Huisgenoot 6 Jan 2022

1 ‘WIE IS MY SKENKERPA?’ Ná ’n siekte brand Esmeralda Swart, ’n jong Kaapse vrou, om meer te weet oor die anonieme spermskenker met wie se hulp sy in die lewe gebring is Die mans kies mos om juis anonieme skenkers te wees. Ek meen hulle doen dit so omdat hulle nie ná die tyd die emosionele verantwoordelikheid hoef te dra nie. Ek glo nie die man wil opgespoor word nie. LAURIKA Ek ken Esmeralda Swart op ’n persoonlike vlak. Nie net is Esmeralda ’n baie goeie mens nie; sy het werklik ’n mooi en opregte hart. Ek hoop dat sy nou eindelik die antwoorde sal kry waarna sy soek. ANWAR Daar is mos ’n rede waarom hierdie skenkings anoniem gedoen word. En waarom die skenker se identiteit, volgens sy wens, daarna vertroulik gehou word. Hoekom sal…

DIT is skraps voor middernag toe die vrou in die video sleepvoet in die gang afstap. Sy gaan staan mompelend in die kombuis en swaai die yskasdeur oop. Dan kyk sy met slaperige skrefiesoë na dit wat in die yskas is, haal ’n paar goedjies uit, sit dit op die kombuiskas en begin kos maak. Eers maak sy ’n melkskommel met Marmite, dan garneer sy ’n ryskoekie met soppoeier. Aardige kombinasies, inderdaad. ’n Mens sou dink die bekroonde televisiesjef en kosskrywer Errieda du Toit (65) weet presies wat sy in haar eie kombuis doen, maar in die video is sy nie eens bewus van die geregte wat sy aanmekaarslaan nie. Trouens, sy is vas aan die slaap. Want dié vreemde kombinasies, erken Errieda, is die eindproduk van haar nagtelike slaapwandelings wanneer sy geregte maak…

Slaapwandeling is wanneer iemand aktiwiteite in hul slaap doen wat gewoonlik gedoen word wanneer hulle wakker is, sê dr. Alison Bentley, ’n slaapdeskundige verbonde aan die Universiteit van die Witwatersrand. “Die lyer haak vas in ’n soort wakker-slaap-sone waar die brein kenmerke van slaap en bewustelikheid erken, maar nie weet of hy wakker is of slaap nie. Mense wat slaapwandel, is nog aan die slaap en kan daarom glad nie die gebeurtenis die volgende oggend onthou nie,” sê sy. “Daar is slaapwandelaars wat in die bed sit en hare borsel en selfs dié wat motors bestuur,” sê Alison. Sy voeg by “dokters sal dit net behandel as daar ’n risiko is dat die persoon hulself kan beseer of as daar simptome van ’n ander slaapsteuring is”. Stres kan ook ’n rol speel en dit…

NETJIES uitgevat in ’n pak klere, met ’n sneeuwit hemp en sy das net reg geknoop, so gepoleer soos kan kom voor die kamera – so ken ons mos die aanbieder Ivor Price. Maar dis ’n heel ander Ivor wat jy vandag hier in sy ruim woonhuis in die Paarl sien. Daardie bekende glimlag is selfs groter as ooit, want in sy arms hou hy ’n blinkoogbaba vas. Ontmoet die nuwe Ivor – Ivor, die Trotse Pa. “Dis nou ons tweede maand saam, en dis wonderlik tot dusver. Hy het my lewe kom verander,” vertel Ivor oor sy vyf maande oue seuntjie, wie se naam hy uit die media wil hou. Hy droom al jare daaroor om ’n kind aan te neem, vertel die gesoute joernalis en televisie-en radio-aanbieder, maar sy beroepslewe…

OP HUL troudag het sy vol drome langs haar bruidegom voor die kansel gestaan – opgewonde oor hul wittebrood en ’n blink toekoms saam waarin hulle hopelik ook die vreugde van ouerskap sou ervaar. Daardie dag, byna twee jaar gelede, sou sy haar dit nie in haar ergste nagmerrie kon indink dat sy net ’n paar weke later in ’n ginekoloog se spreekkamer sou sit ná ’n wittebrood vol pyn, trane, angs en frustrasie nie. “Ek was ’n maagd, en toe ons dit op ons wittebrood beproef het, was dit verskriklik seer,” verduidelik Petro (’n skuilnaam) oor die besef dat seks haar nie beskore was nie. “Ek het gehuil en was die hele tyd angstig,” vertel sy oor die mislukte pogings van die eerste aand van haar wittebrood en daarna. Die doktersbesoek het…

Vir die behandeling van vaginisme is dit die beste om verskillende terapeutiese opsies te kombineer, sê die Kaapstadse ginekoloog Marlena du Toit. ’n Chirurgiese prosedure, die Fenton-herstel, kan uitgevoer word om oorblyfsels van die maagdevlies te verwyder wat ongemak veroorsaak en die grootte van die ingang van die vagina reg te stel, maar dit is selde nodig. Dis een ding om die vaginale opening fisiek groter en oop te kry, maar ’n heel ander proses om die aangeleerde angs en vrees vir penetrasie te hanteer. Daarom maak kognitiewe gedragsterapie dikwels deel van die behandeling uit. Van die ander opsies benewens fisioterapie en die gebruik van dilators om die vagina geleidelik te rek, is verdowingsroom en rome wat onder meer estrogeen bevat. Botox kan by die bekkenvloerspiere ingespuit word om dit 12 maande te…