Huisgenoot 24 March 2022

1 NÁDINE VIER 40STE SONDER DERICK Hou die mense wat jou liefhet na aan jou hart, was Nádine se raad op haar verjaardagpartytjie kort nadat sy en Derick Hougaard uitmekaar Nêrens staan ’n vrou het ’n man nodig om gelukkig te wees nie. Wees jouself soos nog al die jare. Baie geluk met jou 40ste! Leef jou drome uit en moenie toelaat dat enigiets of enigiemand jou terughou nie. GRETCHEN So Nádine mag die man in sy glorie in stuur. Maar toe Karlien dit die dag gedoen het oor sy verslawing aan alkohol en pille, toe is sy skielik die slegste mens ooit. Die mensdom is darem maar vreemd. TANYA Ek voel jammer vir albei. Die meeste mense misluk soms en begin oor. Dan kry jy dié wat nie die krag of selfvertroue het nie. Hulle…

WANNEER hy destyds ná ’n lang sakereis of ’n dag op kantoor met sy kar by die huis stilgehou het, sou sy donkerkop-dogtertjie altyd voordeur toe hardloop, kinderlik opgewonde in haar pa se arms spring en hom ’n groot druk gee. Dan sou alles wat daardie dag in die sakemagnaat Christo Wiese se werkwêreld gebeur het eenvoudig wegsmelt. Weg was die raadsvergaderings en sakebesluite – in daardie oomblikke was hy net Pappa. Vandag is dié dogtertjie amper 40 en ’n suksesvolle televisieaanbieder en sakevrou uit eie reg, maar die band tussen Clare Wiese-Wentzel (39) en haar pa is sterker as ooit. ‘EK KYK NOOIT TERUG NA MY KINDERJARE EN DINK DAT MY PA NOOIT DAAR WAS NIE. EK WEET NIE HOE HULLE DIT REGGEKRY HET NIE’ “Sy was nog altyd ’n daddy’s girl,” sê…

VIR enige jong mens is dit ’n senutergende ervaring om die eerste keer agter ’n kar se stuurwiel in te skuif, maar die vooruitsig van die vryheid en onafhanklikheid wat ’n rybewys sal meebring, maak daardie spannende bestuurslesse die moeite werd. In die Vaaldriehoek het “Oom Ferdi” vanuit die staanspoor vertroue by sy leerlingbestuurders ingeboesem. Hy het immers al jare se ervaring as instrukteur agter die rug, en hy praat sag en geduldig. Sy ryskool was gewild, want sy lesse was bekostigbaar genoeg om leerlingbestuurders uit verskillende maatskaplike agtergronde te lok. En die meeste het hul rybewys sonder probleme bekom. Maar teen hul tweede les het hulle “bitter ongemaklik” gevoel langs die “oom” in sy kar, beweer vyf jong mans nou. Aan Huisgenoot is selfs ’n boodskap gewys waarin Ferdi oënskynlik gratis rylesse…

REEDS 33 jaar in remissie – dít was die storie wat die omroeper Mark Pilgrim vanjaar vir die wêreld wou vertel. ’n Storie van hoop en oorwinning oor kanker. Op 4 Februarie het hy ’n foto op Instagram geplaas vir Wêreldkankerdag. Daarop was die nommer 33 op sy palm geskryf. Maar die ink was skaars droog toe hy die ontstellende nuus kry: Hy het fase 4- longkanker. “Ek het dit nie verwag nie,” sê Mark toe ons hom in die Hot 102.7-ateljee in Johannesburg ontmoet waar hy ’n oggendprogram aanbied. “Min het ek geweet dit lag vir my, want ek het dit vanselfsprekend toe reeds gehad. Dit is al ’n ruk daar. Ek weet nie presies hoe lank nie, maar ’n hele paar maande.” Mark was 18 jaar oud toe hy gehoor het…

‘BAIE VAN HIERDIE SOORT STORIES OOR SEKS ROER MY HART EERDER AS WAT DIT MY SKOK’ JY KEN mos die ou volksliedjie: Afrikaners is plesierig, dit kan julle glo … hulle hou van partytjies, en dan maak hulle só … Maar wat presies máák hulle? Eers draai die ou vroutjie, hoor ons, en dan draai haar ou man. “En hy vat om haar lyfie, en dan draai hulle saam.” En dié dansery is mos alles lekker betaamlike pret, of hoe? Maar agter die slaapkamerdeur kan die partytjie en, wel, “die dansery” lekker baldadig raak, blyk dit nou uit Showmax se opspraakwekkende nuwe reeks Sex in Afrikaans. Want volgens die reeks hou Afrikaanse mense van allerlei stoute speelgoed en so ’n bietjie siepsop-en-braaiboud. ’n Kafoefelry in die bondel, so reg in die gees van ’n…

DIS ’n skynbaar eindelose rivier van lyding en ellende wat uit Oekraïne vloei. Gesinne wat in twee geskeur word omdat die mans moet agterbly om te veg terwyl hul vrou en kinders oor die grens vlug; verswakte bejaardes wat gedra moet word – alles om weg te kom van die Russiese missiele en bomme wat geen onderskeid tref tussen militêre teikens, woonhuise, hospitale en skole nie. Terwyl duisende Oekraïners die afgelope tyd in moltreinstasies en ander afgeleë plekke probeer skuil, het meer as 2 miljoen mense reeds teen dag 14 van Wladimir Poetin se wrede oorlog in ysige winterweer na buurlande soos Pole, Roemenië en Moldowa gestroom. Volgens die Verenigde Nasies is dit die vlugtelingkrisis in Europa wat die vinnigste groei sedert die Tweede Wêreldoorlog. Party vlugtelinge se huise en lewens is reeds…