Huisgenoot 30 Dec 2021

MENINGS OOR STORIES OP HUISGENOOT.COM 1 ‘EK KRY MY MA JAMMER’ So sê die dogter van Yolande Maritz, die Pretoriase vroedvrou wat deur die Suid-Afrikaanse Verplegingsraad van die rol geskrap is weens wanpraktyke Albei my kinders is in ons huis gebore. Die einste Yolande was my vroedvrou met my jongste seuntjie, nou agt jaar gelede. Ek is jammer as sy ander leed aangedoen het, maar ons het wel ’n goeie ervaring gehad. DIANA Waag dit asseblief om te appelleer. Net vyf sake van baie ander is aangehoor by die Suid-Afrikaanse Verplegingsraad. Ek sal persoonlik sorg dat alle sake aangehoor word, al moet ek dag en nag daar gaan sit tot dit gebeur. JACKY Daar is baie vroedvroue wat droogmaak. Hier by ons is talle mammas wat hul babas verloor het ná ’n dag of twee as gevolg…

SY WAS nog altyd die toonbeeld van stille diplomasie, en nie een vir oordrywing nie. Maar toe koningin Elizabeth destyds die frase “annus horribilis” – oftewel jaar van rampspoed – gebruik het om 1992 te beskryf, het niemand haar verkwalik nie. Dit was immers die jaar waarin ’n brand haar geliefde Windsorkasteel verwoes en die huwelike van nie minder nie as drie van haar kinders verbrokkel het. Maar nou, aan die vooraand van die jaar presies drie dekades ná daardie noodlottige tyd, kyk sy heel moontlik terug na die ellendes van 2021 en voel dít het sowaar haar destydse rampjaar oortref. Want vir Brittanje se monarg het die afgelope 12 maande skok op skok gebring: die dood van haar geliefde eggenoot, prins Philip, ’n egskeiding in die familie, gesondheidsprobleme, familievetes, ’n voortslepende seksskandaal, bewerings…

Die wag was lánk, maar toe die entstof teen die coronavirus eindelik van Mei in Suid-Afrika beskikbaar gestel is, het duisende Suid-Afrikaners aangemeld om hul dubbelskoot Pfizer of enkele Johnson & Johnson-inenting by klinieke, apteke en ander geriewe te kry – eers mense ouer as 60, toe volwassenes en jong mense, en eindelik ook tieners. Gou was mense verdeeld: Daar was dié wat in lang rye op hul beurt gewag en trots op sosiale media gespog het met hul nuwe status as “ingeënt”, en ander wat vasgeskop en geweier het om “die jab” te kry. Die debat tussen die twee kampe het met tye vurig gewoed, met die bekende hartchirurg dr. Susan Vosloo wat oor die kole gehaal is toe sy haar huiwering oor die inenting uitspreek. Teen einde vanjaar – met…

Die beeld van ’n ma wat haar kleuter uit ’n brandende gebou in Durban na vreemdelinge gooi om die kind te probeer red, het ’n simbool van desperaatheid én samewerking te midde van verwoesting geword toe plundertogte in Julie vernietiging in KwaZulu-Natal en Gauteng gesaai het. Minstens 212 mense is dood, honderde ondernemings geplunder en miljarde rande se skade aangerig nadat oudpres. Jacob Zuma by sy huis in Nkandla in hegtenis geneem en kortstondig tronk toe gestuur is weens minagting van die hof ná sy weiering om voor die Zondo-kommissie na staatskaping te verskyn. Wyd is bespiegel van sy ondersteuners het die plundertogte aangehits. Maar dit was ook duidelik dat jare lange frustrasie weens armoede en werkloosheid vir baie die olie op die vuur was, en dat desperaatheid gewone Suid-Afrikaners laat ontspoor…

Maande lank het dit op die Noord-Kaapse dorpie Pofadder gegons oor die moord op die hoteleienaar Leon Brits (41) op 7 Oktober 2020. Eers is Jacques van Vuuren (37), Enrich Williams (34) en Amantle Bareki (24) aangekeer – en kort daarna Leon se vrou, Suretha Brits (31). Jacques het getuig dat Suretha hom R400 000 aangebied het om haar man te vermoor, en hy het in Maart vanjaar 20 jaar tronkstraf gekry. Suretha het aanvanklik skuld ontken, maar het in Oktober skuld beken, waarna sy vir 25 jaar tronk toe gestuur is. In ’n brief uit die tronk skryf sy: “Ek het die grootste fout van my lewe gemaak om die reg in eie hande te neem.” Sy het ook onthul sy het haar man laat vermoor omdat hy haar glo mishandel…

Die Pretoriase dokterspaar Lauren (40) en Graham Dickason het in Augustus na Nieu-Seeland verhuis om ’n nuwe hoofstuk saam met hul dogters, die sesjarige Liane en tweejarige tweeling Maya en Karla, te begin. Maar in September het Graham van sy hospitaalskof teruggekeer en sy dogtertijes dood in hul nuwe huis in Timaru aangetref. Lauren is die volgende dag van die moord op haar kinders aangekla, maar het skuld ontken. In die media is berig hoe moeilik dit vir die gesin moes wees om ná hul aankoms in die land in kwarantyn te bly, en ook bespiegel dat Lauren haar chroniese medikasie teen depressie gestaak het om te kan emigreer. Graham het skaars ’n week ná die sussies se dood gesê hy het reeds sy “lieflike Lauren vergewe” en dat sy ook…