Huisgenoot 07 April 2022

1 ‘EK VERRUIL MY LEWE VIR NIKS’ Hy is lelike dinge toegesnou omdat hy ’n swerwersbestaan voer, vertel die kunstenaar Rudolph Clench. Maar hy is dol oor sy lewe op die pad Die oom het een jaar hier by ons op Volksrust ook ’n draai kom maak. Hy het toe ons dogtertjie geskilder. Wat ’n awesome oom is hy nie! En dit was so vinnig klaar geskilder. Weereens baie dankie. VALESKA Ja-nee, my oom. Of jy nou reg lewe of verkeerd lewe, die ou mensdom sal tog altyd ’n eier wil lê. Alle voorspoed met jou skilderye en geniet wat jy doen. Ons het elkeen by God ’n ambag ontvang. RENE Ag, daai alewige aanmerkings van die mense. Ek hoop regtig dit loop al by jou soos water van ’n eend se rug af. Ons is…

DIE bloedige Kalaharison het al gesak en Lettie van Vuuren was in haar slaapklere toe sy die telefoonoproep kry wat haar lewe verwoes het. “Ma, ek het iets verskrikliks gedoen. Ek was betrokke by ’n moord,” het sy haar seun, Jacques van Vuuren (34), hoor sê. Die donkerte van die Upingtonse nag het in Lettie se gemoed kom hurk. “My kind, wat het jy gedoen?” Asof in ’n nagmerrie hoor sy hom bieg: Hy het Enrich Williams en Amantle Bareki genader om Leon Brits, die hoteleienaar van Pofadder, te vermoor. Leon se vrou, Suretha Brits, het hom gehuur om dit te doen. “Geen ma wil ooit so ’n oproep kry nie,” sê Lettie (66) vandag gebroke. Dit was 14 Oktober 2020, sewe dae nadat Leon in sy huis gewurg en doodgesteek is. Van Vuuren het…

DALK is dit sy lang, lenige lyf of sy donkerbruin hare en soel vel … Waar hy sy hart op die sportveld uitspeel, lyk die 18-jarige Suid-Afrikaner net soos ’n Europese sokkerspeler, een met sy Italiaanse oupa se bloed in sy are. Maar sien jy die doelgerigte kyk in sy oë, is hy onmiskenbaar sy pa se seun. As die seun van die rugbyheld wyle Joost van der Westhuizen en die sangeres Amor Vittone het Jordan van der Westhuizen voor Suid-Afrikaners se oë grootgeword. “Dit het my nooit gepla dat my ouers bekend is nie. Al wat ek weet, is dat ek die beste wil wees wat ek kan wees, vir wie ek is en nie oor wie my ouers was nie,” sê Jordan in sy eerste eksklusiewe onderhoud met Huisgenoot vanuit…

TYDENS die covid-inperking was sy klaskamers feitlik leeg. Einde Februarie was leerders weer agter hul lessenaars en onderwysers weer voor die swartbord. Nes dit hoort, sou jy dink. Maar vir Dorian Meyer (59), hoof van die Hoërskool Cloetesville op Stellenbosch, was dinge beslis nie soos voorheen nie. Volgens hom het leerders sedert hul terugkeer sy onderwysers se lewe baie moeilik gemaak. En op 14 Maart besluit hy: Genoeg is genoeg. Hy gaan sit agter sy lessenaar om ’n brief aan ouers te tik – en hy draai nie doekies om nie. “Ons personeel ervaar daagliks verbale mishandeling van leerders – dogters sowel as seuns! Sommige leerders maak verskriklike aanmerkings aan opvoeders, wat diep seermaak en grens aan teistering en dreigemente tot geweld in die een of ander vorm,” skryf hy. Gevegte tussen leerders het “500…

Tot 63% van alle kinders jonger as 17 word in enkelma-gesinne groot, sê Juané van der Merwe, regsdienstebestuurder van die Federasie van Beheerliggame van SA Skole (Fedsas). “Swak dissipline in skole spruit uit ’n maatskaplike probleem – ’n noodkreet van kinders gebore uit pyn, verwaarlosing, mishandeling, misbruik.” Die afgelope twee jaar is kinders weerloser weens covid. “Huismoles word gereelder aangemeld; talle gesinne is sonder inkomste.” Sy bepleit ’n klemverskuiwing weg van skoolreëls en liewer op waardes. “Waardes bring mee dat leerders, onderwysers en ander rolspelers in die skoolgemeenskap meer verantwoordelikheid neem vir hul gedrag. “ ’n Aanvaarde stel waardes en etiese gedrag in die skoolomgewing sal voorvalle van swak dissipline verminder. Leerders en personeel moet leer om mekaar te respekteer voor enige ware vordering gemaak kan word. Ouers moet ook hierdie waardes aanvaar.” Wat sê…

OP DIE koffiebeker in haar hand pryk ’n afbeelding van Audrey Hepburn in haar ikoniese rol as Holly Golightly in die fliek Breakfast at Tiffany’s. En nes die destydse Hollywood-ster maak Monique Rockman nou op die silwerdoek naam. Maar anders as die Amerikaanse veteraan-aktrise verkies sy “donker stories” ver bo romantiese komedies. “Ek hou nie van normaal nie,” sê sy reguit. “Dit hoef nie noodwendig ’n gruwelfliek te wees nie, maar dit moet ’n rol wees wat vleis het. Ek wil nie net iemand se girlfriend wees nie; ek wil ’n karakter speel wat baie dinge doen.” En dit is presies die soort karakter wat sy speel in die ekologiese riller Gaia wat pas as die beste prent op die kykNET-Silwerskermfees in Kampsbaai, Kaapstad, bekroon is. Dit is reeds verlede jaar internasionaal…