SARIE içinde July 2015 için içindekiler tablosu

O MY GENADE, DAAR SLAAN DIE STYLPOLISIE TOE! En dit onder die mooiste van die bekendstes tydens die fees van alle rolprentfeeste: Cannes. Net daar, aan die Franse Riviera waar almal wat iets in die rolprentbedryf is jaarliks bymekaarkom om te kyk, te debatteer, besigheid te doen en hopelik as ’n wenner en geldmaker weg te stap. En natuurlik om ook op die rooi tapyt ’n draai te maak voor die wêreldmedia. Om so ’n bietjie te pronk in daardie hemelhoë rooisool-Louboutins, of Manolo Blahniks. Oeps, dís mos toe waar die stylpolisie vanjaar moeilik raak. Want, volgens hulle, was baie vroue se skoene net nie tall genoeg vir ’n formele affêre soos Cannes nie. Die platter en heel plat variasies het glo alle etiketreëls van die glanstapyt verbreek. Nie eens…

@RochellePhotogr Ek love dat sy so voluit leef, en waaghalsig is met haar styl! Good for you. (Oor aktrise Kaley Cuoco wat haar hare pienk gekleur het.) @ambelene Dié uitgawe lyk na ’n treffer (Oor SARIE KOS van Junie/Julie 2015 wat nou beskikbaar is.) @Nitafreak Stunning artikel van jou in die nuwe @SARIETydskrif #Nederig #Opreg #Jysspesiaal @KarlienVanJ bly altyd soos jy is @MelaniesNook1 Lees my @ SARIETydskrif by kerslig tydens beurtkrag Dit lyk asof dit ’n heerlike dag vol fyn smaak en swier was. Ilonka Van Zyl Swartz oor die foto’s van die SARIE & Dior Moedersdag Brunch Hy is die beste ontwerper in Suid-Afrika! Mari Maggel Coetzee oor die rok wat Errol Arendz vir Nerine Pienaar ontwerp het vir die doop van prinses Charlene se tweeling in Monaco Ek…

“Hallo, hallo, hallo,” sê Frank Opperman. “Jis, dit lyk soos nasionale tikdag hier in die Kaap.” Die paaie is net so besig. En die mense kan boonop nie bestuur nie, wei hy uit. Dis Paassondag en Frank is twee minute laat vir ons afspraak by die Ou Meul-teater in die Paarl. Die GPS se streke met die Gautengers. Wat hom en WS, die man wat die klank, beligting en wat nog alles doen, met ’n winkelhaak van die Kaapstadse Internasionale Lughawe begelei het. Byna tot in Kaapstad, voor hulle op die N1 Paarl toe gegooi is. Hy is nooit laat nie, sê hy, fedorahoed op die kop, lyf so vol adrenalien dit lyk asof hy op springs loop. Ons ken hom vir sy kleurryke karakters: die gemoedelike mechanic (Orkney snork…

’n Droom vir baie. Die kans van ’n leeftyd. Vanjaar soek ons SARIE se 5de Voorbladgesig. Lesers het ingeskryf in hul duisende, van Kaapstad tot Kuruman en Cornelia in die Vrystaat. Onderwysers, oogkundiges, rekenmeesters, studente, huisvroue, haarkappers, dokters en operasangers wíl op ons voorblad wees. En óns juig oor elk se waagmoed en lus vir die lewe! Hier’s die 40 semi-finaliste DIE PRYSE 1STE PLEK • Wenner in kategorie 18 – 30: R50 000 kontant van Schwarzkopf • Wenner in kategorie 31 +: R50 000 kontant van Schwarzkopf Een van die 2 kategorie-wenners verskyn op die voorblad van die Oktober 2015-uitgawe. Sy is dan die SARIE Voorbladgesig 2015 10 FINALISTE Elk van die 10 finaliste kry ’n geskenkpak van Schwarzkopf, Clicks, BaByliss en Max Factor Trotse medeborge van SARIE Voorbladgesig…

M elk, of room?’’ vra Karen Thomson. En dan (vir jou) die magiese woorde: ‘‘Suiker”? Jy het jou voorberei op bitter koffie. Want Karen is uitgesproke oor suiker, stysel, alle verfynde koolhidrate. Haar huis is inderdaad ’n suikervrye sone. Jamie (8) en Luke (6) kan soetgoed op partytjies eet, ja. Maar hul smaakkliere het ook al aangepas sedert dit nie meer by die huis beskikbaar is nie. Fozzy, die huishulp, volg gelukkig haar eie kop. Sy bring suiker van die huis af. Dis daarvan wat jy nou gulsig in jou koffie gooi. Karen is heel gemaklik daarmee. As jy ’n suiker-aktivis verwag het wat jou met ’n dun mond aangluur, is jy teleurgesteld. Nie almal het ’n swak plek vir suiker nie, sê sy verstandig. Sy het wel – en…

Is ek emosioneel naby aan my verloofde en sê my verstand vir my dat hy betroubaar is en dat hy werklik is wie hy sê hy is? Is ons verwagtinge, drome en priorit eite dieselfde? Kan ek soms my maat se behoeftes bo myne stel? Kan ek ’n vervulde lewe sonder hom leef ? Stem ons saam oor seks ? Is daar te veel redes wat begeerte na seks blus? Het ons genoeg deernis vir mek aar in tye wanneer seks sk aars is? Is ons volwasse? (Betaal ons r ekeninge betyds? Kan ons selfbeheer t oepas, beloftes hou en verpligtinge teenoor mekaar nakom?) Is daar iets belangriks uit die v erlede wat ek nie deel nie ?…

Saam met wie verkeer jy saans intiem tussen die lakens? As dit jou slimfoon/tablet/skootrekenaar is, is dit ’n fout. Volgens verskeie onlangse sosiale studies bestee ons toenemend meer tyd saam met ons elektroniese maatjies. En daar is minder kans vir bed-kaperjolle. SIT DIT AF! Die kondoomvervaardiger Durex het vroeër vanjaar nuwe slimfoon-tegnologie met ’n groot basuingeskal aangekondig. Dit kan jou sekslewe verander, het hulle weke vooraf beloof. Die wêreld se grootste verkoper van kondome het ’n “eerlike tog roerende” video uitgereik. Daarin bespreek paartjies hoe sulke tegnologie hul verhouding geraak het. Dit het saamgeval met Britse navorsing* wat deur die Durham-universiteit se sentrum vir seks, geslag en seksualiteit bekend gemaak is. Tegnologie het ons lewe radikaal verander. En selfone is deesdae sentraal in die poging om ons romantiese verhoudings op…

Die Dorslandtrek, 1874 – 1881 NICOL STASSEN (PROTEA BOEKHUIS, R600) Stassen doen reeds langer as tien jaar navorsing oor die Dorslandtrek en dié lywige boek stippel die fassinerende geskiedenis van die vier trekke na die Dorsland breedvoerig uit. Volgens hom is dit moeilike geskiedenis om na te vors, omdat “die trekkers nie ’n kultuur van dagboekskryf gehad het nie” en baie van hulle was ook ongeletterd. Hy moes inligting uit ’n verskeidenheid ander bronne vind. Wat duidelik uit die boek blyk, is dat die Afrikaners reeds vroeg al ’n verdeelde lotjie was en vinnig rede gesoek het om te trek as hulle nie met die regering van die dag of die kerk se beleid saamgestem het nie. Die boek gee insigte oor alles wat die trekkers moes trotseer om by…

*Die produkpryse is voorgestelde pryse en kan verskil van winkel tot winkel Dra swart-en-wit as soliede blokke met min of meer dieselfde gewig, of in die seisoen se nuutste patrone. Jy kan nooit verkeerd gaan met dié kombinasie nie, dis altyd in die mode Amaria Vroue dink aan elke denkbare kleur, behalwe die afwesigheid daarvan. Ek het al gesê swart bestaan uit al die kleure. Wit ook. Hul skoonheid is volmaak. Dis perfekte harmonieCoco Chanel…

Wie is die Lunar-vrou? Sy is gesofistikeerd, bedagsaam en natuurlik. Sy trek klassiek aan en weet wat gehalte is. Ons kliënte is dikwels kreatiewe professionele mense. Hoe belangrik is tendense? Dit beïnvloed ons kleurpalet en silhoeët vir ’n seisoen, maar ons kernfilosofie van onderbeklemtoonde eenvoud en hoë gehalte verander nooit. Ons is baie selektief oor watter tendense ons aandag moet geniet. Vertel ons meer van jul Winter 2015-reeks? Die reeks is beïnvloed deur die stasiepanele wat die SA kunstenaar JH Pierneef in die laat 1920’s en vroeë 1930’s geskilder het. Dis tans te sien by die Rupert-museum op Stellenbosch. Die klere-items in die reeks het ’n gedempte kleurpalet en die stilering is geïnspireer deur die dae van luukse stoomtreinreise deur die Suid-Afrikaanse platteland. Watter item in jul Winter 2015-reeks is…

1 Dit neem sowat ’n jaar om een Rolex-horlosie te vervaardig. 4 September 1915 stel sir Malcolm Campbell ’n nuwe wêreld-spoedrekord (ongeveer 485 km/h) op terwyl hy ’n Rolex dra. 24 Die ouderdom van Hans Wilsdorf, die stigter, toe hy die maatskappy begin het. 110 jaar oud. Rolex is in 1905 in Londen begin en die hoofkantoor is later, in 1919, na Genève, Switserland, geskuif. 610 meter, tot só diep is die Oyster Perpetual Sea-Dweller-horlosie, wat in 1967 bekend gestel is, waterdig. In 1978 stel Rolex nog ’n weergawe bekend, wat waterdig is tot ’n diepte van 1 220 meter. 1926 die jaar wat die maatskappy sy eerste waterdigte horlosie gemaak het. 12 000 meter is die rekord vir die horlosie wat die diepste kan duik – opgestel deur Rolex.…

Die jelformule van ’n nuwe reeks oogskadu’s gly maklik aan en gee intense kleur. Die glanstekstuur maak dit perfek vir ’n aand uit. Kies uit skakerings soos koper, brons, pêrel en pienk. ’n Basislaag (primer) het die laaste paar jaar ’n moet-hêproduk geword. Wanneer jy dit vóór jou onderlaag aanwend, hou jou onderlaag langer. As jy egter nie daarvan hou om lae produkte op jou vel te gebruik nie, probeer dié slim sproei. Nie net kan jy dit aanspuit vóór jy grimeer om as basislaag te dien nie, jy kan dit ook deur die dag gebruik om jou grimering in plek te hou of jou gesig te verfris. Velsorgkenners is dit eens: Sonskerm is ’n moet, winter en somer. Dié sonskerm neem dit ’n stappie verder en beskerm jou vel…

PIESANGBROOD-POEDING Dis so maklik om te maak, selfs ’n kind kan dit doen – maar dit lyk baie indrukwekkend. genoeg vir 8 – 10 2 piesangbrode, in skywe gesny 60 ml sagte botter 60 ml appelkooskonfyt 100 g donker- of witsjokolade, fyngekap 100 g haselneute, gekap 750 ml melk 6 eiergele 100 g (125 ml) suiker Verhit oond tot 180 °C. Smeer botter en konfyt op piesangbrood en maak toebroodjies. Spuit ’n patroonpan met ’n volume van 1,9 liter goed met kleefwerende kossproei (ons het ’n pan gebruik waarin stoompoedings gemaak word). Pak ’n laag konfytbroodjies onderin die pan. Sprinkel ’n bietjie sjokolade en neute oor. Klits melk, eiergele en suiker saam. Gooi van die mengsel oor die onderste laag in die pan tot die broodjies lekker klam is. Herhaal…

Geurige seekos-rys genoeg vir 6 Rys is ’n goedkoop en lekker manier om ’n klomp mense kos te gee. 30 ml olyfolie 1 ui, fyngekap 2 knoffelhuisies, fyngekap 100 g chorizowors 24 mossels, skoongemaak 1 koppie (250 ml) basmati-rys 500 ml hoenderaftreksel 200 g bevrore ertjies sout en varsgemaalde swartpeper Verhit olyfolie in middelslagpot. Voeg ui, knoffel en wors by. Braai 5 – 8 minute of tot begin verbruin. Voeg mossels en rys by en braai 2 minute. Gooi aftreksel oor en verlaag hitte. Laat stadig prut vir 15 – 20 minute of tot die rys gaar is. Roer ertjies by en bring weer tot kookpunt. Geur goed met sout en swartpeper. Sit warm voor. Stowehoender genoeg vir 6 In Marokko word hoender gaargemaak in ’n tagine, waarin die vleis…

help! Ons het ’n vegetariër in die huis! Nie dat ek enigiets teen vegetariërs het nie, hoor. Sommige van my heel beste vriende is vegetaries. Ek bejammer hulle soms, wanneer ’n happie sappige lamsvleis op my tong smelt of wanneer ek aan ’n stuk droëwors kou, maar ek glo in lewe en laat lewe. (Wel, behalwe vir die diere wat moet sterwe sodat ek hulle kan eet.) My vriende se eetgewoontes is egter hul eie indaba. My minderjarige dogter se skielike swaai weg van vleis word my probleem – ’n gróót probleem – met elke enkele ete. Want daar’s geen kans dat haar pa ooit vleis gaan opgee nie. Alain is ’n karnivoor in murg en been. (Hy suig die murg uit elke been.) Hy’s selfs versot op die afval…

JY VOEL ONDER MEER Afgestomp en verwyderd van jou baba. Langer as sowat tien dae huilerig, hartseer en “af”. Selfbeeldloos. Asosiaal en nie lus is om mense te sien nie. Obsessief oor hoeveel slaap jy nie kry nie. Vergeetagtig en verloor dinge. Nie geesdriftig oor enigiets nie en kan niks geniet nie. Skuldig oor jou gevoelens as nuwe ma – jy het gedink jy sou heeltemal anders voel. Nie lus om jouself te versorg nie. Nie lus om vir enigiets te lag nie. Altyd bekommerd dat daar iets fout is met die baba, selfs al verseker almal jou alles is oukei. Asof jy alle begrip van tyd verloor het. Jy wil die baba en jouself beseer. Jy het geen belangstelling in die wêreld nie en jou energievlakke is altyd laag.…

JY IS OP ’N ROMANTIESE ETE BY JOU GUNSTELING-RESTAURANT. En dan, skielik, voel jy vuurwarm, gevolg deur oormatige sweet . . . As jy in die pre- of peri-menopouse is, klink dit dalk alte bekend. Jy verstaan maar te goed die ongemak, frustrasie en ja, verleentheid, as jy bedremmeld en natgesweet die wêreld in die oë moet kyk. Dit gebeur ook op tye wanneer jy dit die minste verwag. Maar al kan jy nie voorspel wanneer dit gaan gebeur nie, kan jy voorbereid wees om die onwelkome sweet en gepaardgaande reuk hok te slaan. Bewapen jou met Eucerin® Antiperspirant INTENSIVE om intense menopousale sweet te beheer. Kliniese toetse het bewys dié produk verminder sweet met 91% en beheer ook sweetreuke. Dit beskerm jou boonop 72 uur lank. Die velsorg-handelsmerk Eucerin…

5 gelukkige SARIE-lesers kan elk die boek Haar ma se kind deur Helena Hugo (Lux Verbi, R165) wen. Dania Pietersen is Dora en Jonnie Stals se susterskind wat vandat sy tien jaar oud is, by hulle woon. Sy is ’n modelkind wat haar sakgeld verdien deur babas en oumense op te pas, in die skool en op die sportveld presteer, en boonop oulik toneel speel. Vakansies gaan sy gereeld na Ma-Lea op Worcester, tensy Jo-Anne al die pad van Londen af kom kuier. Dan roer sy nie, want tussen hulle is daar ’n baie spesiale band. Volgende jaar is Dania sestien en Dora en Jonnie kan dit nie meer ontken nie: Dania hoort nie by hulle nie – sy is haar ma se kind. Maar wie…

Wen Suikervry (bl. 61) Begeerlike golwe in ’n kits (bl. 91) Intekenaanbod (bl. 135) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Jonathan Ball, BaByliss en NIVEA as ’n diens vir haar lesers aan. Jonathan Ball, BaByliss en NIVEA voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), Jonathan Ball, BaByliss, NIVEA en hul reklamemaatskappye mag nie aan die wedstryde deelneem nie. 6.…

daar is episodes van jou lewe wat jy wil vergeet. Daar is episodes wat jy móét vergeet. En daar is episodes van jou lewe wat jy nie kan bekostig om te vergeet nie. Al wil jy ook hóé graag van daardie episodes vergeet asof hulle nooit geskryf is nie, jy sal jouself ’n guns doen deur nie toe te laat dat dit in die vergetelheid van ontkenning wegraak nie. Al maak daardie dele van jou storie jou só skaam dat jy nooit weer daaroor wil dink of praat nie, jy moet onthou. Jy moet onthou. Nie om jouself te martel nie. Nie om vas te val in die verlede nie. Nie om jouself te definieer deur jou swakste of skandaligste episodes nie. Maar om jou nederiger, en wyser, en versigtiger…

iets lewensbelangriks, iets waaroor jy praat en waaroor jy skryf, kan vergeet word (die lewe is ’n dolle ding!), ’n bevestiging daarvan of herinnering daaraan kan sowel ’n verligting as ’n ontsteltenis wees. Ons is in Frankryk, ons verfilm die nuwe televisiereeks. Frankryk is beeldskoon, alles werk en hier is VOLOP elektrisiteit. Maar hier is geen hulp. Niemand help jou met iets nie, jy sleep self ’n tafel by die winkel uit, jy huur ’n waentjie en laai self jou potplante daarop. Ons doen inkopies, ry plaas toe, mop vloere, berei voor, doen grimering, trek aan, staan tien uur per dag op ons voete, klim lendelam in ons motors en ry terug stad toe. Ek en Nicolaas (hy bestuur my loopbaan en – in Frankryk – die motor) ry oor…

Die rol van Lena in Terug na Egipte* (en die voorafgaande reeks Vlug na Egipte ) is jou eerste groot TVrol in dekades. Het jy vooraf aan jouself getwyfel? Baie, veral nadat ek die res van die rolverdeling gesien het. Maar ek het ook besef dis so bestem, ’n Goddelike ingryping. Maklik was dit nie, want nie net was Lena in haar kop, lyf en omstandighede vasgekeer nie, in my eie kop was daar ’n klomp tokkelossies van selftwyfel. Ná die sitkom Orkney snork nie, waarin jy die rol van Hess vertolk het, was jy byna twee dekades huisvrou en ma op Humansdorp in die Oos-Kaap. Is dit ’n plekkie nes Orkney? Orkney snork nie is in ’n ateljee…

Jana Vorster* was verstom toe ’n laerskoolmaatjie “met potblou oë” haar via Facebook opsoek en hulle later oor Skype gesels asof hulle mekaar al jare ken. Ben* was ’n geskeide elektroniese ingenieur wat in Zambië werk, met drie kinders. Hy het glo via DNS-toetse uitgevind dat die tweeling nie syne is nie. Hy het Jana saamgenooi Plettenbergbaai toe vir vakansie. “Ek is omtrent ge-wine en ge-dine , dit was so romanties,” sê sy. Terug in die Kaap sak hy toe in ’n restaurant op sy een knie af en steek die “eksklusiewe R40 000-diamantring” aan haar vinger. Dít alles binne twee maande. Die troureëlings vir Maart vanjaar was al ver gevorder. Die deposito vir die onthaalsaal, en die dominee, is betaal. Die fotograaf…

“ Ons troue was ’n kombinasie van ons albei se smaak, wat dit uniek gemaak het. Dit het uit en uit ’n groot vet Jean-en-Tania-stempel daarop gehad,” vertel Tania. Hulle het haar liefde vir sagte vroulikheid gekombineer met argitek Jean se kontemporêre styl. Buiten die weer wat hul buitelugseremonie laat ontspoor het, het daar ook ’n paar ander dinge skeefgeloop – ’n onklaar troukar wat die bruid moes vervoer, ’n oorgroot strooimeisierok wat sy sommer self met ’n stomp skêr reg geknip het, en die geklap van tande tydens die troufoto’s. “Maar álles is deel van die dag se pret en vandag se trou-stories. Dit was óns spesiale dag en ek sou niks wou verander nie,” het Tania as deel van hul inskrywing geskryf. Ons paartjie wen ’n safariwegbreek as…

MOULOSE JAS + ENKELSTEWELS Die moulose jas is ’n toevoeging tot jou klerekas wat jy van winter na somer kan dra – van ’n formele skemerkelkie-geleentheid tot informele gemak saam met jeans. Dra dit dié winter saam met enkelstewels. Moulose swart crêpe-jas (R2 999), Habits. Olyfgroen enkelstewels van leer (R2 695), Carvela by Spitz. Roomkleurige trui (R999), Country Road. Marsala geplooide midi-romp van kunsleer (R1 299), Mango. Bonkige tou-halssnoer met goue ringe (R399), Accessorize. GROOTTES Jas: 32 – 40 Trui: XXS – XL Romp: 30 – 38 LIGTE OORJAS + STEWELS BO JOU KNIE Die ligte jas is núút die winter. Dra dit laag op laag saam met ’n bonkige trui, ’n warm serp en stewels wat bo die knie eindig. Die jas is ook perfek vir wanneer die seisoen…

Lipstiffie is die een produk wat jou voorkoms in ’n kits omtower, van ’n helder kleur deur die dag tot ’n sensuele skakering vir ’n aand uit. Een aanwending en jy’t begeerlike lippe. Estée Lauder Pure Color Envy Sculpting Lipstick verlei in 20 skakerings. Kies koraal, pienk, dieprooi, purper of vandeesmaand se sjiek bruinrooi. Die romerige formule gly maklik aan én bevog jou lippe, terwyl intense kleurpigmente sorg dat kleur tot 6 uur lank hou. Jou lippe lyk perfek en voel sag en bevog. JOU KLEUR: Decadent ’n Bruin skakering op jou lippe is nou ’n groot trend. Met dié kleur lyk jy selfversekerd en supermodern, sê Chris Williams, nasionale grimeerkunstenaar vir Estée Lauder. “Enigiemand kan dié skakering dra, solank die kleur ’n warm, rooi ondertoon het.” Hou die res…

Voqroom + Onderlaaq VEL WAT STRAAL Onderlaag lyk glad en natuurlik op ’n vel wat gesond en goed bevog is, sê Sylvie Hurford, plaaslike grimeerkunstenaar van L’Oréal. “Wanneer jy onderlaag op ’n droë vel aanwend, trek dit vog uit die onderlaag, wat dan skubberig lyk.” Die beste is om daagliks ’n goeie dag- en nagroom te gebruik om jou vel se vogvlakke voortdurend te onderhou, stel sy voor. “Ek hou ook daarvan om ’n basislaag (primer) vóór onderlaag aan te wend om vog in die vel te seël.” As jou vel baie droog is, kan jy selfs ’n bietjie gesigolie aansmeer en die oortollige olie met ’n sneesdoekie klad voordat jy jou onderlaag aanwend, sê sy. Die internasionale grimeerkunstenaar Christine Lucignano het verlede jaar tydens haar besoek aan SA vertel…

NUUT VIR SENSITIEWE VEL As jou vel geneig is om sensitief, rooi, jeukerig of droog te wees, is die Franse velsorgreeks Eau Thermale Avène vir jou! Dié bekende reeks is nou in Suid-Afrika te koop. Suiwer mineraalwater (thermal water), afkomstig van ’n bron op die Franse dorpie Avène, is die sterbestanddeel in die produkte. Dié water bevat minerale wat sag en strelend is op jou vel en ook die natuurlike pHbalans herstel. Pryse wissel van R100 tot R430. Beskikbaar by Clicks ONS HET OP SARIE.COM  GEVRA Gebruik jy sonskerm in die winter?* JULLE SÊ JA 56% NEE 44% *Velsorgkenners beveel aan dat jy winter én somer sonskerm gebruik.…

STYL FANTASIE SKEP KALMTE Kleure soos ligblou en saggrys, asook wit vertrekke wat nou weer in is, dra by tot ’n gevoel van rustigheid. Pleks van ’n kopstuk is ’n foto van wolke hier vergroot en soos plakpapier teen die muur geplak. Die oorspronklike foto kan van henkhat@gmail.com bestel word. Jy kan dit dan vergroot na jou smaak – ons het dit na Orms in Kaapstad geneem. As ruimte dit toelaat, kies ’n groot meubelstuk as bedkassie, soos dié metaalkas (soortgelyke kassies in hout by Raw, www.rawstudios.co.za) wat baie pakplek bied. Die sysagte duvet-oortreksel en kussingslope (R999 vir koningin-grootte), grys kombers met satyn-omboorsel (R399) en grys beker (R349) is van Loads of Living. Die bedlampie (R275), yster-teeketel (R450) en koppie (R199) is van Woolworths. Grysblou handgekleurde kussing met vere-vulkussing (R1…

Ek ken iemand wat weier om sy mond aan sop te sit, tensy die sneeu op die berge lê. Poeding is genadiglik altyd welkom, maak nie saak watter seisoen dit is nie, of watter tyd van die dag dit voorgesit word nie. Ek smag heeljaar na veerligte karringmelkpoeding met daardie kenmerkende suurmelk-smaak, en as die kors effens donker gebak het, is dit júis die stukkie wat ek wil eet. Wortelpoeding is darem sekerlik gesond genoeg om soms my dag mee te begin, veral met ’n ruim skep dubbelroom-jogurt en ’n hand vol neute oorgestrooi. Outydse dieplekker malvapoeding pas by enige geleentheid en is gewild die wêreld oor, selfs kletskoningin Oprah eet dit. Net onlangs hoor ek weer iemand kla oor hoe eentonig ons tradisionele poeding-repertoire is. Maar ek, daarenteen, is…

MY MA SE PAMPOENKOEKIES Niemand maak dié bykos soos my ma nie – as ek huis toe verlang, maak ek dit. Druk 500 ml gaar pampoen fyn en meng met 120 g (215 ml) koekmeel, 10 ml bakpoeier, 2 ml sout en 1 eier, geklits. Verhit ’n bietjie sonneblomolie in ’n braaipan en braai eetlepels vol beslag in warm olie tot alkant bruin. Dreineer op kombuispapier. Maak die stroop: Verhit 20 ml botter, 300 g (360 ml) suiker en 200 ml melk tot kookpunt. Meng 15 ml mielieblom en 175 ml water, roer by melkmengsel en bring tot kookpunt. Gooi warm sous oor warm koekies. HERMAN HOU VAN Ouma se skaal Elke kombuis en bakker kort ’n akkurate skaal. Dié een met sy retrostyl lyk soos iets uit jou ouma…

‘Elke steek (en goeie daad) maak saak’ Carolyn Steyn, sosiale entrepreneur van Johannesburg, het verlede jaar die “67 komberse vir Nelson Mandela-dag”- liefdadigheidsbeweging gestig. Plaaslik en internasionaal het jonk en oud 6 000 komberse gebrei en gehekel en onder agtergeblewenes versprei. Dit is nou ’n jaarlikse instelling. MY BEWEEGREDE “In 1999 het ek uit die buiteland na Suid-Afrika teruggekeer. Ek was tien jaar lank in Los Angeles, Amerika, waar ek as aktrise rolle in televisiereekse en rolprente soos Private Lives Betrayal en Shadowlands vertolk het. Ek het ook vyf jaar in Londen, Engeland, gewoon. Met my tuiskoms was ek diep geraak deur die armoede en wou op my manier ’n verskil maak. Ek ondersteun onder meer die Hospiesvereniging, want hulle het my ouers, wat albei aan kanker oorlede is, so…

Die blouoog-dogtertjie met die krullerige bruin hare dans soos ’n feetjie oor die gras ... Dit is moeilik om te glo dat daar ’n tyd was dat haar ma se oë dof was wanneer sy na haar babatjie gekyk het. ’n Tyd toe postnatale depressie haar lewe oorweldig het. “Annabel bring musiek in ons lewe,” vertel die byna vierjarige se ma, Marisa Drummond, vandag. Dié innemende vrou met haar rooibruin hare en lewendige groen oë is beter bekend vir die karakters wat sy al in televisiesepies vertolk het – die feeks Kimberly in Isidingo (SABC3) en die skurk Alexa in Binnelanders. Tans is sy te sien as Saskia in Villa Rosa (kykNET), ’n gefokusde sakevrou wat altyd kry wat sy wil hê, maar baie geliefd is en almal betower met…

’n Serp VIR KOUE HANDE . . . JA, DIS REG Koue hande In die winter laat jou sommer miserabel voel. Een goeie teenvoeter is handskoene, maar het jy geweet ’n serp kan ook help? Indien jy las het van koue hande, sorg ook dat jou nek en polse bedek is. Jou bloedvate is daar nader aan die veloppervlak en jy verloor so maklik baie hitte. Bron: www. naturalhomeremedies.org O, DIE PYN! Menstruasie-krampe of hoofpyn? Moenie droom jy lê op ’n warm strand nie. Verbeel jou liefs jy eet ’n stuk sjokoladekoek. Vars brood met appelkooskonfyt. Of enige gunsteling-kos. As jy oor kos fantaseer, kan dit help om chroniese en akute pyn te verlig volgens Amerikaanse navorsers Bron: abcnews.go.com VOLROOM OF VETVRYE MELK?…

HOU TRED Ek en my vriendin het nou die dag lekker gelag terwyl ons toeka se pryse (1976) met vandag s’n vergelyk het. ’n Volledige babauitrusting teen slegs R19,95; kraamrokke teen R6,95; gesigroom teen R2,50; Bybelland-toere teen R1 295, vir ’n gesin van 4 vir ’n volle 10 dae. Ek onthou die stylvolle rok en bypassende jas wat ek in die sewentigerjare in ’n eksklusiewe boetiek in die Paarl teen R30 gekoop het. Daarna het ek my hare laat was, knip en set vir R5,50! Maar al het die jare het aangestap, hou ek steeds tred met die hedendaagse neigings. Geen generasiegapings vir my nie. Ek aanvaar my kleinkinders se grille, modes en giere, want ek was ook een keer jonk. Elke nuwe seisoen het mos maar sy nuwe “looks”!…

Nadia Beukes se groen oë skiet vol trane. Maar sy glimlag. “Ek voel so bevoorreg om te kan dans in my droom,” sê sy as jy haar gelukwens met dié dat sy deesdae op byna al wat ’n skerm of verhoog te sien is. “Ek raak super-emosioneel as ek hieroor praat. My drome was en is steeds groot, en dit was soveel harde werk en opoffering om hier uit te kom. Ek het by tye gedink daar is ’n berg voor my en ek kon nie die ander kant daarvan sien nie. Maar, met God se genade, val dinge in plek en . . . wow . . .” Sy lyk dalk na iemand wat ’n sagte hart het, maar Nadia is ook ’n gerekende entrepreneur, wat haar beeld soos…

As jy met die entrepreneur, ma en motiveringspreker Carina Franck gesels, word jy herinner aan die twee soorte mense in hierdie wêreld: dié wat droom, en dié wat dóén. Carina val in die tweede groep, en dit wil eintlik lyk asof alles waaraan sy vat in goud verander. “My pa, Albrie, sê immers hy weet nie hoe sy dogter geld maak deur sand uit te voer nie,” lag sy. Dit verwys na die weghol-sukses van haar onderneming, Kalahari-skoonheidsprodukte. Carina het dié reeks vyf jaar gelede geskep, en dit word nou al in 14 oorsese lande verkoop – onder meer in Noorweë, Finland, Denemarke en Swede. En daar is groot planne om die produk in Amerika bekend te stel in die volgende paar maande. Sy is ook genooi om as plant-…

partykeer help dit nie jy sê vir ’n vrou sy lyk mooi nie. Jy dink dalk dis ’n mooi kompliment, maar dis nie so eenvoudig nie. Sy moet ook mooi vóél. Want mooi voel is nie ’n gevoel nie dis ’n emosie. “Dankie, maar ek vóél nie mooi nie. Hierdie broek sit nie reg nie en kyk hoe lyk my hare.” (Teen dié tyd weet ons hare is uiters belangrik en dit sal ook nie help jy sê trek ’n ander broek aan nie, wat immers ’n voor die hand liggende oplossing sou wees.) Miskien het die winter iets daarmee te doen. Dis nie maklik om mooi te voel in die winter nie: “Ek het nog altyd mooi gevoel in hierdie broek, nou voel ek net vet.” Móénie iets –…

Terwyl die bruid en haar trotse pa ingehaak kansel toe stap, sien sy haarself vry in ’n woud hardloop. Daar rits sy haar trourok oop, ontbloot ’n sexy swart rokkie en hardloop tot bo-op ’n krans. ’n Helikopter swiep haar op en glimlaggend vlieg sy oor die see, dan oor Parys. Stralend na vryheid. “Jammer, Pa,” sê sy. Anton Corbijn, vervaardiger van dié Miss Dior-advertensie (sien webverwysing op bl. 68) waarin die aktrise Natalie Portman die rol van die bruid vertolk, sê die tema hier is ontvlugting, “om weg te kom van al daardie dinge wat jou vasbind. Vroue kan met daardie tema identifiseer ...” Iemand wat koue voete kry voor die kansel, is ook deel van die storielyn van Donnalee Roberts se nuwe fliek Vir altyd. (Dit word op…

In haar eerste jaar op Stellenbosch was sy “ ’n weird dramastudentpokkel”, sê die aktrise en draaiboekskrywer Hélène Truter. Sy was ook nie, soos baie studente toe, op manvang ingestel nie. As “ ’n rebelse tiener” het sy glad nie belanggestel in sokkie of georganiseerde eerstejaarsaande saam met manskoshuise nie. Daarom kon sy nie glo toe sy betrokke raak by “ ’n dierbare” landboustudent nie. Boonop was hy mal oor haar, “ten spyte van die vetrolle en my slegte Johannesburg-maniere”. Haar kêrel het “die lelike vet eendjie” gehelp om gewig te verloor en teen die einde van haar eerste jaar was sy volgens haar destydse tydgenote ietwat van ’n vangs. In haar derde jaar wou Hélène in Frankryk met ’n studiebeurs gaan studeer, maar sy’t haar…

WOON JY OORSEE? Vertel ons daarvan! Stuur e-pos na pgreen@media24.co.za of kontak haar op Twitter: @PhyllisGreen Waarom reis en werk jy sedert 2012 oorsee? Stories van my ouer broers en susters wat voorheen in die buiteland gewerk het, het soveel avontuur in my wakker gemaak dat ek self moes gaan seker maak. Daar’s ’n tyd vir alles en toe die geleentheid hom voordoen, het ek my tasse in Pretoria gepak en was ek op die eerste vlug uit! Waar het jy al in die buiteland gewerk en wat het jy al alles gedoen? Ek en my vriendin Elsie-Magriet Paulsen het in 2012 ons avontuur in Taiwan begin en vir ’n jaar lank Engels gegee in Tamsui, ’n klein kusdorp net noord van Taipei. In Maart 2013 is ons Brasilië toe…

Toe Keeping Up with the Kardashians in 2007 begin het, met die aandag op veral Kim Kardashian, het niemand kon dink dat haar jonger halfsusters, Kendall en Kylie Jenner, vandag van die wêreld se bekendste tieners sal wees nie. In 2014 was hulle 17de op Time se ranglys van invloedryke tieners. Geen wonder nie dat Topshop besluit het om met hulle kragte saam te span vir ’n nuwe klerereeks, Kendall + Kylie. Saam het hulle byna 20 miljoen Twitter-volgelinge, meer as 14 miljoen Facebook-aanhangers en oor die 50 miljoen volgelinge op Instagram. Hulle bemark ook hul eie klerereeks en is saam met hul drie Kardashian-susters die gesigte vir OPI se naellak-reeks Kardashian Kolor. Daarby is Kendall ’n gesig van Estée Lauder, asook…

Patrone Trek aandag met motiewe, van grafiese patrone tot luiperdkolle Kleur Van lig tot donker – kikker ’n grys winterdag op in jou gunsteling-kleur Enkelstewels…

Pels beskerm die mens al sedert die vroegste tye teen die koue. Dit het eers later ’n statussimbool geword. Toe, in die 1980’s, het PETA (People for the Ethical Treatment of Animals) veldtogte teen die gebruik van regte pels begin voer. Vandag koop ons kunspels, wat dikwels nes die ware Jakob lyk. Kunspels Dit maak nie net die jas lekker warm nie, maar laat dit ook luuks lyk Kombersjas (poncho) Die model Cara Delevingne en aktrise Sarah Jessica Parker is al met een gesien Knichooqte-stewels Loopplankfoto’s Simon Deiner/SDR Photo Mode-assistent Magdel Muller…

Jy het nie ’n towerstaf nodig om gelaatstrekke wat jou pla te verander of te verbeter nie. ’n Smaller gesig, hoër wangbene, ’n kleiner neus en voller lippe is alles moontlik met die skep van kontoere (contouring). Met dié tegniek, waar jy spesifieke produkte gebruik om kontoerlyne op jou gesig te trek en te skakeer om lig en skadu te skep, word grimering kuns. Die werklikheidster Kim Kardashian is ’n groot aanhanger en sy skryf haar sterk wangbene en foutlose, glansende vel hieraan toe. Dis nie ’n maklike grimeertegniek om baas te raak nie, maar wanneer jy dit wel onder die knie kry, kan jy letterlik jou voorkoms omtower. Jy kan kies hoe baie of min jy jou gesig wil kontoer, sê David Coranson-Beaudu, internasionale grimeerkunstenaar vir die Franse skoonheidshuis…

Laser is wonderlik om velprobleme soos pigmentasie en rekmerke te behandel. Jy kan selfs rooi aartjies daarmee wegtoor! Sommige van ons (ek ook) het ’n genetiese geneigdheid om dié aartjies veral rondom ons neus en op ons wange te ontwikkel. Dít veroorsaak dat jou vel plek-plek rooi is. Ek hoor al hoe meer by kenners dat ’n onegalige velkleur jou ouer laat lyk. Verskillende tipes laserstrale behandel verskillende probleme. Met dié behandeling word die laserstraal deur oppervlakkige rooiheid in jou vel aangetrek, waar dit die aartjies verhit, saamtrek en “oplos”, verduidelik dr. Leane Louw van die estetiese kliniek Laserderm in Morningside, Johannesburg. Die behandeling neem net ’n paar minute. Die terapeut/dokter fokus die laser op ’n aartjie en “skiet” dit met die laser voordat sy na die volgende een beweeg.…

Ontspan aan die einde van ’n bedrywige dag onder ’n lekker stort met nuwe NIVEA Irresistibly Smooth Shower Cream en trek ’n mooi sysagte nagrok aan, wat ewe mooi lyk en voel op jou vel. Dié nuwe vloeibare stortseep van NIVEA bevat galambotter, wat jou vel voed, en dit het ’n romerige tekstuur en heerlike geur vir ’n volronde sensoriese belewenis. In net een maklike stap reinig en vertroetel jy terselfdertyd jou vel. Bederf dan jouself finaal en glip Anna-Louise se stylvolle slaapklere, plaaslik gemaak van luukse gehaltestowwe wat jou vel streel, aan. ELKE GESKENKPAK BEVAT NIVEA Irresistibly Smooth Shower Cream 250 ml & 500 ml NIVEA Irresistibly Smooth Body Lotion NIVEA Irresistibly Smooth Body Cream NIVEA Q10 Energising Day Cream SPF 15 NIVEA Invisible for Black & White Deodorant…

Botterhoender-kerrie genoeg vir 6 Verhit die oond tot 220 °C. Verhit die olyfolie in ’n oondvaste middelslagpot tot warm. Voeg die ui en knoffel by en roerbraai 2 minute. Voeg al die speserye by en verlaag die hitte. Roerbraai 5 minute. Voeg die tamatiepasta by en braai nog 1 minuut. Voeg klappermelk en pastasous by. Bring weer tot kookpunt en plaas hoender in die sous. Geur goed met sout en peper en plaas oop in oond. Bak 30 – 35 minute of tot gaar. Roer botterbone deur en sit voor. Frikkadel-kerrie genoeg vir 6 Sous Verhit olyfolie in groot braaipan tot warm. Voeg ui, speserye en…

NADIA VALVEKENS, AKTRISE Die reuk van vars brood. My oupa was ’n bakker en aan die einde van sy dag het hy nog warm brood huis toe gebring en salami-toebroodjies met regte botter gemaak. ISABELLA NIEHAUS, KOSBLOGGER Om ’n bredie te maak . . . Al die geure en bestanddele laat my weer in soveel geliefde mense se kombuise staan. MARLENE VAN DER WESTHUIZEN, KOSSKRYWER Die geur van koejawels neem my terug na die Gamtoosvallei waar my oupa predikant van die Kwagga-gemeente was. Ek het myself gereeld in een van die groot ou koejawelbome by die pastorie sitgemaak en weggekruip vir die grootmense. DINE VAN ZYL, KOSSKRYWER ’n Kaas-toebroodjie wat jy in warm boeretroos doop. Die kaas smelt dan en maak sulke geel botterkolle op die koffie.…

Postnatale depressie beïnvloed 10 tot 40% van ma’s. Dit beteken sowat 50 000 nuwe gevalle word jaarliks in Suid-Afrika aangemeld. Daar is drie soorte – postnatale blues , postnatale depressie en angs en postnatale psigose. POSTNATALE BLUES word gekenmerk deur huilerigheid en emosionele skommelings en duur tot ’n paar dae ná die geboorte. POSTNATALE DEPRESSIE en angs is veel ernstiger as die blues . Die simptome (sien kassie op bl. 134 ) kan jou lewe ernstig aan bande lê en kan enigiets van ’n paar weke tot ’n paar maande of selfs ’n jaar duur. ’n Kombinasie van medikasie, terapie en ’n goeie ondersteuningsnetwerk word aanbeveel om dit te beheer. POSTNATALE PSIGOSE is die “diepste blou” van die gees.…

Sara se pa is laas week dood. Die middag voor sy begrafnis, sy en haar ma het net op die stoep met hul tee gaan sit, toe hou ’n blink kar voor die huis stil. Hulle sien eers nie dis Hannes nie, haar enigste broer en haar ma se oogappel, al wag hulle die hele dag al vir hom. Hulle moet verby die wildvreemde snor en astrante bokbaardjie kyk. “Boeta!” Haar ma spring op en hardloop die trappies af. Die trane vloei. Vyf jaar gelede is hy sak en pak Amerika toe om op ’n plaas net buite Las Vegas te gaan werk. Van alle plekke. “Sodom en Gomorra,” het haar pa gebrom toe Hannes aankondig hy kom nie terug plaas toe nie. Daar’s kwansuis ander maniere van boer wat…

A Accessorize 021 447 7718 www.accessorize.co.za Aldo 011 884 4141, 021 421 5674 www.aldoshoes.com/za @home 0860 576 576 www.home.co.za B Babette 021 424 4457 Bespoke Design 044 873 2454 www.bespokebyeddiedasilva.co.za Biggie Best 021 534 8662 www.biggiebest.com Billabong 042 200 2600 www.billabong.com/za Bronx Woman 021 590 7000 www.bronxwoman.com C Carvela by Spitz 086 111 1071 colette by colette hayman 087 808 0080 www.colettehayman.com.au Cotton On 021 552 0726, 011 784 2418 www.cottonon.com Country Road 0860 022 002 www.woolworths.co.za D Decorland www.decorland.co.za Dune 011 685 7055, 021 529 1970 E Edgars 011 495 6000, 0860 692 274 www.edgars.co.za Exact 0860 005 439 www.exact.co.za F Falke 021 951 2137 www.falke.co.za Forever 21 021 555 3324 www.forever21.com Forever New 011 465 1829, 012 997 0575, 021 419 4552 www.forevernew.com.au G G.Couture 011 444 2682,…

LEER Ek sal daarvan hou om ’n vaardigheid aan te leer vir ’n rol, soos die aktrise Natalie Portman wat vir die rolprent Black Swan moes leer ballet doen. NOSTALGIE My pa (Rouel Beukes) het vir my die hangertjie gekoop by The Old Biscuit Mill in Woodstock, Kaapstad. Ons was op toer met die musiekblyspel Ons vir jou . Ons kry mekaar eintlik net te sien wanneer ons saam werk. Ek haal dit byna nooit af nie. BESTIES Saam met my op dié Instagram-foto is Janine Habana. Sy is my beste vriendin en soos ’n suster vir my. DORP Prins Albert in die Oos-Kaap is vir my ’n dorp wat uitstaan. Die mense doen moeite om dit te onderhou…