Huisgenoot 31 March 2022

1 NEIL GAAN VAN BART TOT BAARDMAN Is dit Oom Kaspaas? Nee, dis die akteur Neil Sandilands, ook bekend as Bart van 7de Laan. En sy ruie baard aanhangers laat gons Die probleem met so ’n verskriklike baard: Dit laat jou jare ouer en verwaarloos lyk. Ek is mal oor Neil. Het julle hom al hoor sing? Hy is so talentvol! Sny net die baard af, asseblief! LENIE Hy kan dit nie afskeer nie. Sy rol in Netflix se Sweet Tooth vereis dit. En hulle is juis tans besig om aan die vervaardiging van die tweede reeks in Nieu-Seeland te werk. MICHELLE Ek gril my dood as ek so ’n baardman moet soen of selfs net ’n drukkie gee. Gagga! Ek bly maar ver weg van jou, daai goed laat jou nes ’n boemelaar lyk, wat…

VIR die sogenaamdeswaardmoordenaar het die tronkdeure onlangs ná 13 jaar oopgeswaai, maar die raaisel bly onopgelos: Wat het ’n 18-jarige Morné Harmse destyds daartoe gedryf om ’n gruwelmasker oor sy kop te trek en een van sy medeleerders, die 16-jarige Jacques Pretorius, by hul skool in Krugersdorp met ’n swaard dood te kap? Of moet ’n mens liewer vra: Het iemand hom dalk daartoe gedryf? Al wat Harmse (nou 32) ooit wou verklap, is dat “die duiwel” hom aangesê het om daardie dag te moor. Maar volgens nuwe bewerings het Harmse se duiwel dalk ’n naam en gesig gehad: dié van Cecilia Steyn, die veroordeelde baasbrein en manipuleerder agter die sogenaamde Krugersdorpmoordkliek wat tussen hulle 11 mense vermoor het. Rapport het onlangs berig Harmse het na bewering lank voor die moordtog, en nog voor…

DIE nuus het uit die bloute gekom, meer as vyf jaar nadat hy probeer het om sy biologiese ma op te spoor of selfs net ’n foto van haar te sien te kry. “Ek was heeltemal onkant gevang,” sê die voormalige Springbokrugbyspeler Jacques Potgieter oor die oproep wat hy op Woensdag 9 Maart van ’n maatskaplike werker gekry het – die langverwagte oproep met die boodskap dat sy biologiese ma hom graag wil ontmoet. “Ek het op die bank gaan sit en daar het so baie dinge deur my kop gegaan. Ek het nie geweet wat om te doen of wat om te sê nie,” vertel hy vandag vanuit Pretoria. Jacques (35) het van kleins af geweet Ulrich en Antoinette Potgieter is sy aanneemouers, en gewonder wie se bloed deur sy are vloei…

TRAUMA is ’n daaglikse metgesel in die waaksaal van die besige privaat hospitaal waar sy werk – des te meer tydens die pandemie. Ondanks die emosionele tol van covid op almal om haar het Riana Hellerle (54), ’n verpleegkundige in Newcastle, Kwa-Zulu-Natal, uiterlik sterk gebly. Maar in haar binneste was sy besig om teen haar eie trauma van vier dekades te veg. Riana was net 11 toe haar gewese stiefpa haar begin molesteer het. Soos haar covidpasiënte fisiek asemnood ervaar, so het Riana haar lewe lank “gevoel asof ek versmoor, want ek kon nie oor my gevoelens praat nie”. Vyf jaar gelede het sy by Newcastle se polisiekantoor ’n strafsaak teen haar molesteerder ingedien. En op 8 Maart vanjaar, met Frik Klaasen voor haar in die beskuldigdebank, kon sy oplaas getuig hoe hy…

MEER as drie dekades gelede moes hul romanse ’n digbewaarde geheim bly, nes die liefdesbriewe wat sy deur die jare gehou en diep weggebêre het. Maar vandag kan Lynette Francis-Puren haar hart letterlik op haar mou dra, want aanhalings uit daardie einste briewe is in ougoud op haar trourok van naaswit satyn gedruk. Die bekende joernalis, omroeper en TV-aanbieder straal in die skepping wat die storie van haar en Ashley Puren se eens verbode liefde vertel toe sy haar bruidegom op die maat van vioolklanke tegemoetstap. Hy wag haar in onder ’n Joodse chuppah buite die Suikerbossierestaurant met sy prentjiemooi uitsig oor Houtbaai. Dit is die tweede keer dat Lynette (52) en Ashley (51) ewige trou aan mekaar beloof, want presies twee jaar gelede – op 20 Maart 2020 – is hulle in…

LAAT op ’n Donderdagoggend kom ’n groot motorfiets sta-dig in ’n stil straatjie van ’n Randburgse woonbuurt na-der gery. Die gespierde bestuurder van die motorfiets – ’n Honda CRF 1000 Africa Twin – dra ’n moulose T-hemp en jeans. Sy passasier het ’n noupassende leerbroek en swart baadjie aan. Haar lang rooiblonde hare wat onder haar valhelm uitloer, waai vro-lik in die wind. Hulle draai by ’n oprit in en hou voor hul wit dubbelverdiepinghuis stil, die toonbeeld van ’n kothuis op die Engelse platteland. Die valhelms word afgehaal en die paartjie kom met breë glimlagte nader gestap om te groet. Dis Werner en Marijke Coetser, die getroude akteurspaar wat saam in Getroud met rugby verskyn en wie se ware liefdes-verhaal op die stel van dié reeks begin het. Hulle het vanoggend gou by…