Idees

Selfs hier waar ek in my tuiskantoor sit en werk aan mooi, kreatiewe tydskrifte, kan ek nie miskyk hoe die wêreld om my verander nie. Wie kan? Terwyl Covid-19 soveel mense van hul geliefdes, hul werk en hul besighede beroof het, lyk dit asof dié wat reeds werkloos en haweloos was voordat nuwe teenspoed getref het, deesdae net soveel meer sigbaar is. Die enigste goeie ding is dat dit ons dwing om te sien wat om ons aangaan. Nader aan die huis kom ons dit ook agter aan ons verkope soos wat lesers op ander noodsaaklikhede moet fokus of elke sent spaar uit vrees vir waar die brandstofprys gaan draai en die impak daarvan op lewenskoste. Om dus oor Kerstyd te kon sien hoe die buurt ’n mooi lang tafel dek langs ’n…

NUUT IN JOU WÊRELD Decorex Africa is die gesaghebbende platform vir die dekor-, binneontwerpen leefstylbedryf met ’n lang geskiedenis van wêreldklas-uitstallers wat besoekers bekend stel aan die jongste leefstyltendense en ontwerphoogtepunte wat ’n mens nie durf misloop nie. Vanjaar word Decorex Africa totaal herverbeel met ’n vars handelsmerkidentiteit en verbeterde virtuele funksie wat die digitale en fisieke kombineer. ’n Reeks eendagberade wat deel vorm van die hoofprogram word ook beplan waar die plaaslike ontwerpgemeenskap kan ontmoet en inligting uitruil. Decorex Africa en 100% Design South Africa word aangebied by die Kaapstadse Internasionale Konferensiesentrum (Kiks) van 16 tot 19 Junie en by die Sandtonkonferensiesentrum in Johannesburg van 28 tot 31 Julie. Besoek decorex.co.za. HERPLAVLEI JOU VEL Min dinge kan ’n mens se vel so laat straal soos ’n goeie afskilferbehandeling. Die jongste produk van…

Lynn Rouwhorst het tydelik by haar ma ingetrek nadat haar verhouding skipbreuk gely het en toe gehoor van ’n nuwe projek op haar tuisdorp, Winterswijk, in Nederland. Haar ou skoolgebou wat reeds nege jaar vantevore ontruim is, is uiteindelik hersoneer vir behuising en die hele ombouingsprojek (met die doel om jong mense op die dorp te hou) sou binne dae afskop. Twee jaar later kon Lynn en haar twee katte, Boef en Beer, intrek by die woonstel – slegs enkele maande voordat dié onderhoud plaasgevind het. ‘In die maande voor die verhuising het ek elke dag aanlyn geloer wat te koop is. Ek was in ieder geval klaar mal daaroor om saam met my ma in liefdadigheidswinkels rond te snuffel, en nou het ek ’n amptelike doel gehad! Teen die tyd…

SLIM EENVOUD Rou sementmure of ’n verftegniek wat die voorkoms naboots, raak al hoe gewilder as afwerking. Hier vorm die growwe hale en verskillende skakerings van grys die fokusmuur van die vertrek. (’n CreteStone-afwerking kan dieselfde effek gee.) As ’n moderne bedkopstuk, maar ook lekker boekrak, installeer ’n rak oor die lengte van die muur en verf dit wit om teen die grys uit te staan. Die houtvloer en -bedbasis verleen warmte aan die vertrek. Vir ’n tikkie kleur, kies helderkleurige bedlinne. Groen is ’n natuurlike keuse vir ’n slaapkamer omdat dit met vrede, rus en veiligheid vereenselwig word. Herhaal die groen met ’n plant hier en daar, dit versterk ook die gevoel van rustigheid. Die res van die meubels is eenvoudig, met ’n wit langhaar-flokati-mat om die vloer te versag. INDUSTRIEEL…

GESONDE GROENTESOP Borrie is ’n gewilde staatmaker wat aardse geur en ’n lieflike skelgeel kleur aan kos gee. Dit hou ook verskeie gesondheidsvoordele in omdat dit ryk is aan antioksidante wat help om inflammasie in die liggaam te verminder. Dié heilsame sop is propvol geur en sal jou immuunstelsel ’n hupstoot gee gedurende die koue wintermaande. Genoeg vir: 4-6 Bereidingstyd: 20 minute Gaarmaaktyd: 1 uur ♥ 45 ml canola-olie♥ 1 ui, gekap♥ 3 selderystele, gekap♥ 2 knoffelhuisies, fyngedruk♥ 10 ml fyngerasperde vars gemmer♥ 30 ml gerasperde vars borrie of 15 ml fyn droë borrie♥ 5-10 ml fyn droë brandrissie (opsioneel)♥ 1 kg botterskorsie of pampoen, in blokkies gesny♥ 1 blik (400 g) kekerertjies, gedreineer♥ 125 ml rooi lensies♥ 1 liter aangemaakte of tuisgekookte groenteaftreksel♥ 1 blik (400 ml) klappermelk♥ 1 klein bossie krulkool (kale) of…

Maak: 1 groot focaccia Genoeg vir: 12-16 Bereidingstyd: 30 minute, plus rystyd Oondtemperatuur: 180 ºC JY BENODIG ♥ 3 koppies (750 ml) koekmeel ♥ 2,5 ml fyn sout ♥ 5 ml (halwe pakkie) kitsgis ♥ 50 ml olyfolie, plus ekstra vir oordrup ♥ 350-450 ml warm water BOLAAG ♥ 4 babapreie, in die lengte middeldeur gesny en vir 1 minuut in ’n vuurwarm pan gerooster ♥ dun aspersies ♥ kalamata-olywe, ontpit en middeldeur gesny ♥ fetakaas, gekrummel ♥ kruie ♥ growwe sout Meng die meel, sout en gis saam in ’n groot mengbak. Maak ’n holte in die middel en voeg die olyfolie by. Voeg driekwart van die warm water by en meng die meel van die kante af in. Voeg nog ’n bietjie water by, indien nodig, om ’n sagte deeg te vorm.…