Huisgenoot 11 Nov 2021

1 GLANSPAARTJIE WEER LIEFIES NÁ DRAMA Dit het gebrom oor bewerings dat die rugbyspeler Jacques Potgieter rondloer, maar in aanlyn plasings lyk hy en sy vrou, Angelique, weer smoorverlief Maak nie saak wat nie: Hulle het besluit om hul huwelik te laat werk. Deesdae is dit te maklik om net aantebeweeg. Huwelike is harde werk; dis nie net vir opgee as dinge moeilik raak nie. CORNÉ Wat my pla, en ek praat nie van dié twee nie: Baie mense probeer so ’n front voorhou dat hulle gelukkig is, maar dan bars die borrel. Ons ken die lewe; dis nie elke dag maanskyn en rose nie. ANSIE Ek het dit mos so geroep! Daardie Instagram-“hack” en al sy foto’s wat so skielik verwyder is van al haar profiele af … Girl! Maar dankie tog. Eindelik iets anders…

DIE plantasiewerker kan sy oë nie glo nie. In die modderige suikerrietland, verskuil tussen die groen plante wat soos ’n ondeurdringbare muur die lug in stu, is ’n verlate wit motor wat eerder in ’n voorstedelike oprit hoort. Dan sien hy die man wat skynbaar leweloos agter die stuur sit-lê. Of het hy so pas effentjies beweeg? Die werker haas hom na die plantasiebestuurder. En toe dié by die motor inkyk, bel hy onmiddellik die sekuriteitsdiens. Dis vier dae nadat Werner de Jager (43) spoorloos verdwyn het uit die pastoriehuis in Amanzimtoti waar sy dominee-vrou, Liezel (38), 10 dae tevore in raaiselagtige omstandighede vermoor is. Die land het gegons nadat Werner se skoonpa, Henk van Zyl, hom by die polisie as vermis aangemeld het, maar hier is hy nou … Saam met die paramedici…

SY HET al weke lank ernstig siek in die hospitaal gelê toe die saal se matrone een middag vir haar kom sê die endokrinoloog wat haar behandel, wil haar in sy spreekkamer sien. “Ek was baie siek en ek het nog gevra of ’n portier my kan vat, maar ek is aangesê om met my lêer na hom toe te loop,” onthou Petro* oor daardie Saterdag in November 2019. “Ek het geweet hier kom dit nou en het in ’n koue sweet uitgeslaan.” Maar dit was nie uit vrees vir wat die dokter moontlik vir haar oor haar siektetoestand sou sê nie – eerder weens die vrees vir sy dwalende hande. Petro, ’n ouma in haar vroeë 50’s van Gqeberha, is een van vier vroue wat vroeër vanjaar voor die Raad vir Gesondheidsberoepe (RGB)…

DIE coronaviruskrisis, met al die onsekerheid wat dit wêreldwyd meegebring het, was ook maak of breek vir verhoudings. Terwyl die liefde tussen sommige paartjies nog meer geblom het, het die krake in ander se verhoudings ál duideliker geblyk. Geen wonder die egskeidingsyfer het skielik die hoogte ingeskiet nie. Tog was daar pare wat tydens die inperking meer gehaltetyd as ooit tevore saam kon deurbring of nog hegter daardeur saamgesnoer is. En ander wat selfs in dié tyd van onsekerheid liefde gevind of ’n nuwe maat werklik leer ken het. Huisgenoot het met ’n paar bekende pare gepraat wie se liefde sterk staan ondanks die storms wat ons in die afgelope maande moes trotseer. Hier vertel hulle hoe hulle die liefde en hul maat opnuut leer waardeer het, van die nuwe perspektief wat hulle op…

TUSSEN die eeue oue olien houtbome aan die hange van Naval Hill in Bloemfontein pronk ’n statige, roomkleurige dubbelverdiepinghuis, ’n herehuis geskik vir koninklikes. Dis ’n huis waar bekendes in vorige jare gereeld saamgekuier het en meer as 100 gaste op ’n slag op uithangmakieties onder ’n plafon vol spieëls onthaal kon word. ’n Sjef en vier huiswerkers het al hier gereed gestaan, en gaste soos oudpress. PW Botha en Nelson Mandela, kabinetslede en buitelandse sakelui is al hier ontvang. Rolprentsterre – plaaslik én internasionaal – en ander hooggeplaastes het ook al hier aangedoen. Op die erf van Eden, soos die huis bekend is, was duur sportmotors en selfs ’n privaat vliegtuig nie onvanpas nie. Maar vandag is dinge stiller hier by die huis van die sakemagnaat en rolprentvervaardiger Boet Troskie. Hy woon steeds…

HY WAS dalk ’n ram en sy ’n Rus, maar hul verhaal het anders ontvou as die een wat nou op televisie uitspeel. Want anders as die manne in VIA se nuwe maatsoekreeks, Ram vir ’n Rus, wat hoop om liefde by ’n Russiese vrou te vind, was Dawie Roodt glad nie op soek na ’n vrou toe hy in 2004 Rusland toe vertrek het nie. Maar toe hy “hierdie pop met die oë” op die Paleisplein in Sint Petersburg sien, was dit liefde met die eerste oogopslag, vertel die bekende Suid-Afrikaanse ekonoom en Ontbytsake-aanbieder oor sy Russiese vrou, Marina. Nou, 17 jaar en twee kinders later, sit sy langs hom in hul weelderige woning in die ooste van Pretoria en haar oë is net so helderblou soos die bloes wat sy aanhet. Dit…