Huisgenoot 17 March 2022

1 STEROÏEDE GEDY IN SKOLESPORT Dit gons oor Guns and Needles, die sportskrywer Clinton van der Berg se boek oor steroïedemisbruik in skolesport Dis omdat skole ta-lentvolle kinders koop. En dan moet daai kind net per form, anders verloor hy sy beurs. En so begin die afrigters/skole/ouers hulle blind hou, want wie wil nou verloor? SALOMIEN Ouers wat anderpad kyk vir sulke goed moet verkla word by maatskaplike dien-ste. Hulle is so ingestel daarop dat hul kinders vir die eerste span speel en presteer, hulle stel nie die kind eerste nie. GERTJIE Geen skool kan sê hulle is dwelmvry nie. Ek het lank genoeg by die dwelmeenheid gewerk om te weet. Steroïde word vrylik gebruik. Ouers koop dit vir die kinders. Ek is bly skole toets nou daarvoor. NIKKI Ek het al self beleef kinders wat dit ge…

AS SANGERES sing sy haar hart uit teenoor haar aanhangers, maar weg van die verhoog was Nádine nog altyd privaat. Juis daarom was daar so ’n beroering toe sy die aand van 11 Februarie – skaars drie dae voor Valentynsdag – die bom op Facebook laat bars: “Vier jaar. Ses maande. 20 dae. Dis verby. Finaal.” Dat sy na haar verhouding met die gewese Springbok Derick Hougaard verwys het, was vir haar aanhangers duidelik. En dadelik het dit begin gons oor hoekom hulle uitmekaar is. Nádine het deur hul stormagtige verhouding vir Derick bly ondersteun – hoekom dan so skielik en dramaties die finale skeuring? Huisgenoot kan nou onthul dat Nádine en Derick op die aand van haar Facebook-uitstorting ’n “hewige stryery” gehad het. Die rede? Iemand “na aan haar” het haar glo…

DIS genoeg om enigeen slapelose nagte te gee. Al wat die susters vir seker oor hul ma se laaste oomblikke weet, is dat sy gillend by ’n krans afgeval en haar op rotse doodgeval het. Maar Jasmine Swiel en Kendal Victor is vasbeslote om vas te stel wat presies op daardie tragiese dag gebeur het toe hulle hul ma vir ewig verloor het. Terry Wampach-Todd, ’n kampioenbergfietsryer, het die Cederberge gekén en gereeld in die omgewing gaan fietsry – tot sy in 2016 hier oorlede is. Haar man, Sean Todd, was al een by haar toe sy dood is, en in ’n geregtelike doodsondersoek deur die landdroshof op Clanwilliam is bevind daar is moontlik omstandigheidsgetuienis van gemene spel. Die doel van ’n geregtelike doodsondersoek is vir die nasionale vervolgingsgesag (NVG) om te besluit…

DIE afwagting in die vertrek bou op terwyl die vrou in die eina kleertjies prikkelend stadig haar slagoffers uitsoek. Dan pen sy hulle vas met ’n tergende kyk: drie boerseuns in stywe kakiebroeke. Hulle het elkeen ’n pet op die kop, en hul gespierde arms is eenvormig oor die borskas gevou. Terwyl sy byna soos ’n kat nader sluip, raak die driemanskap ietwat senuagtig. Want nou is dit die sweep in haar hand eerder as haar kurwes wat hul oë laat rek. Maar dis te laat, want in ’n gebiedende stem laat sy hulle opstaan en buk. En terwyl haar speelse houe op die kakiebroeke neerplof, kekkel die gehoor. Dis by die Lollipop Lounge in Randburg waar Perle van Schalkwyk, beter bekend as Gigi, steeds die een is wat die sweep klap. En…

DIT bly kosbaar – dié ou-ou prentjie van ’n ouerpaar wat met ’n nuwe baba by die huis aankom. Moeg maar gelukkig. Verwonderd oor die grootsheid, maar besorg oor die broosheid van die klein lyfie. Monica Stark (22) sus haar pasgebore baba aan die slaap en sit haar saggies in die stootwaentjie neer terwyl pa Joshua (31) liefdevol toekyk. Dis die prentjie van vrede. Maar vir die Starks hou Anastasia se tuiskoms ook ’n groot stuk hartseer in. Want minder as twee jaar gelede het ’n ánder baba in dieselfde stootwaentjie lê en slaap. Pleks daarvan dat hul eersteling, Isabella, nou ’n woelwater van amper twee is, is die gastehuis in Ermelo waar die gesin woon vandag grafstil. Isabella was net 14 maande oud toe sy in September verlede jaar dood is toe sy…

STEL jou voor jou man bring vir jou ’n stukkie sponskoek. Dit is pragtig versier en lyk alte lekker, maar die oomblik dat jy jou tande daarin slaan, ontdek jy dit is meer spons as koek – ’n opwassponsie om presies te wees! Dit is in sulke tye dat Aisha Younas so kwaad vir haar wederhelf word dat sy kan slange vang. En van slange gepraat: Wasim het haar ook al die skrik op die lyf gejaag met ’n plastiekslang wat uit ’n papaja peul net toe sy dit oopsny … Dit is juis haar vurige reaksie op sy manewales wat hy die meeste geniet. En duidelik geniet hul 38 000 volgelinge op TikTok dit ewe veel, want binne twee jaar het die Wes-Kaapse ouerpaar ’n kubersensasie geword. Aanhangers van die TikTok-profiel, AishaWasim0,…