Huisgenoot 13 Jan 2022

1 ‘NIE ALLES IS ’N LEUEN’ Zephany Nurse, oftewel Miché Solomon, skryf roerend aan ’n ander vrou wat nes sy ná dekades ontdek het haar ma is nie haar biologiese ma nie Dis baie trauma waardeur hierdie jong vrou moet gaan. Wat gebeur het, was nie waarvoor sy gevra het nie. Dit kon so anders vir Zephany uitgedraai het, maar God het iemand gebruik om haar te beskerm. THERENSIA Dis so hartseer vir die ouers en dogter. Ek kan net bid dat God in jul harte werk vir vergifnis, vrede en liefde. Vir die dogter: Jy het nou twee mammas wat regtig baie lief is vir jou. Ek bid vir genoeg vrede in jou hart. GLYN Ek was so geskok toe dit destyds met Zephany gebeur het. Ek self was ’n jong ma, en het altyd…

EERS het haar vingerpunte donkerpers begin word. ’n Week later het ’n kloppende pyn aanhoudend deur haar hande geskiet, en dit het gevoel asof rooimiere onder haar vel rondhardloop. Kort daarna was vier van Melinda Jansen van Vuuren (48) se vingerpunte gitswart. “Dis ’n absolute gemors,” sê sy. “Almal dink ek is kalm daaroor – ek is nié.” Toe Melinda die voordeur van die huis in Walkerville, suid van Johannesburg oopmaak, trek ’n swart vingerpunt aan haar linkerhand jou aandag. Haar regterhand se vingers lyk erger; daarom steek sy dit in ’n verband weg, verduidelik sy. Toe sy gaan sit, begin sy die verband versigtig afhaal. Haar oë lyk moeg en sy lyk verslae. Dan sien ’n mens dit wat die meeste mense na hul asem laat snak: Die naels van drie van Melinda se middelste…

ELKE keer dat Dana Snyman haar naam noem, helder sy gesig op: “Erna”. Haar naam duik ook gereeld op in sy nuwe boek, In die tyd van die gif, oor sy wedervaringe tydens die pandemie. Die afgelope drie jaar het die skrywer, joernalis en dramaturg en Erna Oosthuizen liefde gevind, die inperking gekonfronteer, en albei moes die dood van ’n geliefde verwerk wat hulself om die lewe gebring het. Hy het sy verloofde aan depressie verloor en sy haar man. Vir die boek het hulle ook saam deur die land gereis in ’n Toyota Hilux-bakkie en op die Shosholoza Meyl-trein, want Erna maak maskers en Dana soek stories en skryf die inperking vir lesers oop – albei noodsaaklike dienste waarvoor hulle spesiale permitte gekry het. “My ma het in die koerant gelees van…

’NRUK lank het sy ophou bid, want haar vertwyfeling het bly knaag: Wat sou gebede haar tog help? Haar geloof het gewankel, erken die atleet Carina Horn vandag oor die tyd nadat haar wêreld in 2019 eensklaps in duie gestort het. Haar naam was oral in die nuus: Carina, Suid-Afrika se vinnigste vroueatleet, het positief getoets vir twéé verbode middels. Die stimulante het haar glo ’n hupstoot op die atletiekbaan gegee en boonop is haar vorige prestasies deur sommige bevraagteken. Toe die uitslae van die toetse vir verbode middels op die lappe kom, is Carina uit wêreldatletiek geskors en moes sy haar geliefde hardloopskoene ver wegbêre. Haar aanhangers het haar veroordeel, en haar vorige rekords op die baan is deur sommige aan opkikkermiddels toegeskryf. Haar borge het hulle van haar onttrek, en haar…

DIE musiek dawer deur die stowwerige strate van Trompsburg in die Vrystaat. Dit dartel om die hoeke van huise; dit vleg deur die nannabessie-en plataanbome. Volg jy die klanke in die hoofstraat verby die enkele winkels en swenk links af in Fonteinstraat, sal jy die huis opspoor waar die musiek deur die ruite na buite stroom. En daarbinne speel hulle. Die 12-jarige Izak Reynolds wie se vingers soos ’n reënspinnekop oor die kitaar se nek dans. Sy voete skoffel soos ’n ware Rockabilly – nes dié van Elvis Presley. Sy broer Kalla-Dabar (10) is op die klawers en ook sý voet hou ritmies tyd. Dan is daar Montle Pitso (12), die meisie met die goue stem, die jong Janis Joplin van die Vrystaat. Sy staan met ’n mikrofoon in die hand; haar oë…

ONS het haar al in vele gedaantes beleef – op die kassie as die prokureur Katrien Nienaber in Fynskrif of as Bertie se lojale suster in Ekstra medium, en op die verhoog in die eenvrouvertoning Die dinge van ’n kind. Maar nou sal kykers haar die eerste keer as haarself sien: as Cintaine Schutte. Toe die aktrise (34) laat verlede jaar voor die kameras instap as aanbieder van Huisgenoot se splinternuwe speletjiesprogram vir blokraaigeesdriftiges, Huisgenoot Blokraaibestes, was dit vir haar ’n nuwe wêreld. “Dit was tegnies uitdagend,” erken sy oor die werk aan dié reeks, wat op 10 Januarie op VIA begin. “As jy toneelspeel, vertolk jy ’n rol, maar wanneer jy aanbied, moet jy jouself wees, en jy moet kan multitask. “Hulle noem dit die Three T’s,” sê sy oor die riglyne…