Avontuur Afrika Issue 6 (April 2021)

welkom dumela lumela mholo sawubona dumêlang salibonani xewani avuxeni hello hallo ndaa

Webwerf: www.4x4afrika.com Instagram: @avontuuradventure_afrika Facebook: @4x4afrika Youtube: Adventure Afrika E-pos: info@4x4afrika.com “Ek het wyslik met ’n kaart begin.”– JRR Tolkien JRR Tolkien het deur sy kreatiewe werke soveel mense na nuwe en opwindende plekke meegevoer, en ons beoog om dieselfde te doen met elke uitgawe wat jy van Avontuur Afrika optel. Toegegee, ek sal nie binnekort ‘n nuwe taal uitvind nie, en ek twyfel of ons ‘n draak sal raakloop op een van ons avonture… Jy kan egter ‘n leeu of twee sien! In hierdie uitgawe verken ons nuwe plekke, op soek na nuwe avonture. Dit bring my by die onderwerp van kaarte. Kaarte stel die regte wêreld op ‘n baie kleiner skaal voor. Dit help jou om van een plek na ‘n ander te reis en om jou inligting te beplan en te organiseer. Dit help…

gesels>> saam

WAT SÊ ONS AANLYNGEHOOR? Watter een sal jy kies en waarom? Vir Avontuur Afrika is jou opinie en mening baie belangrik. Ons wil graag hê dat jy as leser met ons gesels en ons platforms gebruik om jou mening oor die bedryf te deel. Word ons leser van die maand en staan ‘n kans om ‘n geskenkpak van Protea Koffie ter waarde van R500 te wen, perfek vir daardie koppie boeretroos in die veld. Stuur jou briewe, reisstories, foto’s of vrae aan info@4x4afrika.com (onderwerp: Gesels Saam) Webwerf: www.4x4afrika.com Instagram: @avontuuradventure_afrika Facebook: @4x4afrika Youtube: Adventure Afrika E-pos: info@4x4afrika.com LESER VAN DIE MAAND Pieter Broodryk Sonder twyfel die Hilux (#6). Hierdie legende het homself al oor en oor bewys as uiters bevoeg en, danksy ‘n uitstekende herverkoopwaarde, bied dit goeie waarde vir geld. 2 d Like reply Ashley Lechner Ek stem vir nommer 1 – goed…

in die nuus…

Ford Everest raak sportief Soortgelyk aan die stryd tussen die Toyota Hilux en Ford Ranger, ding dié twee handelsmerke ook met mekaar mee in die sportnutsvoertuig segment, met onderskeidelik die Fortuner en die Everest. Om vir klante ‘n wyer keuse te bied, het Ford onlangs sy Everest-aanbod uitgebrei met die bekendstelling van die nuwe Everest Sport. Die nuweling pronk met 'n swart sierrooster met 'n unieke Everestkenteken op die enjinkap en swart spieëlhouers en deurhandvatsels wat die chroomafwerking op die Everest XLT vervang. Verdere ontwerpelemente wat ingespan word om dié voertuig ‘n meer dinamiese voorkoms te gee sluit die swart buffer, 20-duim swart allooiwiele en unieke Sport-kentekens op die agterdeure in. Die Everest Sport is mededingend geprys vanaf R662 800 en is beskikbaar in beide 4x4- en 4x2-modelle, aangedryf deur Ford se ekonomiese…

ons kan skaars wag!

So hoe het hierdie Grenadier avontuur begin? Die storie gaan soos volg: ’n paar jaar terug het die Ineos-baas en biljoenêr, Jim Ratcliffe, en ’n paar van sy vriende ’n bier gaan drink in ’n Londense kroeg, genaamd Grenadier. Diep in gesprek het hulle besef dat een van die laaste ware sportnutsvoertuie binnekort nie meer vervaardig sou word nie en dat dit ’n baie groot leemte sou laat. Geïnspireer deur die bier of gesprek (of beide?) het die groep aan die werk gespring om ’n nuwe voertuig te ontwerp waar funksionaliteit en vermoë die ingenieursontwerpe sou oorheers. Dit sal – in Jim se woorde – die spirituele opvolger van die Land Rover Defender wees. Dit moes in staat wees om ’n ploeg te trek, ’n mynveld skoon te maak en tot…

merke, gereed… aksie!

Ford Suid-Afrika, in vennootskap met Neil Woolridge Motorsport (NWM), het onlangs hul nuutste aanspraakmaker, ‘n splinternuwe Ranger, bekendgestel. Gerat om in die top produksievoertuig kategorie van die South African Cross Country Series (SACCS) mee te ding, sal dié nuwe Ford die eerste voertuig in sy klas wees wat onder die FIA se nuwe internasionale tydren regulasies vir turboaangejaagde petrolenjins sal deelneem. Die FIA Ranger word aangedryf deur Ford se indrukwekkende 3.5-liter dubbel turbo-aangedrewe EcoBoost enjin. Dieselde motor word gevind in Ford se uitsonderlike GT-supermotor, asook die Ford F-150 Raptor in Noord-Amerika. Hierdie splinternuwe ontwerp is ‘n beduidende opgradering van die huidige Ranger V8 wat in sy debuutjaar (2013) ‘n reeksoorwinning behaal het. Dié mededinger het ook die Klas T-titels vir twee agtereenvolgende jare in 2018 en 2019 ingepalm. In hierdie toepassing is…

goeters & geite

Ruk daai riem Ons het almal al video’s op sosiale media gesien waar die herwinning van ‘n voertuig erg verkeerd loop weens die gebruik van verkeerde toue en rieme. Derhalwe is dit ‘n uiters belangrike bykomstigheid om in te pak wanneer jy die boendoes of ‘n 4x4- roete aandurf. Die Australies-baseerde maatskappy, Tough Dog, is die leier in die ontwikkeling van herstel- en herwinningsgereedskap, en een van hul topverkopers is die 11T/9m rukriem. Dit is vervaardig van 100% nylon, het versterkte ogies en spog met ‘n drie-jaar waarborg (materiaal en vervaardiging). *Beskikbaar by Opposite Lock teen R1 495: www.oppositelock.co.za. (Jy kan ook die aankoop van ‘n volledige herwinningspakket met al die nodige toerusting oorweeg wat beskikbaar is vanaf R5 895. – Red.) Dit is nie binne nie, dit is bo-op! Ruimte is soos goud…