Huisgenoot 21 April 2022

1 PRINS ANDREW WEER IN DIE KOLLIG ’n Skandaal hang steeds oor sy kop, maar tydens die gedenkdiens vir prins Philip was Andrew prominent aan die sy van sy ma, koningin Elizabeth Prins Andrew was nog altyd haar gunstelingseun. So ek weet nie hoekom mense gedink het dit sou verander nie. Ten spyte van wat hy glo gedoen het, bly sy sy ma en sal sy mos nooit haar band met hom verbreek nie. CARINA Hulle bly ná alles tog net ’n ma en haar seun. Wat my seun ook al sou doen, dit is die daad wat ek sal haat en ja, hy sal ook die gevolge daarvan moet dra, maar dis bewys ’n ma sal altyd lief bly vir haar kind. ANASTASIA Andrew lyk opvallend gestroop van al sy kentekens. Niks, nie eens ’n…

ENKELE minute is sy wakker en onthou sy die gevoel hoe sy in haar motor deur die lug sweef. Dan word alles donker… In daardie vlietende oomblikke van bewussyn het Lucy Thomas (25) nie besef dat sy erg beseer in die wrak van haar wit Volkswagen Polo teen die hang van Chapmanspiek lê nadat sy by die kranspad afgestort het nie. Haar volgende herinnering is die gerusstellende stemme van die paramedici wat haar na veiligheid ophys. “Hulle het vir my gesê ek is veilig. En toe verloor ek weer my bewussyn,” vertel Lucy vandag uit haar Groote Schuur-hospitaalbed. Eers ure ná daardie paaiende stemme op die berg het sy in hierdie einste hospitaal wakker geskrik. Oor hoe die ongeluk op 17 Februarie gebeur het, weet sy niks – ook nie van die bergbrand wat…

IN SY veelbesproke dae as Springbok-afrigter het terugslae hom nooit lank ondergekry nie. Selfs wanneer die telbord aanhangers laat huil het, het die joviale “Coach Snorre” se optimisme en humorsin gou deurgeskemer. Maar die afgelope twee jaar wil die donker skaduwee van verlies oor Peter de Villiers se persoonlike lewe nie wyk nie. Eers is hy en sy vrou, Theresa (62), verpletter deur die dood van hul jongste dogter, Odille (28), in Desember 2019 weens kanker. En net vier dae voor Huisgenoot se druktyd is sy skoolkys en huweliksmaat van die afgelope 45 jaar se lewelose liggaam in familievriende se swembad in Gqeberha aangetref. Talle vrae oor Theresa se dood tydens ’n week lange kuier by Rafiek en Fatima Hermans in die Baai bly steeds onbeantwoord. Sy was in sportdrag geklee toe haar…

‘ONS HET GE-WEET DAAR IS IETS AAN DIE BROEI, MAAR WAS TE BANG OM IETS TE SÊ’ TOE sy die “teddiebeer van ’n man” voor haar sien staan, was dit liefde met die eerste oogopslag – al het sy geweet hy is haar stiefbroer. Sy was destyds net 18 jaar oud en het hom tot op daardie oomblik nooit geken nie, vertel Sunette Fanoe (35) van Boksburg. Maar vandag is sy al 15 jaar gelukkig getroud met daardie einste stiefbroer, Geoff (41). En om die kroon te span is haar man deur haar langverlore biologiese pa grootgemaak. Die gelukkige, aweregse liefdesverhaal het begin toe Sunette met geboorte in Germiston vir aanneming opgegee is. “Die hospitaalsusters het vir my Babygro’s gekoop en net so ’n groot rubberfopspeen,” vertel sy. “Ek was nege dae oud toe…

DIS asof die sêding oor vinkel en koljander vir dié twee susters uitgedink is: Hulle deel ’n bed, bad saam, dra dieselfde klere, het in dieselfde rigting studeer en doen dieselfde werk. En natuurlik deel Owami en Olwethu Siko ’n hegte band, soos ’n mens dikwels by tweelinge sien. Huisgenoot het onlangs berig oor identiese tweelingsusters van Amerika wat met identiese tweelingbroers getrou het. Daardie egpare woon saam en maak hul seuntjies, wat geneties so eenders soos broers is, saam groot. Maar dié Suid-Afrikaanse tweeling het nog ’n stappie verder gegaan: Hulle het met dieselfde man getrou. Hul babadogtertjies is twee maande uitmekaar gebore en is halfsusters én niggies. Owami en Olwethu se huwelik met ’n vervaardiger was egter later ongelukkig, en die 31-jarige susters het twee jaar gelede hul tasse gepak en…

DAAR is iets aansteekliks aan die fyn donkerkop se amperse snuiflaggie; aan die manier waarop sy so vrylik en sonder behoud lag – vir alles, ook vir haarself. Toe Mila Guy (29) met haar golwende lokke en ’n paar sjiek tekkies hier op ’n gemaklike leunstoel kom neerplons, kan sy kwalik ophou glimlag. En dis nie dat sy pas ’n grappie gehoor het of iets snaaks beleef het nie, leer jy gou – dis maar net hoe sy is. “ ’n Mens moet lag,” vertel die aktrise en vou haar bene onder haar in. “Ek sê altyd: Moenie jouself te ernstig opneem nie; die lewe is in elk geval heeltemal te kort.” Het jy haar ’n jaar of so gelede gevra, het sy dalk ’n heel ander lewensuitkyk gehad. Trouens, tot onlangs toe…