Huisgenoot 19 May 2022

HUISGENOOT VANDAG HUISGENOOT SE TOPSTORIES VAN DIE DAG: WARE LEWENS-DRAMAS, MENSESTORIES, NUUS OOR BEKENDES EN DIE DINGE WAAROOR ALMAL GONS. JY KRY DIT DAAGLIKS HUISGENOOT JUNIOR SPESIAAL VIR OUERS, KINDERS EN TIENERS: TOPRAAD OOR ALLES WAT JOU KIND RAAK, STUDIEHULP MET SKOOLWERK, EN LEKKER INHOUD VIR JOU EN JOU KIND. JY KRY DIT MAANDELIKS HUISGENOOT MOOI RAAD, WENKE EN INSPIRASIE OM JOU VOORKOMS EN LEWE LIEFLIK TE MAAK: ALLES OOR MODE, SKOONHEID, JOU STYL EN DEKOR. JY KRY DIT MAANDELIKS HUISGENOOT HARTSAKE O, DIE LIEFDE! ONS VIER DIT, ONS GEE RAAD, ONS DEEL BESONDER-SE VERHALE EN ONS DRAAI NIE DOEKIES OM NIE. JY KRY DIT MAANDELIKS HUISGENOOT WENRESEPTE BEPLAN JOU SPYSKAART MET ’N KEUR VAN HUISGENOOT SE HEEL BESTE RESEPTE UIT ONS TOETSKOMBUIS. JY KRY DIT WEEKLIKS HUISGENOOT BOEKKLUB SLUIT AAN BY ONS BOEKKLUB VIR VARS NUUS, VERHALE EN GESPREKKE OOR DIE BOEKEWÊRELD. JY KRY DIT MAANDELIKS TEKEN…

1 ‘NUWE BEWYSE’ OOR MADDIE SE LOT ’n Duitse staatsaanklaer beweer Maddie McCann is 15 jaar gelede deur die pedofiel Christian Brueckner ontvoer – en dat Maddie dood is Hoop dat hulle ein-delik die boek sal kan toemaak. Daardie ouers het al soveel trauma deurgemaak oor hul kind wat weggeraak het. Hoop regtig hulle het nou die ware skuldige. AMANDA As dit wel so is, sal haar arme ouers hopelik binnekort se-kerheid kry. En eindelik kan begin om afsluiting en genesing te kry. Die onsekerheid al die jare moes baie erg vir hulle gewees het. ELSABÉ Ek het na die dokkie gekyk. Net die feit dat die ouers die kinders alleen gelos het, het my reeds koue rillings gegee. Ek voel steeds vir die ouers; die skuldgevoelens sal hulle seker altyd opvreet. SUZANNE Dit is ’n baie hart-seer…

IS ’n idee wat deesdae dikwels herhaal word: dat ons as ouers ’n nuwe generasie grootmaak om eendag werke te doen wat nog nie eens bestaan nie, en daarmee geleenthede te ontgin en probleme op te los waarvan ons nog nie eens weet nie. Om Karel Schoeman verkeerd aan te haal: Die toekoms is ’n ander land. Hoe help ons ons kinders om gereedskap vir daardie nuwe landskap in te samel? Om goeie besluite te neem? Om geleenthede te ondersoek en na te dink oor hul opsies, en ook om te dink oor die dinge wat hulle nog nie ken, verwag of van weet nie? Hoe gee ons vir hulle die inligting waarmee hulle hulself kan bemagtig? Ons nuwe handelsmerkuitbreidingstydskrif Huisgenoot Loopbane is gerig op hoërskoolleerders, skoolverlaters, studente en jongmense wat groot…

VIR Zephany Nurse was “gesin” lank ’n moeilike begrip. Daar is die pa en ma wat die lewe aan haar geskenk het. Maar daar was ook ’n tweede gesin, dié van die vrou wat haar as baba ontvoer en as haar eie grootgemaak het. Oor die jare heen is lesers ontroer deur die verhaal van dié meisie wat tussen twee gesinne verskeur is. Maar volgende jaar gebeur iets groots in Zephany (25) se lewe: Sy bou aan haar eie gesin wanneer sy in die huwelik tree met ’n man wat haar onvoorwaardelik liefhet. Sedert sy in 2015, sewe jaar gelede, moes uitvind die ouers wat haar grootgemaak het, is nie haar geboorte-ouers nie, moes sy diep in haarself delf om rigting in haar lewe te kry. Twee jaar gelede het sy op…

’NMENS sien die hartseer op die tienermeisie se gesig terwyl sy na haar verminkte hande staar. “Ek is iemand wat baie, baie van my hande gehou het. Ek het my naels altyd baie lank gedra. Ek het sulke mooi lang vingers gehad; almal het vir my gesê ek moet eintlik klavier speel,” vertel sy. Met daardie vingers het Vanessa Grimbeek (16), van die skilderagtige Namibiese woestynkusdorpie Hentiesbaai, altyd graag mooi kunswerke geskep en naaldwerk gedoen. Maar die wrede ironie is dat dit juis ’n kunseksperiment was wat haar hande verwoes het. Vanessa het vandag net drie vingers oor aan haar regterhand. Aan haar linkerhand is steeds ’n spalk nadat sy verlede Julie haar hande met elektrisiteit gebrand het. “My duim en wysvinger is afgesit, ook die punt van my pinkie. Ek het baie…

AL WAT verander het, sê hulle, is dat hulle nie meer ’n romantiese paartjie is nie. Vir hom is die fyn donkerkop steeds sy “Flo”. En vir haar bly die sjarmante akteur steeds “skattie” – nes hy nog altyd was. Hulle het mekaar steeds lief. Hulle lag steeds vir én saam met mekaar. Hulle het bloot besef hul liefde is nie die liefde van ’n romantiese paartjie nie. En ja, hul romanse het sy einde bereik. Tog kan jy eintlik sê alles én niks het verander nie, spot die akteur Neels van Jaarsveld (42) en sy televisieliefde, Florinda Hearn (27). “Ons paaie het ongelukkig geskei weens faktore buite ons beheer,” vertel Neels en Florinda eksklusief aan Huis genoot. Maar hulle bly vriende en daar is geen bitterheid teenoor mekaar nie. Florinda was die vrou wat die…