer om saam…

LEES MEER OOR Aartappels in die buitenste ruim Nuwe Sondaggunstelinge Maklike gnocchi-resep HET JY GEWEET? Aartappels is die vierde grootste voedselgewas in die wêreld. Die Inkas het dit tussen 8 000 v.C. en 5 000 v.C. begin kweek in die gebied wat vandag die suide van Peru en die noordweste van Bolivia is. Die Spanjaarde het dit in die 16de eeu in Europa bekendgestel. KLEUR EN VERSKEIDENHEID Daar is meer as 4 000 eetbare variëteite van aartappels, met uiteenlopende kleure soos blou, rooi en geel. RUIMTEGROENTE In Oktober 1995 het NASA die aartappel die eerste groente gemaak wat in die ruimte gekweek is. HOËWAARDE-GEWAS Gedurende die 1800’s se goudstormloop aan die Witwatersrand is aartappels soms vir goud verhandel as gevolg van hul voedingswaarde. MEER KALIUM AS PIESANGS ’n Middelslag-aartappel bevat…

LEES MEER OOR Hoekom kook ons? Geur se geheime formule Oefen dié 5 resepte SO HOEKOM KOOK ONS? Om geur te verstaan moet ons begin by die begin: Hoekom kook ons kos? Suiwer funksioneel is daar die aspek van oorlewing: Kos is ons brandstof en ons moet eet om te oorleef. Tog skuil daar soveel meer daaragter . . . Ons is die enigste spesie op aarde wat kos gaarmaak en in die proses die teksture van die bestanddele verander. Kook maak kos meer eetbaar en verminder sodoende die tyd wat dit neem om dit te verteer. Studies wys die groot ape, ons primaatvoorouers, spandeer tot 80 persent van hul dag om kos te kou. Dit was die koms van vuur, minstens een miljoen jaar gelede, wat ons as spesie…

Gee jou wintertreë grasie en vroulikheid met ’n gepunte laehakskoen – perfek vir broeke, rompe en rokke. Wat is nou beter as ’n eenpotgereg wat jou skottelgoedwastyd minder maak. Dié blomgeïnspireerde oondbak is elegant genoeg om ook op jou tafel te pronk. Sjokolade-looptert Hierdie tert is als wat verleiding skree! Wees spoggerig en rond dit af met roomrosette soos ons. GENOEG VIR EEN 18 CM-TERT KORS 280 g (500 ml) koekmeel plus ekstra vir uitrol 45 ml versiersuiker 30 ml kakaopoeier 155 g (170 ml) koue botter, in blokkies gesny 1 eier 45 ml water VULSEL 120 g (130 ml) botter 120 g donkersjokolade 2 eiers 2 eiergele 60 ml strooisuiker 45 ml koekmeel Kors Plaas meel, versiersuiker, kakaopoeier en botter in voedselverwerker en pols by hoë spoed tot tekstuur…

LEES MEER OOR Die soorte meringue Anna Pavlova 6 lekker resepte Meringue. Min dinge het so min bestanddele, maar is tog só dramaties. Eierwit. Suiker. Lug. Dis al. En dan: wolke, pieke, krake, sagte binnegoed en bros doppe. Dis kos wat terselfdertyd nederig én teatraal is – iets wat jy met ’n lepel kan breek, maar wat jou geduld, aandag en respek eis. Dit skree nie. Dit fluister. Dit sug. Dit hou asem op. En as jy dit reg doen, beloon dit jou met iets wat nie net kos is nie, maar ook ’n ervaring. WAAR BEGIN ’N WOLK? Soos met soveel klassieke kosstories, lê meringue se oorsprong nie by ’n enkele oomblik of mens nie, maar ’n vraag: Wat doen jy met oorskiet-eierwitte? In ’n tyd lank voor yskaste,…

WAT IS IN DIE BOKS? Hoekom trek dit aandag? As daar een les te leer is uit luukse handelsmerke, is dit vir seker dat verpakking jou produk verkoop lank voor dit gebruik word. En dis alles waar! ’n Mooi lint of vars bossie kruie vasgebind aan ’n boks koek, ’n persoonlike boodskap, die lys kan aanhou . . . DIS LEKKER OM TE KOEKELOER Visuele aantrekkingskrag is alles. Gebruik bokse met ’n deursigtige venster om jou gebak te vertoon sonder dat die kliënt die deksel of boks hoef oop te maak. Só bly die produk ook vars en netjies op die rak. MAAK JOU MERK MET DIE HANDELSMERK As spesiaal gemaakte verpakking te duur is, is unieke plakkers ’n hoë-impak-, lae-koste-alternatief om jou handelsmerk op produkte te sit. Gebruik die…

DIE MATES Belangrik: Die mates waarmee jy werk moet deurgaans in dieselfde metrieke eenheid wees, soos in ons voorbeeld net hierna: Die resep vra vir 140 g meel, maar die meel word in kilogram verkoop. Skakel alles om na gram, en doen die berekening in gram: 1 kg meel is 1 000 g meel. DIE FORMULE LYK SÓ Koste van bestanddeel = (prys van bestanddeel gewig waarin dit verkoop word) x gewig van bestanddeel in resep VOORBEELD As jy R50 betaal vir 1 kg meel en jy gebruik 140 g in die resep, kos die meel jou R7: (R50 1 000) x 140 = R7 Werk nou elke ander bestanddeel se koste uit, tel alles bymekaar en deel dan die totale bedrag deur die hoeveelheid eenhede wat die resep lewer. Dit…

* Uit C. Louis Leipoldt: Versamelde gedigte (Tafelberg, 1980) versorg deur J.C. Kannemeyer Wat is dan beter as familie en Sondag se middagfees waar ons skep en onthou. Zola Nene reken dat 7 kleure op jou bord net die ding is (bl. 22). Maar alles begin met daai eerste bord op die tafel gevul met aartappels in alle vorms. Maak dus seker jy kan alles van klassiek tot nuut bemeester in ons aartappel-kookklas (bl. 60). Saam met die koeler seisoene kom ons behoefte om kos te kook wat jou met wonderlike geure verlei nog lank voor jy dit proe. Die geheim van dié soort sukses in die kombuis begin met die fondasie van geur. Herman gee ’n gids wat jou op hierdie pad sal lei (bl. 88). Terwyl ons so…

LEES MEER OOR Hoekom preservering saak maak Droëvrugte: gesond of nie? 6 lekkerste resepte Daar is iets diep vertroostends aan droëvrugte. Dis nie flambojant of modieus nie. Dit flits nie op TikTok of kom in helder verpakkings met superkos-beloftes nie. In ’n wêreld van kitskos en onmiddellike bevrediging voel droëvrugte amper teen die stroom. Dis stadig, nederig en geduldig. Dit vra wagtyd. Dit vra beplanning. Veral in Suid-Afrika het droëvrugte nog altyd ’n spesiale plek gehad. Dis deel van ons landskap, ons geskiedenis en ons smaakgeheue. Nie as ’n luukse nie, maar ’n noodsaaklikheid. Die slim antwoord op warm somers, kort seisoene en oorvloed wat andersins verlore sou gegaan het. (Sien kassie op bl. 45.) WANNEER VARS VRUGTE NIE GENOEG IS Vars vrugte is heerlik, maar het ’n kort raklewe,…

LEES MEER OOR Herman se wenke vir eenpotkos Bruin hoender met Bisto Nog resepte met min skottelgoed 10 SLIM WENKE VIR EENPOTGEREGTE NET GENOEG VLOEISTOF Gebruik net genoeg aftreksel, water of suiwel om proteïene of groente te kook sonder om dit te verdrink. Begin met minder vloeistof as wat jy dink jy nodig het; jy kan altyd nog byvoeg soos nodig en jy gaan nie dan sommer ’n sop maak van iets wat eintlik bedoel was om ’n bredie te wees nie. LAAT RUS EERS Sodra kos gaar is, laat die pot, pan of bak vir ongeveer 10 minute van die hitte af staan. Dit laat tyd toe vir souse om effe te verdik soos dit afkoel én kos smaak beter as dit ’n klein bietjie gerus het. Die hitte van…

LEES MEER OOR 10 piesangdinge In ’n stoompoeding Internet-croissant nou getoets! Gestoomde piesangpoeding met vla Een van my gunstelingwinterpoedings, ook heerlik om by die kampvuur te maak. GENOEG VIR 6-8 125 g (135 ml) botter 125 ml gouestroop 100 g (125 ml) strooisuiker 2 eiers 210 g (375 ml) bruismeel 160 ml melk 4 piesangs, fyngedruk vanieljevla vir voorsit Spuit ’n keramiek- of emaljepoedingbak (of geskikte kleiner bakke) met ’n volume van 1 liter met kleefwerende kossproei. Klits botter, stroop en strooisuiker in middelslag-mengbak tot romerig. Voeg eiers een vir een by en klits goed ná elke byvoeging. Roer bruismeel, melk en piesang by. Skep beslag in voorbereide bak en smeer bokant gelyk. Vou die bak in ’n moeseliendoek toe en maak ’n losserige knoop aan die bokant. Plaas bak…

LEES MEER OOR Alternatiewe vir gewone meel Hoe gebruik ek dit? Bak 6 glutenvrye koeke Vir lank was meel . . . net meel. Wit. Betroubaar. Altyd daar. Dit was die stil ruggraat van brood, koek en tert – iets waaroor ’n mens selde nagedink het. Maar soos ons kombuise verander het, was daar ook ’n skuif in ons verhouding met meel. Nie uit tekort nie, maar nuuskierigheid. Uit ’n begeerte om anders te bak. Ligter. Ryker. Met meer tekstuur, meer geur, meer ruimte om te speel. Alternatiewe vir meel is nie net ’n modegier nie; dis ’n hele nuwe speelveld. Elkeen bring sy eie karakter saam – soms sag en neutagtig, soms aards en robuus, soms verrassend soet. Om met hierdie meel te werk vra ’n bietjie aandag, maar…

As ’n amper-kluisenaar kan ek met sekerheid sê Dorothy het die waarheid gepraat toe sy gesê het: “There’s no place like home.” Dis waar al my boeke en wyn is. En waar almal anders nié is nie. Ek het gelukkig vroeg geleer hoe om die jaarlikse “O ja, julle bly mos by die see . . . Hoe lyk julle Desember-planne?”-oproepe te hanteer: Ek ignoreer álle oproepe. Te alle tye. Maklik. Dít keer nie die toeriste wat oor die feesseisoen in Kaapstad arriveer nie – miljoene mense wat Tafelberg wil klim, biltong wil probeer, “goeiemôre lekker” wil sê, en ’n pikkewyn in hul handbagasie landuit wil smokkel. En dan is daar die plaaslike toeriste: dié wat vir omtrent veertien dae en nagte te perd of Fortuner reis om met oorgawe…

1. KANTPATRONE Gebruik hierdie rolletjie van corecatering.co.za om jou gebak soos pasteie of terte ’n mooi kantpatrooneffek te gee. 2. MES MET TANDE Hierdie riffelrandmes is enige bakker se beste vriend. Dis perfek om blaardeeg, koeke of enige ander gebak netjies te sny. Riffelrandmesse vir gebak is anders as ’n broodmes: die riffels is sagter en ronder om fyn deur gebak te sny. Dié een kan jy aanlyn teen sowat R600 by solomonslifestyle.co.za koop. 3. EENVORMIG Belê in silikoonpanne wat jou gaan help om porsies eenvormig te maak. Hierdie een kan jy gebruik om bv. die hoenderpastei-vulsel op bl. 20 mee te vorm voor jy die deeg opsit. ’n Vorm is ’n maklike manier om gewone, bekende gebak gou-gou anders te laat lyk. Bestel Alanes se produk teen R179 by…

Vrugtefees ’n Nuwe ou gunsteling is ’n vrolike ode aan vrugte in keramiekware. Winkels soos Mr Price Home, Bespoke Home en selfs Block & Chisel bied van opdienbakke tot blompotte waar driedimensionele vrugte deel van die ontwerp vorm. Dink geel suurlemoene en groen vye wat teen rande en kante klou, of aarbeie en piesangs wat soos klein beeldhouwerkies hul opwagting maak. Die ontwerpe bring tekstuur en volume en roep herinneringe op aan daardie ikoniese, amper kitsch keramiekvrugtebakke van ons oumas se buffet- en eetkamertafels. PERFEK IN PASTEL Koffietyd voel sommer meer speels met hierdie koffiemasjien. Nespresso se Vertuo Pop is kompak en stylvol en pronk nou in ’n beperkte reeks ook in ’n sagte pistasiegroen en pastelgeel. En moenie dat die grootte jou flous nie, dié slimtoestel brou met die druk…

LEES MEER OOR Eiervla en bakkersvla: die verskil . . . en ook gebakte vla 6 resepte KEN JOU VLA Crème anglaise (of eiervla) is ’n ligte, vloeibare vlasous, terwyl crème pâtissière (bakkersvla) ’n dikker vulsel is omdat dit meel of mielieblom as verdikkingsmiddel gebruik, wat dit ferm genoeg maak vir tertvulsels, éclairs en roompoffertjies. Crème anglaise, wat saam met nageregte bedien word, word oor lae hitte gaargemaak en nooit tot kookpunt gebring nie. Crème pâtissière, daarenteen, word gekook om die stysel gaar te maak – wat dit ’n romerige tekstuur gee en die vla help stol. Crème anglaise of eiervla TEKSTUUR: Dun, syagtige vloeibare sous BELANGRIKE BESTANDDELE: Melk of room, suiker, eiergele, vanielje VERDIKKINGSMIDDEL: Net eiergele KOOK: Lae hitte, voortdurend geroer, nooit gekook nie (om te keer dat dit…

LEES MEER OOR Hoe hitte smake beïnvloedWenke vir koue sop8 sopresepte: warm en koud KOUD VS WARM So hoekom proe warm kos dan anders as koue kos? Buiten die voorspelbare temperatuurgevoel in jou mond, speel die temperatuur van kos ’n groot rol in hóé jou tong kos proe en jou brein in kennis stel van die smaak. REUK IS 80% VAN SMAAK Hitte veroorsaak dat reukmolekules meer energiek en “vlugtig” word, wat beteken dat die molekules makliker van die kos af “vlieg” en in jou neus of agter in jou keel beland. Hitte lei dus tot ’n meer intense geur. En hoe kouer die kos, hoe minder geur neem ons waar. JOU TONG EN JOU BREIN Smaakknoppies op jou tong bevat proteïene wat hoogs sensitief is vir temperatuur. Hierdie proteïene…

LEES MEER OOR Hoekom ons afval moet eet 5 snitte van die lam Eenvoudige resepte, groot smake Lamshartkerrie met vetkoeke Ek het hierdie gereg die eerste keer aan tafel van Giles Edwards geproe by sy destydse restaurant La Tête in die Kaap. Hart is niks minder as een groot stuk vleis nie, dink daaraan as beesfilet wat baie taai is. As jy dit nie self wil maal nie, kan jy jou slagter vra. GENOEG VIR 6 KERRIE 8 lamsharte 30 ml olyfolie 1 ui, fyngekap 2 knoffelhuisies, fyngekap 30 ml masala 10 ml borrie 5 ml droë rissievlokkies 410 g-blik gekapte tamaties sout en varsgemaalde swartpeper VETKOEK 10 g-sakkie kitsgis 10 ml sout 300 ml louwarm water 45 ml heuning 5 ml komynsaad 500 g (890 ml) koekmeel plus ekstra vir…

LEES MEER OOR Maalvleiswenke vir beter kos Wat sê ons wet oor vetinhoud? 6 resepte vol geur FYNER KUNSIES VIR MAALVLEIS-SUKSES Met genoeg kennis en ’n bietjie slimmer kook gaan jou maalvleis nooit weer vaal of droog wees nie! NET GENOEG VET Kies ’n maalvleis met ’n vetinhoud van ongeveer 15-20% vir maksimale geur en ’n eindresultaat wat nie te droog is nie. Ekstramaer maalvleis (minder as 10% vet) kan droog, taai en onsmaaklik word, veral in geregte soos frikkadelle of in burgerpatties. As jy baie maer maalvleis gebruik, moet jy dit slim gaarmaak in iets soos ’n tamatiebasissous wat vog bysit. WARM, WARMER, VUURWARM Begin met ’n warm pan of pot oor hoë hitte om te verseker dat die vleis dadelik begin braai eerder as stoom. As die pan…

TUISNYWERHEDE: MEER AS GEBAK¸ DIS ’N GEMEENSKAP Op ’n mooi Sondagmiddag sit ek voor my rekenaar en begin lees oor die tradisie van tuisnywerhede in Suid-Afrika. Ek is self die resultaat van een. My ma het byna tien jaar lank een besit op Upington. Sandies Tuisbedryf: haar droom om goeie gebak met die mooiste verpakking die dorp in te stuur. Dáái tuisbedryf is die rede hoekom ek vandag kan staan waar ek staan. Sy het gebak en die dorpstannies almal kans gegee om te kom verkoop. Sandies se deure het in April 1997 oopgeswaai, in ’n klein agterstraatwinkel, Koöperasiestraat 3. Die sukses was reeds in die straatnaam, het my ma altyd gesê. Binne het dit soos ’n prentjie uit ’n tydskrif gelyk, my ma se droom! Olyfgroen mure met sinkdakkies…

• DIGITALE KOMBUISSKAAL Presisie is van kritieke belang by bak, en droë bestanddele soos meel of suiker meet nie deurgaans noukeurig af as jy ’n volumemaat soos ’n koppie gebruik nie. ’n Skaal verseker konsekwente resultate omdat jy volgens gewig meet. • MAATBEKERS EN -LEPELS Terwyl skale die beste vir droë bestanddele is, benodig jy steeds ’n stel maatbekers vir vloeistowwe en maatlepels vir klein hoeveelhede rysmiddels. • MENGBAKKE Belê in ’n stel mengbakke van verskillende groottes, verkieslik van vlekvrye staal of glas vanweë dié materiale se duursaamheid en nie-reaktiewe eienskappe. • SILIKOONSPATULA Dit is onontbeerlik om elke stukkie beslag uit bakke te skraap en delikate bestanddele soos geklopte eierwitte saggies in te vou. • DRAADKLITSER ’n Stewige ballonklitser is noodsaaklik vir die belugting van meel, die klits van eiers…