Huisgenoot 28 April 2022

1 ‘MY DOGTER SE SKOONMA, DIE HEKS’ Sy het nog nooit nodig gehad om haar dogters sleg te sê nie, skryf ’n leser. Maar haar een dogter se skoonma kraak haar af en maak haar lewe hel Dit is werklik bitterlik moeilik om so ’n skoonma te hê. Ek weet, want het ook so een gehad. Alhoewel sy nooit ’n vinger na my en my gedrag kon wys nie, het sy dit reggekry om my altyd soos ’n indringer te laat voel. ANEEN Ek was baie lief vir my skoonma. Sy het lang tye by ons gewoon, my leer brei en skons bak. Ek het ’n wonderlike verstandhouding met my een skoondogter, maar my ander skoondogter kan my nie verdra nie. So dis 50/50. HETTIE Dank die Vader ek het nie skoondogters nie. My skoonseuns is…

SIEN jy hom hier voor jou, verklap net mooi niks iets van die verwoede storms wat hy in die laaste weke moes trotseer nie. Daar’s geen tekens van die afgelope tyd se angsnagte nie – nie eens die geringste aanduiding dat hy al weke lank ontroosbaar huil nie Trouens, hier waar die gewilde Glam Guru nou in ’n gemaklike kantoorstoel gaan sit, lyk alles nog nes dit altyd het: Sy kraakwit knopieshemp het nie ’n enkele kreukel in nie, sy donker hare is perfek gestileer, sy vel is vlekkeloos. Maar ’n volmaakte voorkoms kan baie seer versteek. Vra maar vir Hannon Bothma; hy weet tog hoe om ’n voorkoms te timmer tot dit hartseer verbloem – dit was net nog nooit tevore sy eie nie. “Ek wou nie hê mense moes van…

AS JONG ouers moes hulle al saam ’n leeftyd se seer trotseer – die soort seer wat alle ouers vrees – toe hul jongste dogter eers gestremd gelaat en toe oorlede is. En ’n jaar en ’n half ná klein Mienke (3) se dood erken Ryno en Verna Mulder van Benoni hulle het nog nie dié pyn verwerk nie. Maar nou staan hulle reeds voor hul volgende berg: Verna (30) het enkele dae voor Huisgenoot se saktyd die skoktyding gekry dat aggressiewe borskanker by haar gediagnoseer is. Selfs in haar skoktoestand is Verna se grootste bekommernis oor hul twee ander kinders, Leané (8) en Zamoné (6). “Ek wil nie hê hulle moet sonder ’n mamma grootword nie,” sê sy. “Ek dink nie eens aan die behandeling wat ek moet kry nie; aan die operasies…

WANNEER die boere voor die kameras maat soek, is sý die een wat hulle uitvra en bemoedig; sy lag saam vir hul grappies, pink ’n traan wanneer dinge nie uitwerk nie en jubel saam wanneer iemand liefde vind. Maar nou is dit háár beurt om al skitterend te baai in die gloed van liefde, want weg van die kameras is sy die ster van haar eie liefdesverhaal. Vandag stap die maatsoekreeks Boer soek ’n vrou se Kupido, die mooie aanbieder Marciel Hopkins (29), sélf in die paadjie na die kansel af. En ’n mooier agtergrond sou geen bruid kon vra nie. Vanuit die unieke kapel op ’n eilandjie in die Bergrivierdam lyk dit byna asof die Hottentots-Hollandberge laer trek om die La Roche-wynlandgoed buite Franschhoek. Die aantreklike bruidegom, Handré Lourens (31), staan eers…

SELF het sy nog g’n kind of kraai nie, maar in haar hart het Tessa Erasmus genoeg ruimte vir ’n leërskare. Want smiddae om halfvyf, wanneer dié finansiële klerk van Rustenburg se dagtaak verby is, begin sy met haar groot liefdeswerk – om ’n bietjie vreugde in die lewe van minderbevoorregte en weeshuiskinders te bring. Die nood daar buite is groot, en die hulp wat ’n mens kan bied, is so min, vertel Tessa (29) terwyl sy drinkgoed en koek aandra. “Maar elke bietjie wat ’n mens kan doen om ’n glimlag op ’n kind se gesig te sit, maak ’n verskil in daai kind se lewe, al is dit net vir ’n dag of ’n uur.” En dis dié filosofie wat sy met soveel passie en energie uitleef danksy haar organisasie, die…

TOE John Adams en sy twee dogters ’n gesinsfliek saam kyk, het hy nie vrae oor bomaanvalle verwag nie. Maar toe hulle bespreek wat hulle kyk, het hy gesien hoe Helen (12) op YouTube soek na video’s van lugaanvalsirenes. Sy wou weet hoe dit klink as die ergste sou gebeur. “Die vraag by ontbyt vanoggend was: Wat moet ons doen as daar ’n kernaanval is?” sê John, ’n tuisblypa van Surrey in Engeland, wat die ouerskapblog DadBlogUK bedryf. Tydens aandete of die rit skool toe, en in daardie oomblikke net voor die ligte afgeskakel word – wanneer kinders dikwels deel wat hulle regtig pla – moet talle ouers nou vrae beantwoord oor dinge waarmee hulle self worstel. ’n Vriend wat ’n laerskoolonderwyser is, het leerlinge onlangs kalmeer wat paniekbevange daaroor was dat…