Huisgenoot 12 May 2022

1 ‘EK HET DIE ANGS PROBEER WEGSTEEK’ Ontrouheid, vernedering, angsnagte … Dis wat agter die skerms van sy huwelik met Julius Swart geskuil het, sê Hannon Bothma My mening, Hannon: Hy het in elk geval glad nie by jou gepas nie. Daar was net iets. Good riddance. Bly die stunning mens wat jy is, maak daardie boek toe en gaan aan met jou suksesvolle onderneming en lewe. ROSA Hannon, glo my: As daardie spieël gekraak het, kry jy hom nie reg nie. Eenkeer oor die draad, altyd oor die draad. Dis ’n bitter seer, maar dit word beter. Sterkte. Vertroue gaan nie weer maklik wees nie. LALIE Jy is die een in ons hart en jy sal dit altyd wees, liewe Hannon. Beslis nie jou eks nie. Weet net dat hy dit nooit sal kan regkry…

DÁÁI geskiedkundige oomblik het áls vir haar verander. Dit was asof sy soos ’n sonneblom eensklaps haar gesig na die son gedraai het, vertel Amy Kleinhans 30 jaar ná sy as die eerste bruin mej. Suid-Afrika aangewys is. As sy nou terugkyk, vertel sy aan die joernalis Roxanne Mooneys op bl. 14, besef sy hoeveel deure dáái kroon vir haar oopgemaak het en hoe sy as bruin rolmodel ander wat ook deur die politieke bestel onderdruk is, kon inspireer. Al kon Amy destyds as mej. SA nie eens stem tot ons land in 1994 ’n demokrasie geword het nie, het die jong vrou met die onderwysdiploma besluit sy sal haar sukses inspan om ’n agent van verandering te word. En sedertdien het sy omtrent gewikkel … Hoe op dees aarde kry sy dit reg? het…

OPKLEIN dorpies weet almal altyd oor almal se dinge, hoor ’n mens dikwels. Selfs al verlaat ’n plattelandse dorpskind soos Anja Smit die Bosveld vir ’n lewe in die groot stad. Honderde kilometers weg in Pretoria het Anja op die oog af ’n onberispelike en welaf gesinslewe gelei. Sy het as direkteur van haar man se onderneming gewerk en soos ’n goeie ma haar kinders na hul Pretoriase skool karwei of langs die sportveld ondersteun. Wanneer hulle nie gesinstyd deurgebring het by hul huis op ’n landgoed nie, het sy en haar man graag in goeie restaurante saam met hul groot vriendekring gekuier. En altyd het die goedversorgde vrou gelyk asof sy pas uit ’n skoonheidsalon gestap het – jy kon haar deur ’n ring trek. Maar toe bars die bom – Anja word…

IN DIE nuwe boek Moord op Pofadder skryf die joernalis en misdaadskrywer Charné Kemp dat Suretha Brits vir haar ’n nuwe lewe begin bou nadat sy in Oktober 2021 tot 25 jaar tronkstraf gevonnis is vir die moord op haar man, Leon Brits. In die proses, verklap ’n ingeligte bron, het Suretha by die Griekwastad-moordenaar aangeklop om raad. Hy het sy ma, pa en suster in 2012 op hul plaas in die Noord-Kaap vermoor. Die Noord-Kaap het nes destyds ná die Griekwastadmoorde gegons nadat Leon, die hoteleienaar op Pofadder, se liggaam op 7 Oktober 2020 in die swembad van die Brits-gesinshuis gevind is. Gou het die gerugte begin loop dat sy vrou dalk ’n hand in sy lot gehad het … Nadat ’n kennis, Jacques van Vuuren, aangekeer is en getuig het Suretha het…

HY HET deur die jare geleer om die dood in die oë te kyk. Maar hierdie keer is anders. Adam Barnard, sanger van die groep Romanz, se geliefdes begin aanvaar daardie klok kan vir hom ’n verlossing wees. “Sy liggaam is moeg,” sê Adam se vrou, Almitra, in ’n verklaring. “Sy siel en gees is moeg.” Elders skryf sy: “Adam verdien rus. Hy verdien om weer ’n liggaam te hê wat kan hardloop en sing. Hy verdien dit om sonder pyn te wees.” Net meer as ses jaar nadat nierversaking by die sanger gediagnoseer is, is hy in die laaste week van April die soveelste keer weens ’n terugslag in die hospitaal opgeneem – en dié keer het hy boonop in ’n koma verval. Teen Huisgenoot se druktyd was hy nog in ’n koma. Almitra…

DIT bly ’n sprokiesoomblik – om te sien hoe ’n jong vrou se lewe in ’n oogwink verander. En toe sy presies 30 jaar gelede in haar wit aandrok op die verhoog by Sun City staan en hoor hoe haar naam in 1992 as die nuwe Mej. Suid-Afrika uitgeroep word, was dit vir Amy Kleinhans-Curd ’n oomblik van ontwaking – een waarheen sy haarself jare later steeds kan terugneem. “Ek het so ’n besige kindertyd gehad en was ’n bietjie van ’n rabbedoe, maar inderwaarheid was ek ’n saadjie wat nog al die pad besig was om haar pad na die bogrond oop te druk,” vertel Amy vandag. Sy is op 53 nog net so beeldskoon soos drie dekades gelede, en nog net so slank soos toe sy destyds in swemklere op die…