Содержание выпуска: July/Aug 2018 — Idees

Die winterkoue het inderdaad sy tande begin inslaan hier in die Kaap en dis met redelike stywe vingers dat ek hier skryf. Ou huise is vol sjarme wat ek net nog nooit kon weerstaan nie, maar glo my – die dik mure hou elke bietjie son en hitte buite. Om hier ’n snoesige hawe te skep moet ek beslis gaan vuurmaakhout koop. Maar dit doen ek met graagte, want ons lang artikel oor die huis as ’n hawe op bladsy 34 het direk aan my siel kom raak. Ek was nog altyd een wat tevrede in my omgewing moet voel om my beste voet voor te kan sit vir die wêreld daarbuite. As die huis omgekrap is, voel ek omgekrap en as daar ’n vuurtjie knetter en my mense en…

Fiksie Dors – Marinda van Zyl (Tafelberg, R280) In die loop van 1876 kom verskeie groepe Transvalers by die samevloei van die Krokodil- en Maricoriviere aan met die idee om na Damaraland te trek – ’n land wat hulle net uit die stories van jagters ken. Om daar te kom moet hulle ’n stuk waterlose Kalahari, bekend as die Dors, oorsteek. Die magstryd tussen die voormanne van elke groep om die hoofleier te wees laat die trek op ’n ramp afstuur, lank voor hulle die Dorsland binnegaan. Aan die ander kant wag ’n land vir mense wat uit hardekool se hout gesny is. ’n Land vir mense wat die dood kan vat en kan doodmaak sonder om ’n oog te knip. Selma en Louise – Susan Coetzer (H&R, R295) Selma…

‘Ontwerp is ’n voortdurende uitdaging om ’n balans te vind tussen gemak en luuksheid, en prakties en begeerlik,’ het die Amerikaanse modeontwerper Donna Karan op ’n keer gesê. En dié wonderskone woonstel in Seepunt, Kaapstad, is die ideale voorbeeld van hoe ’n mens dié balans eksieperfeksie kry. Met ’n vloeroppervlak van slegs 138 m² is dit beslis nie ’n grootte wat enigiemand wat ’n gesinshuis soek, ernstig sal oorweeg nie – laat staan nog dit gaan besigtig of koop! Maar natuurlik is Michael Udell, uitvoerende hoof van die digitale advertensieagentskap Punk, en die entrepreneur Carin Dean-Wales nie wat ’n mens ‘gemiddeld’ sal noem nie… Vir hulle was die fisieke grootte van die woonstel nie naastenby so belangrik nie soos die natuurlike lig wat die blyplek binnevloei danksy vensters wat noord,…

MOOI GEWEEF Ons het vir dié ou bal-en-klou-stoel ’n nuwe rugleuning gemaak met die Panama-weeftegniek (ook bekend as mandjieweefwerk) en doopgekleurde katoentou. MOEILIKHEIDSGRAAD: gemiddeld TYD: 1 dag JY BENODIG ♥ geskikte stoel ♥ 6 mm- doopgekleurde katoentou (ons het omtrent 10 m gebruik) ♥ gomgeweer Meet die lengte en breedte van die rugleuning en tel minstens 30 cm by om die lengtes tou te bereken. (’n Langer tou is beter – jy kan dit altyd agterna korter knip of dit laat hang soos ons s’n.) Knip ’n paar lengtes tou. Knoop ’n lengte tou aan die bokant van die stoelraamwerk vas en dan aan die onderkant. Knoop die volgende lengte omtrent 1,5 cm weg van die eerste een. Gaan so voort totdat die hele breedte voltooi is. Sorg dat die…

MOEILIKHEIDSGRAAD: gemiddeld TYD: halfdag JY BENODIG Vir die kopstuk van ’n driekwartbed: ♥ veselbordbasis van 1 m x 1 m x 19 mm ♥ 1 x dennehoutlat wat rondom geskaaf is (PAR) van 22 mm x 44 mm x 2,4 m, gesaag in 2 x 1,2 m-lengtes ♥ 4 x 3 mm x 32 mm-spaanderbordskroewe ♥ 1 m x 1 m x spons, 75 mm dik ♥ 2,5 m materiaal (ons het linne gebruik) ♥ 1,1 m watteersel ♥ 1,1 m katoenvoering ♥ 18 x 22 mm knope wat oorgetrek kan word ♥ dik gare (ons het hekelgare gebruik) ♥ matrasnaald ♥ kramgeweer JY BENODIG OOK ♥ skrynwerkerspotlood ♥ figuursaag ♥ boor met 3 mm-houtboorpunt ♥ 22 mm-gatsaagboorpunt ♥ elektriese voorsnymes ♥ skroewedraaier ♥ winkelhaak ♥ skuurpapier ♥ spuitgom ♥…

Tydens ’n onlangse praatjie het die Italiaanse kosmetiekgroep Skin Regimen vertel van hulle navorsing wat op die sogenaamde urban dwellers, en veral op millenniërs, gefokus is. Hierdie mense het ’n heel ander lewensuitkyk, leefstylbehoeftes en produkte wat hulle verlang. Volgens hierdie navorsing gaan 66% van die wêreld se bevolking teen 2050 in stede woon. ’n Volle 30% van dié mense is baie bekommerd oor die uitwerking van die omgewing op hulle vel. Waar die fokus voorheen op beter voeding, oefening en leefstylgewoontes (innerlike gesondheid) was, sluit dit nou ook uiterlike gesondheid in – dus nie net ’n sterk, soepel, beweeglike en gesonde liggaam nie, maar ook ’n gesonde vel. WAT IS ’N MILLENNIËR? Dit is mense wat tussen 1981 en 2001 gebore is en sluit in Generasie Y (1981-1991) asook…

LINNEVOORSKOOT MOEILIKHEIDSGRAAD: maklik TYD: 2-3 uur JY BENODIG ♥ patroon op oorkantste bladsy ♥ growwe linne van jou keuse ♥ bypassende masjiengare ♥ borduurgare en -naald SO MAAK JY 1 Knip die patroondele uit: 1 x voorskoot, 2 x sybande, 2 x nekbande en 1 x sak. 2 Vir die sybande, vou die een strook in die lengte in die helfte en stryk dit plat. Vou dit oop en vou die een rafelrand van die lang sy 6 mm om. Stryk dit stuk-stuk plat tot die hele rand omgevou is. Herhaal die proses aan die ander lang sy. Vou die strook in die helfte op die oorspronklike halflyn en stryk dit plat. Herhaal die proses met die tweede strook. Doen dieselfde met die nekbande en sit al die bande eenkant.…

JY BENODIG ♥ gestabiliseerde botterroomversiersel (resep hieronder) ♥ middelslag- of groot blomstokkie (of gebruik die basis van ’n klein, omgekeerde wynglas) ♥ spuitsak ♥ koppelstuk (coupler), as jy meer as een kleur wil gebruik ♥ gladderand-‘basket-weave’-versierspuitstuk ♥ waspapiervierkante GESTABILISEERDE BOTTERROOMVERSIERSEL ♥ 450 g sagte botter ♥ 50 ml langleweroom met stabiliseerder (ons het Woolworths s’n gebruik) ♥ 50 ml mielieblom, gesif ♥ 10 ml vanieljegeursel ♥ 1 kg gesifte versiersuiker ♥ jelkoskleursel Klits die botter tot dit net-net romerig is. Voeg die room, mielieblom en vanieljegeursel by en roer dit tot dit net-net ingemeng is. Voeg die versiersuiker in drie sarsies by – klop dit stadig in tot dit net-net ingemeng is en onthou om die binnekant van die bak te skraap voor jy die volgende hoeveelheid byvoeg. Moenie die…

MOEILIKHEIDSGRAAD: maklik TYD: 2-3 uur PATROONGROOTTES: 3-4, 5-8, 9-12 jaar VOLTOOIDE MATES (keuses 1 en 2) Wydte: 42, 46, 50 cm. Hoogte: 18 cm. JY BENODIG ♥ 1 bol (106 m/100 g) Katia Peru in kleur 42 per item ♥ 10 mm-breipenne ♥ tapisserienaald SPANNING 9 ste en 17 rye = 10 x 10 cm met 10 mm-breipenne in patroon. AFKORTINGS aw – aweregs her – herhaal r – regs RK – regte kant st(e) – steek(steke) SO MAAK JY KEUSE 1: Stel 43 (47, 51) ste op. Ry 1: *R1, aw1; her van * tot einde. Ry 2 en verder: Her ry 1 tot werk 18 cm lank is. Heg al die ste lossies af. KEUSE 2: Stel 43 (47, 51) ste op. Ry 1: (RK) R. Ry 2:…

’N EETBARE TAFELLOPER Wie soek nou ’n spoggerige tafelloper as jy die ganse lengte van die tafel met liplekker bolae kan oorlaai: kersies, sprinkels, strope. PANNEKOEKMENGSEL Bederf elke gas met ’n porsie pannekoekmengsel (sonder die vloeistowwe) en plaas dit in die boksies waarvan jy die patroon by ingoodcompany.co.za kan aflaai en uitdruk. Só kan die gaste volgende keer jou ‘tuisgemaakte’ pannekoeke by hulle eie huis geniet. KIKKER DIT OP Met ons treffende swart-en-wit tekens met woorde soos NOU KAN JY VERSIER! en BOTTER ROOM DROOM is dit maklik om vir elke gas ’n plek te dek. STROOP, ASSEBLIEF! Kikker die stroop-, melken waterbottels by die partytjie op met ons oulike etikette met ’n stroopsoet gesiggie. PANNEKOEK, PANNEKOEK OF PANNEKOEK? ’n Kaartjie om gaste te laat weet wat op die spyskaart…

MOEILIKHEIDSGRAAD: redelik maklik TYD: 1 dag GROOTTE Die jas pas ’n klein hondjie met ruglengte 38 cm, borsomtrek 46 cm en maagomtrek 33 cm. Vir ’n langer hond kan jy die aantal rye vir die lyfie vermeerder voor vermindering. Die aantal steke kan vermeerder word as jy die lyfomtrek breër wil maak. As jy die jas effens groter wil maak of losser wil laat sit, kan jy ’n dikker wol (soos Aran) en ’n dikker hekelpen gebruik. JY BENODIG ♥ 1 x 100 g-bol Elle Pure Gold DK in Blossom ♥ 5 mm- en 3,5 mm-hekelpenne ♥ borduurpatroon hiernaas ♥ oorskietbreidraad of tapisseriewol in bruin, room, maroen en ligpienk ♥ borduurnaald HEKELAFKORTINGS beg – begin dies – dieselfde dr – draai gp – groep gs – glipsteek h/af – heg…

Maak seker jy loop nie ’n enkele uitgawe van Idees mis nie! ∗ TEKEN OP DIE DIGITALE TYDSKRIF IN VIR SLEGS R45 PER UITGAWE. ∗ VIR NAVRAE OOR DIGITALE INTEKENINGE, BEL 087 741 3177 OF STUUR ’N E-POS AAN SUPPORT@MYSUBS.CO.ZA. ∗ VIR ’N JAARLIKSE INTEKENING VAN R408 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* ∗ TEKEN SÓ IN OP DIE GEDRUKTE TYDSKRIF: • SKAKEL 087 740 1025 VIR IDEES (MAANDAE TOT VRYDAE, 8 VM. TOT 4.30 NM.), ÓF • SKAKEL 087 740 1027 VIR IDEAS. • STUUR JOU NAAM & KO NTAKB ESO NDERHEDE PER E-POS AAN SUBS@IDEASFACTORY.CO.ZA.** SMS ‘INTEKEN ID EES’ NA 33153. SMS ’E KOS R1 ELK.** TEKEN SÓ DIGITAAL IN 1 Gaan na www.mysubs.co.za en sluit aan OF meld aan. 2 Gaan…

creativecalendarideas@gmail.com Julie 17 Julie Skole heropen 18 Julie Nelson Mandela-dag WES-KAAP 24 Junie-26 Augustus Die wynplaas Delheim buite Stellenbosch hou elke Sondag ’n Jazz-enkaasfonduedag. Kaartjies kos R450. Bespreek by Webtickets. 29 Junie-1 Julie & 6-8 Julie Gordonsbaai hou sy Winter Wonderland Festival of Lights oor twee opeenvolgende naweke. Op die program is ’n straatparade, kermis, kostrokke en kuns-en-handwerkstalletjies. Besoek winterwonderland.co.za. 29 Junie-8 Julie Die Knysna Oesterfees spog met meer as 100 sport-, leefstyl- en vermaakitems vir die hele gesin. Besoek oysterfestival.co.za. 9 Julie-5 Augustus Die Jive Cape Town Funny Festival by die Baxter-teater is ’n toonvenster vir die heel beste plaaslike en internasionale komedietalent. Soek ‘Jive Cape Town Funny Festival’ op Facebook vir die jongste inligting. 14-15 Julie Franschhoek vier weer Bastilledag met wyn en kos, musiek en markte. Meer…

@CORNEL_STRYDOM Pretoria, Suid-Afrika Cornel Strydom, kreatiewe siel, Idees-medewerker en vrou van eindelose talente, inspireer duisende op haar Instagram-blad. Sy het ’n groot liefde vir hekel, en deesdae ook permakultuur op hul nuwe Karooplaas. @NOSTALGIETEXTILES Centurion, Suid-Afrika Letitia du Toit se mooi gedrukte lap laat jou terugverlang na volksliedjies, kinderspeelgoed en TV-helde uit vervloë dae. Nostalgie, ’n liefde vir kleurryke patrone en woorde vind alles uiting in haar ontwerpe. @DONNASMITHDESIGNS Shetland, Skotland Die breiliefhebber Donna Smith wissel foto’s van die beeldskone (koue!) landskap af met dié van hoe sy haar wêreld snoesig brei. Sy kleur haar eie wol in die mooiste skakerings en ontwerp al haar patrone self.…

Wie kan miskyk dat die wêreld onrustig voel? Dat dinge net te vinnig gebeur, dat dit voel of wêreldvrede aan ’n dun draadjie hang. Geen wonder nie die tendensvoorspeller Li Edelkoort sê dat ons weer, nes jare gelede met die futuris Faith Popcorn se konsep van ‘cocooning’, na ons huise gaan kyk as ’n toevlugsoord. Maar dié keer met ekstra aandag aan die huis as ’n stilteplek, jou eie tempel van rus en vrede. ’n Ruimte sonder te veel goed en fieterjasies om jou tyd en aandag te verg. Net ’n plek waar jy stil kan word aan die einde van elke dag.…

Macramé is terug en die dekorwêreld jubel! Ons wys jou stap vir stap hoe jy dit doen. KOEPELVORMIGE LAMPKAP MOEILIKHEIDSGRAAD: maklik TYD: 5 uur JY BENODIG ♥ koepelvormige lampkapraam ♥ no. 304-katoentou SO MAAK JY 1 Meet die sparlengte van die raam, sowel as die spasie tussen twee sparre by die boonste ring. Knip dieselfde aantal koorde as wat daar sparre is, met elke koord wat 10 keer die totale sparlengte plus die borandspasie is, plus twee keer die verlangde fraiinglengte. 2 Vou ’n koord in die helfte en knoop dit aan die boonste ring van die raam vas met ’n riemslagknoop, halfpad tussen twee sparre. Knoop omgekeerde dubbelslagknope aan elke kant van die riemslagknoop tot by die naasliggende sparre. Knoop die res van die koorde op dieselfde wyse. 3…

Lugdroogklei is nie waterdig nie, so gebruik jou potjies vir ‘droë’ goed soos grimeerkwaste of penne, of selfs ons droë blommerangskikking: Sny ’n dooie takkie af en verf dit ligpienk met ’n droë kwas, sodat die bruin van die tak nog hier en daar wys. Soek op die internet vir bloeiselprente, druk dit in kleur uit en sny die bloeisels uit. Plak dit met ’n gomgeweer op die tak vas. Nou het jy blomme wat in die pot kan staan sonder water. As jy wel vars blomme wil gebruik, sit die blomme eenvoudig in ’n glas met water in die pot. Lugdroogklei beskikbaar by PNA. KLEIPOTJIES MOEILIKHEIDSGRAAD: maklik TYD: 1 uur, plus droogtyd JY BENODIG ♥ lugdroogklei♥ nommer- en alfabetstempels♥ koekroller♥ kombuisspons♥ staalliniaal♥ stomp mes♥ tandestokkies SO MAAK JY 1…

Op ’n toweraand om ons lang partytjietafel met 36 mense wat dieselfde taal praat, het Idees een jaar gevier van ons nuwe bestaan as indie-tydskrif – klein, met ons eie nis, en onafhanklik. Met die welkome reën wat in die dorre Kaap op die sinkplaatdak van Simondium’s Country Lodge se Poupaleis neerdreun, is die aand gewy aan papier – en ons papier-vriendelike manier om te onthaal. Elkeen van die vier geregte op Mynhardt Joubert se ongelooflike spyskaart (kompleet met wortels in eetbare goudpapier!) is voorgesit in wegneemboksies, elke gang uniek versier soos net ons Hannes kan. Die aand het afgeskop met Lisa Brits wat harp speel, G&T en vonkelwyn om aan te teug en oesters en canapés om aan te knibbel, en gou is gesigte en name bymekaargesit. Teen die…

Dalk is jy soos ek: Wanneer die lewe hopeloos te wild en woelig raak, voel jy nog die een oomblik rasend honger en die volgende oomblik trommeldik – en jy kan glad nie onthou wat tussenin gebeur het nie. Om bewustelik – of mindful – te eet is presies die teenoorgestelde. Jy het heel moontlik al van die term gehoor, maar weet miskien nie wat dit regtig beteken nie. Om bewustelik te eet gaan daaroor om volkome op jou kos te fokus – van hoe die vars produkte gekweek word en waar jy jou bestanddele koop tot hoe jy die maaltye berei en uiteindelik eet. In ’n wêreld boordens toe vol dinge wat gedurig ’n mens se aandag aftrek, vergeet baie van ons om volkome te fokus op wat ons…

Die winter met al sy diep, ryk kleure is hier. Met die groot droogte hier in die Kaap waar ek woon, verwelkom ons die nat, koue weer. Die skakerings van grys en wit wat oor die aarde kom, die romantiek van ou huise met kaggels wat gesellig knetter en die herinneringe aan die familie wat saam knus word, is die inspirasie vir dié uitgawe se verf-omtowering. Ek is altyd in verwondering oor hoe vinnig verf en die gebruik van net ’n paar tegnieke ’n ruimte heeltemal anders kan laat lyk en die horlosie se wysers eeue terugdraai. Vir ons romantiese, reënerige wintertema het ek op hierdie tegnieke besluit: 💮 MUUR: Gebruik ’n tegniek met ’n paletmes om die voorkoms te verkry van afgedopte verf en pleister wat daaronder wys. ’n…

Toe die kunstenaar Elsibe McGuffog so drie jaar gelede borduurwerk in haar werk begin inspan het, was dit danksy pure toeval. Saam met die stapel boeke wat sy van ’n vriend wat getrek het, ‘geërf’ het, het sy die lieflikste rolletjies borduurgare gekry wat sy op ’n spesiale manier wou benut. En toe die bekende kunstenaar Louis Jansen van Vuuren haar vra om ’n selfportret te maak vir ’n uitstalling wat in 2015 op die Woordfees op Stellenbosch gehou sou word, moes sy eenvoudig die gare gebruik. ‘Dis seker die invloed van my ouers wat in die Depressiejare grootgeword het: Jy gebruik alles en mors niks nie,’ lag Elsibe. Die uiteindelike multimedia-portret – foto’s van haar as kind op lap gedruk met reëls uit ’n gedig bo-oor geborduur – was…

MOEILIKHEIDSGRAAD: redelik maklik TYD: 1 dag JY BENODIG ♥ wit blikbord ♥ prent van jou keuse ♥ Vinnis Colours Nikkim DK (50 g-bolle): 1 bol elk in Sunshine en Peach, óf 1 bol elk in Blue-Grey en Ballet Pink ♥ 3 mm-hekelpen ♥ borduurnaald ♥ sterk suikerwateroplossing (50:50) ♥ modge podge ♥ handwerkkwas ♥ merkpen ♥ lang, dik spyker (soos ’n dakspyker) en hamer HEKELAFKORTINGS beg – begin dies – dieselfde gp – groep gs – glipsteek h/af – heg af her – herhaal kb – kortbeen ks – kettingsteek lb – langbeen rdte – rondte sp – spasie st – steek vlg – volgende STEEKVERDUIDELIKING Picot: 3 ks, gs in 1e ks. SO MAAK JY 1 Draai die bord om. Gebruik die merkpen en maak kolletjies 1 cm uitmekaar…

MOEILIKHEIDSGRAAD: redelik moeilik TYD: 4 dae JY BENODIG ♥ tegniese tekeninge op dié blaaie MATERIAAL ♥ hout (ons het meranti gebruik) – 1 000 mm x 142 mm x 11 mm – 1 000 mm x 70 mm x 11 mm – 1 000 mm x 24 mm x 24 mm – 83 mm x 70 mm x 35 mm ♥ 1 x LED-kollig PAR16 50 4,8 W (nie een wat hitte uitstraal nie) ♥ 1 x PAR16-nislig-lamphouer (keramiek met plastiekrugstuk) ♥ 2 x 15 amp-strookverbinders ♥ 1 x omvlegte lampkoord (ons het een in swart gebruik) ♥ 1 x 15 amp-3-tandprop ♥ 1 x tuimelaarskakelaar (onderdeelnommer: MR2120-R5BB) ♥ 2 x 4,8 mm- rooi isoleerkabelore (onderdeelnommer: LS15048) ♥ 1 x 12 mm-skroefdraadstaaf (lengte: 45 mm) ♥ 1 x 12 mm-vleuelmoer…

Kruie Grasuie, kappertjies, laventel, lourierblare, marjolein, meerjarige basiliekruid, ment, origanum, perdeblom, pietersielie, roket, roosmaryn, salie, sitroengras, tiemie, vinkel. Groente Aartappels, aspersies, beet, blaarslaai, blomkool, boer-boontjies, broccoli, brusselse spruite, ertjies, komkommer, kool, krulkool, lemoenpampoentjies, pampoen, patat, preie, radyse, rape, sampioene, seldery, soetrissies, spinasiebeet, sprietuie, tamaties, uie, witwortels, wortels. Vrugte Appelliefies, appels, avokadopere, grenadellas, kiwivrug, koejawels, koemkwats, lemmetjies, lemoene, lukwarte, nartjies, papajas, piesangs, pomelo’s, pynappel, suurlemoene. Blomme Affodille, anemone, angeliere, aronskelke, banksias, barbertonse madeliefies, bergbruidjies, dwerg-barbertonse madeliefies, erikas, freesias, gipskruid, goueroede, gousblomme, heide, inkalelies, irisse, kangaroepote, kardinaalproteas, koningsproteas, krisante, leeubekkies, Leucadendrons, mundiproteas, Oosterse lelies, orgideë, papierblomme, pronkertjies, pronkridderspore, ranonkels, ridderspore, sintjosefslelies, soetemaling, speldekussings, stokrose, strelitzias, tjienkerientjees, tulpe.…

Die moderne slaapkamer maak ’n draai weg van die duvet af, terug na ’n ouwêreldse, luukse laag-op-laag-gevoel. Vir hierdie bed het ons verskillende stukke linne in warm water gewas om dit lekker sag te maak en klaar te krimp en dit net so onafgewerk in lae oor die bed gegooi. Só kan jy speel met kleur terwyl jy warm bly. En as jy baie koulik is, gooi die lappe bo-oor jou donsduvet en laat dit sommer tot op die vloer hang. KOMBERS MOEILIKHEIDSGRAAD: maklik TYD: 1 week (dit brei in ure gouer klaar, maar omdat die breipenne so dik is en die werk swaarder word, raak jou hande ná ’n tyd moeg en moet jy eers jou breisessie onderbreek) GROOTTE Met randafwerking: 212 x 112 cm, wat oor ’n enkelbed…

LET WEL: ’n Tappen word as steun gebruik om die knope te demonstreer. ’n Ander koord word egter dikwels as steun in macramé gebruik. RIEMSLAG-KNOOP Vou die koord in die helfte om ’n lus te vorm. Slaan die lus oor die steun van voor na agter. Neem die twee koordpunte en steek dit deur die lus, voor na agter. Trek die knoop styf. Riemslagknope word gewoonlik gebruik om koorde aan ’n steun aan die begin van die werk vas te knoop. Hier is vier dubbelkoorde met riemslagknope aan ’n tappen vasgeknoop. OMGEKEERDE DUBBELSLAG-KNOPE Begin met ’n riemslagknoop, wat die eerste paar omgekeerde dubbelslagknope is. Om die eerste helfte van die tweede paar omgekeerde dubbelslagknope te knoop, neem die koord oor die steun, voor na agter, en trek die koordpunt deur…

KOUE PROSES Koueprosesseep is redelik maklik en veilig om te maak, daarom verkies ons dié metode bo die moeiliker warmprosestegniek. Dit behels die gebruik van loog, wat jy versigtig moet hanteer, en verskeie olies. Jy sal tot ses weke moet wag vir die seep om ryp te raak en volkome te verseep. (As jy die seep te gou gebruik, kan die loog jou vel brand.) HOUTSKOOLSEEP JY BENODIG ♥ 66 g loog♥ 172 g gedistilleerde water♥ 182 g klapperolie, plus ekstra om die vorms te smeer♥ 182 g olyfolie♥ 90 g kasterolie♥ 15 ml geaktiveerde houtskoolpoeier♥ 15 ml bentonietkleipoeier♥ ’n paar druppels sitroengras- vlugtige olie NOTA: Steenkool is deesdae ’n gewilde bestanddeel in seep omdat dit allerlei voordele vir die vel inhou. Dit help veral vir probleme soos psoriase en…

TAMATIEROOMSOP MET SPEK EN ROOSMARYN Dié sop is kinderspeletjies om te maak en heerlik as voorgereg of ligte maaltyd. Dit smaak veral vorentoe met tuisgebakte focaccia. Genoeg vir: 4-6 Bereidingstyd: 30 minute Gaarmaaktyd: omtrent 1 uur ♥ 30 g botter♥ 200 g streepspek, gekap♥ 2 preie, in ringetjies gesny♥ 1 knoffelhuisie, fyngedruk♥ 2 blikke (425 g elk) pruimtamaties♥ 250 g pampoen, in blokkies gesny♥ 1 klein takkie vars roosmaryn♥ 5 ml droë origanum♥ 5 koppies (1,25 liter) aangemaakte of tuisgekookte hoenderaftreksel♥ 30 ml room (opsioneel)♥ kersietamaties, middeldeur gesny en gebraai, vir garnering♥ gerasperde parmesaankaas, om voor te sit 1 Verhit ’n bietjie van die botter in ’n groot kastrol en braai die spek oor matige hitte tot dit bros is. Skep dit uit en hou dit eenkant. 2 Gooi die…

SJOKOLADEMOUSSEKERSE Maak: 6 Bereidingstyd: 2 uur, plus yskastyd Gaarmaaktyd: 5 minute ♥ sjokolademousse (resep hieronder) ♥ 300 g witkooksjokolade, in stukkies gebreek ♥ 3-4 asetaatvelle ♥ maskeerband ♥ klein ronde koekiedrukker ♥ vars frambose ♥ 6 klein verjaardagkersies SJOKOLADEMOUSSE ♥ 625 ml room ♥ 15 ml gelatien ♥ 4 groot eiergele ♥ 50 ml strooisuiker ♥ 150 g donkersjokolade SJOKOLADEMOUSSE 1 Verhit 250 ml van die room in ’n kastrol tot dit begin stoom. Verwyder die kastrol van die hitte en hou dit eenkant. 2 Plaas die gelatien en 30 ml water in ’n klein bakkie en laat dit ’n paar minute staan om te swel. 3 Klits die eiergele tot dit dik en lig van kleur is. Voeg die suiker by en klits dit goed. 4 Voeg ’n bietjie…

JY BENODIG ♥ houtkassie ♥ Annie Sloan-krytverf in Pure White ♥ Annie Sloan-krytverf in Graphite ♥ Annie Sloan Clear Soft Wax (of gebruik Annie Sloan Lacquer) ♥ 50 mm-sagtehaarkwas (ek gebruik Hamilton’s se Ensign Perfection-kwas) ♥ kunskwassies en/of ’n veer ♥ kaasdoek (mutton cloth) ♥ sproeibottel met water Gebruik die 50 mm-sagtehaarkwas en verf ’n soliede laag wit krytverf oor die kassie se blad. Laat dit heeltemal droog word voordat jy dit met waks of lakverf verseël. (Dié stap is nodig omdat redelik baie water vir die marmer-effek gebruik gaan word.) Verf nog ’n soliede laag wit krytverf oor en laat dit heeltemal droog word. Maak ’n baie loperige mengsel van die grafietkleurige krytverf aan in ’n bakkie. Sproei ’n bietjie water oor die oppervlak van die blad om die…

‘Ek is te besig en te ongeduldig vir meditasie,’ was my reaksie toe Terena le Roux my vra om ’n artikel oor die voordele van dié manier van kopskoonmaak te skryf. Ek het egter nuuskierig geraak… Ek was verras toe ’n vinnige internetsoektog ’n string voordele uitspoeg: stresverligting, ’n skerper fokus, ’n ligter gemoed, en selfs beter gesondheid danksy laer bloeddruk en nog baie meer. En baie verbaas om te lees jy hoef nie ‘diep’, esoteriese gedagtes te dink nie – jy moet juis nie eintlik dink nie! En toe gebeur daar iets wat my laat wakker skrik. Ek en my man, Louis, koop ’n skildery, maar vir eers moet dit in die galery bly hang. ’n Paar dae later storm ek soos gewoonlik ná werk teen hoë spoed by…

HONDEBED MOEILIKHEIDSGRAAD: maklik TYD: 2-3 uur, plus droogtyd JY BENODIG ♥ ou bedkassie ♥ lekker sagte kussing wat onderin pas ♥ muurpapier op die openingsblad ♥ krytverf in die kleur van jou keuse ♥ krytverfwaks ♥ modge podge ♥ verfroller, verfkwas en verfbak ♥ afvalstukkie dun balsahout ♥ ruwe tou ♥ hamer en spyker ♥ fyn skuurpapier ♥ gomgeweer ♥ handwerkmes, snymat en staalliniaal Skuur die bedkassie liggies af en vee dit met ’n droë lap af. Verf die kassie met twee of drie lae krytverf in die kleur van jou keuse en laat dit heeltemal droog word. Verseël dit met krytverfwaks. Kopieer die muurpapier in die verlangde grootte op wit papier en plak dit met modge podge aan die binnekant van die kassie vas. Verseël die papier met ’n…

SKRYF VIR ONS & WEN! Die skrywer van ons wenbrief, Elna Davies, ontvang ’n geskenkpak van Tjirpie ter waarde van R1 085. Die ontwerpersitems in die geskenkpak sluit in ’n suikerpot, melkbeker, ’n verskeidenheid kunsafdrukke van proteas en voëls en ’n geskenkboks met geskenkkaartjies. Om meer uit te vind oor Tjirpie kan jy e-pos stuur na tjirpie@webafrica.org.za of hulle volg op Facebook (facebook.com/tjirpie) of Instagram (instagram.com/tjirpie). Wenbrief Kettingbrief ’n Teestel, met liefde gemaak vir ’n vriendin wat swaargekry het, is ná ’n tyd en daarmee saam genesing aan my as geskenk gegee. Vanmiddag het ék dit weer vir ’n ander vriendin gegee. Ons het mekaar leer ken nadat ons albei deur moeilike tye is. Saam oor tee, deur gebed en danksy ’n ondersteuningsgroep vind ons die pad na genesing, en…