Huisgenoot

1 ‘DANKBAAR VIR MY GESONDHEID’ Die akteur Hennie Smit (alombekend as “Bertie van Egoli”) het sy 80ste verjaardag saam met ander bekendes van die vermaakwêreld gevier Baie geluk met jou verjaardag, Bertie. Ons het jou altyd gevolg in al die rolle wat jy deur die jare vertolk het, en jy het ons altyd lekker laat lag. Dankie vir al die goeie vermaak. Mag jy nog lank gespaar word en ’n vol lewe geniet. VERA Geluk, oom Hennie. Tydens my diensplig op die Grens in 1981-’82 het jy vir ons troepe kom optree. Namens almal van ons wat jy destyds opgebeur het, bedank en salueer ek jou. Tagtig is min beskore. Lekker verjaar. FRANCOIS Veels geluk, oom Bertie. Jy rock op 80 en ek kyk nog steeds Egoli op 145, dit bly maar klassiek. My kinders kyk…

KYK uit vir ’n lang vrou in beige, word ons vertel. Sy wag by die Engen as jy by Albertinia indraai, so 33 minute van Mosselbaai. Dis nie Huisgenoot se eerste kuier by Christien Odendaal nie. Deur die jare het ons gereeld berig oor hoe sy die reis aangepak het om volledig vrou te word nadat sy voorheen as Chris bekend was en as man geleef het. Maar toe ons Christien vandag teëkom, slaan sy sommer die asem weg. Die Sestigjarige kan deur ’n ring getrek word. Toe ons haar in 2013 ontmoet het, het sy ’n blomkamerjas, pienk pajamas en pantoffels gedra. Nou sien ons haar in ’n smaakvolle roomkleurige broek en wit bloes. Om haar nek hang blinkgroen Mardi Grass-krale. Haar oë glinster. En tog, daaragter skuil pyn. Deur die jare het sy…

DIE kusdorpie Langebaan is ’n plek waar jy gaan as jy moeg is vir die harwar en rumoer van die stad. Dit is gewild onder mense wat daar aftree en in hul goue jare na die see wil kyk sonder dat enigiets hul bloeddruk onnodig opjaag. Die “Juweel van die Weskus”, noem mense dit, ’n plek waarheen jy jou kinders kan vat om op vakansiedae sandkastele op die strand te bou. Maar nou maak dié dorpie ook naam vir iets wat volgens sommige inwoners minder gesinsvriendelik en darem net te wild is: Bikini Barber. Oë het gerek en monde het oopgehang toe dié nuwe onderneming sy aankoms op die dorp op sosiale media aankondig. Daar, in ’n video, het ’n vrou in ’n bikini smeulend op ’n salonstoel gesit. Mans is genooi om te…

OP DIE trappie voor die dubbelverdiepinghuis staan ’n klein seuntjie met deurmekaar hare en wangetjies wat warm geslaap is. Dié bruinoog met die lang wimpers het sy ma se hand in ’n stewige greep terwyl hy die kuiergaste nuuskierig bekyk. Dan besluit hy daar is interessanter dinge in die huis en kies koers na binne. Klein Jack het sy ma, die aktrise Therese Bam (46), se wêreld op sy kop kom keer, en al kan dinge lekker dol raak met ’n woelwater in die huis, is dit haar groot-ste prioriteit om elke oomblik saam met hom in te drink. “Ek het altyd geweet ek wil ’n ma wees, maar die absolute liefde het my totaal oorweldig en onkant betrap,” sê Therese. “Dit is ongelooflik.” Therese se ouerskapsreis was nie maklik nie. Ná vyf rondes…

DIE gort was gaar oor haar opspraakwekkende deelname aan die reeks Die Real Housewives van die Wynlande – en toe kom die nuus dat haar man uit sy bestuurspos by KWV tree en sy skielik op pad is oorsee. Nou, vanuit Amerika waar sy met vakansie is, antwoord die kleurvolle Housewife Anita Lloyd Huisgenoot se vrae – sonder ’n kenmerkende vloekwoord hier of daar, maar steeds in haar eie woorde. Manlief Boyce kyk nie die reeks waarin sy die afgelope tyd amok maak nie, vertel sy. Hy’s lief vir hengel en verkies visvangprogramme bo glans. “Hy het Wicked Tuna en Deadliest Catch oor baie jare heen gevolg.” Maar ondanks die herrie rondom die reeks, bly hulle mekaar se grootste vangs – en noudat hy klaarmaak by KWV sal hulle eindelik meer tyd vir…

“Ons was saam op skool, van st. 7 af saam in ’n klas. Anita se ma is oorlede toe sy agt jaar oud was en haar pa kort daarna, op nege. Sy moes met ’n tassie klere straataf tot by haar pleegouers se voordeur. Haar bloedfamilie was hoofsaaklik in Namibië, en haar halfsuster was 10 jaar ouer. Sy het op skool uitgeblink ten spyte van min ondersteuning. Sy was onderhoofmeisie en moes stoei en baklei vir alles wat sy bereik het en om universiteit toe te kon gaan en haar drie grade te voltooi. “In haar honneursjaar het sy as akademiese assistent by die universiteit se taaldepartement gewerk en Saterdae by Edgars as ’n vloerassistent. Later het sy skoolgehou terwyl ek voltyds my meestersgraad voltooi het. “Ons is al amper 32 jaar…