Huisgenoot

menings oor stories op huisgenoot.com

1 XANDER BYLSMA IN DIE HOOGGEREGSHOF In die hooggeregshof in Mahikeng word Xander Bylsma veroordeel weens die moorde op Sharnelle Hough en Marna Engelbrecht in die Stella-skoolkoshuis Hoe vermoor ’n jong man twee meisies en dink hy gaan daarmee wegkom? Iets is regtig met sy psige verkeerd. Hy gaan jare in die tronk hê om daaroor na te dink. MARLENE Deur een oomblik van waansin is soveel lewens verwoes. Ek probeer my kinders leer om in party situasies maar ’n “sissie” te wees en eerder om te draai en weg te stap. ILZETTE Dis nie altyd ouers se skuld nie. Ek weet van ’n kind wat streng grootgemaak is. Dierbaar, tot hy met die verkeerde maats gemeng het. Sy ouers bid onophoudelik. RETHA ’n Mens maak jou kind groot na die beste van jou vermoëns. Maar als in…

die séér van ons driehoek

SY IS bek e n d as die vinnigs t e vroueatleet in Suid-Afrika – die enigste nóg wat die 100 m-item in minder as 11 sekondes kon aflê. Maar van die onweerswolke in haar lewe kan Carina Horn (30) nie weghardloop nie. Nie net is die atleet verlede jaar geskors omdat sy positief getoets het vir ’n verbode middel nie; weg van die atletiekbaan hap die drama ook steeds aan haar hakke nadat sy haar midde-in ’n liefdesdriehoek bevind het. Die drie rolspelers spring elk weg vanuit verskillende blokke: ’n Gebroke Carina sê sy wil net by haar minnares – ’n getroude vrou – wees; dié vrou sê sy hét Carina lief, maar wil nie haar kinders deur ’n egskeiding sit nie; en haar man sê sy vrou “was nog altyd ’n…

verhoog, hier kom ek!

OP Ballito, waar sy ’n nuwe lewe weg van die verhoog kom skep het, ken baie mense haar deesdae net as “Max se ma”. Maar selfs ’n dekade nadat Patricia Lewis haar sangloopbaan vaarwel toegeroep het, trek sy steeds die aandag oral waar sy gaan. Met daardie kenmerkende blonde krulle en vietse figuur staan sy uit in enige groep. Wanneer sy gou in ’n winkelsentrum inwarrel, keer aanhangers haar steeds voor vir ’n geselsie of ’n foto. En selfs hier in haar eie drieverdiepinghuis op die Zimbali-landgoed aan die Noordkus van KwaZulu-Natal blink sy soos ’n ster. Toe die imposante houtdeure van haar huis oopswaai en die uitsig oor die uitgestrekte Dolfynkus anderkant die oopplanleefvertrek en stoep die asem wegslaan, verskyn sy aan die bopunt van die trap. Sy lyk veel jonger as…

vry uit my donker put

IN ’N ruim vertrek waar die Kaapse son deur die vensters skyn, lê ’n matras en kussings op die houtvloer met kerse daarom gepak. Die geur van jasmynwierook hang in die lug. Lynelle Kenned sit kruisbeen en kaalvoet op die matras. Haar somerrok klok in ’n kring om haar uit. TV-kykers het haar leer ken as die krulkop-aanbieder van die televisieprogram Pasella wat so lekker kan lag. En deesdae is sy weer op die kassie as aanbieder van Uit die spens, ’n nuwe kosreeks op VIA (DStv-kanaal 147). Liefhebbers van opera en musiekspele luister in vervoering na haar sopraanstem. Daarby is sy ’n bekroonde aktrise wat binnekort by die KKNK op Oudtshoorn op die verhoog te sien sal wees in die toneelstuk Queenie-hulle. Maar al ry Lynelle (31) op die kruin van die suksesgolf,…

1ste ontmoeting ná 57 jaar

DIT was Sondagaand 19 Januarie toe sy die WhatsApp-boodskap kry van ’n nommer wat sy nie herken nie. Sy het dit met ’n bonsende hart oopgemaak. Kan dit wees? En dit wás. “Hi, dis Susan, Tom en Chris Delport se oudste dogter. Ek hoor jy is ons suster,” het Elna Botha op haar selfoonskerm gelees. Die res van daardie Sondagaand het Elna en Susan Heyneke land en sand geklets, want hulle het letterlik ’n leeftyd gehad om in te haal. Op 57 kon Elna vir die eerste keer met die ousus gesels wat sy nog nooit ontmoet het nie. En vandag, skaars ’n maand later, is Elna en haar man, Peter (59) eindelik op pad van Pietermaritzburg na Susan (64) op Rooiwal, noord van Pretoria. Die senuwees knaag aan Elna. Was dit die regte…

nog ’n trump as president?

HY IS ’n bombastiese skoorsoeker en miljardêr-magnaat – en dit skeel Michael Bloomberg min dat hy baie mense die harnas in jaag met sy omstrede en onvanpaste uitlatings. In baie lande sou sy houding hom uit ’n presidentsverkiesing knikker, maar in Amerika tel dit dalk net in sy guns . . . Dié dat sommige ontleders meen dis dalk nie vergesog dat hy sy visier op die Withuis vestig nie; dalk, meen hulle, sal die Demokratiese Party hóm kies as die kandidaat wat pres. Donald Trump (73) in die nasionale verkiesing aanvat. Michael (78), die skatryk baas van die Bloomberg-mediaryk en ’n voormalige burgemeester van New York, het sy veldtog om die Demokratiese kandidaatskap vir November se presidentsverkiesing later as dié van die ander kandidate aangekondig. En al het hy bloedneus gekry in…