Avontuur Afrika Issue 5 (Mar 2021)

Dankie dat jy hierdie uitgawe van Avontuur Afrika gaan koop het. Ons tydskrif is al in sy vyfde uitgawe en alhoewel dit nie aldag maklik is nie, byt ons vas. Julle positiewe terugvoer, tesame met ons passie vir hierdie avontuur genaamd lewe, hou ons op spoor – of dit nou op die teer- of grondpad is. Hou asseblief aan om met ons te gesels via ons digitale platforms of deur die vele lesersafdelings in die tydskrif – in die proses kan jy selfs fantastiese pryse wen, soos ‘n Protea Koffie-mandjie (bl 8), ‘n spesery-mandjie van Scalli’s (bl 79) of ‘n stel kampstoele van Tentco (bl 82). Ons is gek oor hierdie ongelooflike kontinent wat ons bevoorreg genoeg is om huis te noem. Die Suid-Afrikaanse sangeres Miriam Makeba sê tereg dat Afrika vol…

AANLYN GEHOOR Oor #Subaru wat besig is om aan ‘n nuwe Hilux-gebaseerde Brumby te werk: Mphela Diphetogo Dit lyk soos ‘n Mazda! 2 d Like reply Gawie Schneider Hierdie Hilux mag dalk nou – vir ‘n slag – lekker krag lewer…:) 1 d Like reply Anton Strydom Dit sal beslis lekker spoed en ‘n uitstekende veerstelsel hê. Interessante en opwindende tye lê voor vir die bakkie segment! 4 d Like reply Dean van der Walt Ag nee wat – dit lyk dan soos ‘n GWM. 2 d Like reply OEPSIES! Ons uitgewer het onlangs in die sand in Botswana vasgeval, wat weereens bewys dat enige iemand in enige voertuig in die moeilikheid kan beland. “Ek ken die reëls van sand-ry en was nogal die een wat almal in die konvooi gewaarsku het om genoeg ruimte tussen hulle en die voertuig voor hulle toe laat, sou hulle…

Die plaaslik geboude Ford Ranger Raptor word nou in die fabriek toegerus met die bekroonde General Grabber AT3-bande. Hierdie is ‘n besonderse eer en mylpaal vir die General Tire-reeks wat vervaardig word by die Continental Tyre South Africa-fabriek in Port Elizabeth. Onafhanklike toetse het bewys dat die Grabber AT3 – wat ‘n 50/50 veld- en padontwerp ratio bied – dié maatstaf vir buitebande is, danksy die goeie prestasie op verskeie oppervlakke. Daarbenewens bied die Grabber-reeks ook uitstaande waarde vir geld wat uiteraard Ford se produksiekoste mededingend hou, terwyl dit ook die verbruiker se koste verminder wanneer bande vervang moet word.…

Ford het onlangs ‘n $1-miljard (R15.5-miljard) belegging in sy Suid-Afrikaanse vervaardigingsaanleg aangekondig – die grootste belegging nóg in die maatskappy se 97-jarige geskiedenis in Suid-Afrika. Dit verteenwoordig ook een van die grootste beleggings tot op hede in die Suid-Afrikaanse motorbedryf en sal uiteraard ‘n verhoogde produksievermoë en werkskepping tot gevolg sal hê. Met hierdie belegging sal Ford se aanleg in Silverton na verwagting meer as 1.1% van Suid-Afrika se bruto binnelandse produk lewer.…

Grip-Tech, die vervaardiger van die Auto-Grip-reeks meganiese teen-diefstaltoestelle, het onlangs ‘n nuwe wapen by sy arsenaal in die stryd teen wielmisdaad in Suid-Afrika bygevoeg. Die nuwe LNX-sluitmoere en LBX-slotboute vir motors en bakkies volg ‘n soortgelyke benadering as die bekroonde GTX vragmotorreeks wat die kombinasie van taai metale en ‘n innoverende vyfpen-sleutel insluit. Dit beteken dat meer as 600 unieke kombinasies deur ‘n algoritme ontwikkel kan word, wat die verwydering van ‘n moer of bout feitlik onmoontlik maak. Die nuwe Auto-grip produkte is plaaslik ontwerp, vervaardig en omvattend getoets. “Met mededingende pryse vir hierdie innoverende produk, glo ons dat dit ‘n koste-effektiewe oplossing bied vir die toenemend algemene wielmisdaad probleem in ons land,” sê Manuel Reis, besturende direkteur van Grip-Tech.…

Land Rover Classic sit die gedugte ekspedisie erfenis van die oorspronklike Defender voort, met ‘n beperkte produksie van avontuur-gefokusde Defender Works V8 Trophy-voertuie wat geoormerk is vir ‘n eksklusiewe kompetisie in Eastnor Castle later vanjaar. Dié voertuie is gebaseer op die herontwerpte Defender Works V8-spesifikasie van wat vanaf 2012 tot 2016 deur Land Rover Classic ontwikkel is. ‘n Wye verskeidenheid opgraderings wat spesifiek aangepas is vir veldrygebruik is ontwikkel en sluit ‘n V8 petrolaangedrewe motor wat 298kW krag en 515Nm wringkrag ontwikkel, ‘n agtspoed ZF outomatiese ratkas en ‘n opgegradeerde veerstelsel, asook nuwe stuur- en rempakkette in. Slegs 25 van hierdie voertuie sal in die unieke Eastnor geel verfkleur met bypassende 16-duim staalwiele afgewerk word. Kontrasterende Narvik swart verfwerk op die wielboë, enjinkap en agterdeur sal die uniekheid van die spesiale uitgawes…