Huisgenoot 23 June 2022

1 ‘JY KÁN LEEF MET MEERVOUDIGE SKLEROSE’ As die lewe klappe uitdeel moet jy opstaan, sê Thys die Bosveldklong. En dis presies wat die sanger doen, want hy is weer terug op die verhoog Dit is sulke ware en wyse woorde. Die lewe klap ’n mens soms so hard dat jy val dat jy hik, maar bly lê kan jy nie. Die lewe wil gelewe word. Baie sterkte en beste wense vir jou, Thys. ELSABE Thysie, jy lyk stunning! Jy is en bly ’n wenner. Hou jy net aan om so sterk te wees, asseblief, en ons sal aanhou om jou te ondersteun en vas te hou en in ons gebede te hou. ANITA Hou aan veg, Thys. Ek is in 2013 gediagnoseer. My neuroloog het vir my gesê MS gaan saam met my…

HIER by Huisgenoot woeker ons nie net aan ons weeklikse tydskrif nie – ons werk ook pal aan ’n hele rits losstaande tydskrifte wat ons onder die Huisgenoot-vaandel uitgee. Dié tydskrifte word deur ons redaksie geskep, en dit bevat dieselfde geloofwaardige gehalte-inhoud as ons weeklikse tydskrif, maar dis telkens gefokus op ’n sentrale onderwerp. Hierdie “boeke”, soos ons hulle noem, is vir ’n paar maande in die handel beskikbaar, maar lank nadat dit van die winkelrak verdwyn het, verkoop ons dit steeds op ons aanlyn Huisgenoot-winkel. Ons bied iets vir almal: ’n volledige gids wat jou sal help beplan vir jou aftrede, ’n tydskrif met omvattende raad vir die menopouse; ’n handleiding wat jou sal help om met diabetes saam te leef; en ’n tydskrif met raad oor die oorweging en gebruik van…

GEDURENDE hul verhouding van 17 jaar het die houe meestal agter geslote deure op haar neergereën – in die slaapkamer, op kantoor, in die kar… Dan het sy maar elke keer die tekens van haar mishandeling met ’n groot sonbril en grimering vir die wêreld weggesteek. Later het sy vir haar twee seuntjies ook verbloem wat Pappa aan haar doen; nie eens haar ouers het geweet hoe die man wat sy liefgehad het haar pap slaan en verneder nie. “Ek het dit altyd vir almal weggesteek. Toegesmeer. Gemaak asof dit nie gebeur het nie. Hoekom? Om hóm te beskerm! Omdat hy my elke keer belowe het dit sal nooit weer gebeur nie,” vertel Nicoleen Swart (35) vandag oor die man wat haar verinneweer het; die man wat onlangs landwyd die gesig geword…

SY PREWEL sag: “Ek is jammer. Ek is net jammer.” Die rooikopvrou sit in die hoof se kantoor hier in die kleuterskool op Brakpan. Haar netjiese kuif bons oor haar wenkbroue. Haar sagte blou grimering raam moedelose oë. Jolandi Venter (37) is al 10 jaar lank ’n kleuterskoolonderwyseres. Sy is lief vir kinders, sy verstaan hulle, en sy wéét hoe om na hulle om te sien. Maar nou het ’n fratsongeluk op die speelterrein haar lewe omgekeer. ’n Ongeluk soos sy nog nooit gesien het nie. ’n Ongeluk wat geëindig het met die byna lewelose liggaampie van klein Marno Muller (5) op die glyplank waar sy toesig gehou het. Die land is die afgelope tyd aangegryp deur die verhaal van dié kind wat gewurg het toe sy klere aan die glyplank vasgehaak en om…

DIS maklik om te dink die pragtige Jo-Ann Strauss se lewe kan nie nader aan volmaak wees nie. Maar as jy ’n kykie in haar hart en wêreld kry, sien jy haar lewe is soos die meeste mense s’n ’n mengsel van vreugdes en uitdagings. Ja, Jo-Ann (41) se internasionale loopbaan as sakevrou gaan van krag tot krag. Maar daar is ook die seerkry van haar ma, Ingrid (65), se demensie wat vir die familie die afgelope sewe jaar soveel hartseer en uitdagings veroorsaak het. Jare lank moes sy aanskou hoe die ma wat sy liefhet en bewonder voor haar oë weens demensie onttrek na ’n ander wêreld. En toe op 18 Desember verlede jaar is haar kleinboet, Heinrich (36), skielik oorlede. Hy het probleme met sy spysverteringstelsel gehad en in septiese…

HOM betrap jy nie sommer onkant nie, want in sy lewe het hy al terugslae en triomf in oormaat beleef. In 1988 het hy sy regterarm en oog verloor in ’n motorbomontploffing in Maputo – die werk van veiligheidsagente van die apartheidsregering. Uit die puin van daardie sluipmoordpoging het hy verrys tot een van die hoofargitekte van ons demokratiese Grondwet. Van ’n jong regsgeleerde in ballingskap het dié strugglefiguur gevorder tot ’n regter van die konstitusionele hof. Deur die jare het hy ook al daaraan gewoond geraak dat wildvreemdes hom wil ontmoet. Maar die oomblik toe een van die wêreld se bekendste glanspare by die deur instap, het selfs die onverstoorbare Albie Sachs byna op sy rug geval. Dit was 2018 in New York, sê Albie (87) vandag hier in sy huis in…