Huisgenoot 02 Dec 2021

1 ‘SA SAL ALTYD IN MY HART WEES’ Ná ’n lang besoek aan haar geboorteland is die voormalige Suid-Afrikaanse swemmer prinses Charlene van Monaco terug na haar paleislewe Tot weersiens, Charlene. Alles van die beste vir jou, jou man, Albert, en jul lieflike kroos. In ons harte sal jy altyd ons Suid-Afrikaanse prinses wees, al is jy daar ver in die vreemde. Ons is so trots op jou. DELENE Daar is mos geen beter plek op aarde as jou eie huis nie. En natuurlik is jou huis ook waar jou hart is, en dit is in Monaco by jou pragtige kinders en jou man. Mag God jou seën. SELMA Ek is so bly dat Suid-Afrika nog steeds vir jou ’n bekoring inhou. Ons land is beslis die mooiste in die wêreld. Vergeet tog van die politiek…

‘HY HET IN STILTE GEVEG, ’N GROOT GEVEG, MAAR HY HET NIE VERLOOR NIE’ SOOS tyd, so vlieg als verby, het Theuns Jordaan in sy treffer “Soos bloed” gesing. Maar nou het die lewe self vir die sanger met die borselkop, helderblou oë en fier postuur verbygevlieg. Op Woensdagoggend 17 November het sy rasperstem stil geword toe hy sy stryd teen leukemie verloor het. Hy is in sy slaap in sy huis in Pretoria oorlede. Sy dood op 50-jarige ouderdom het as ’n groot skok gekom, want baie Suid-Afrikaners was onder die indruk dat hy op die herstelpad was sedert ’n suksesvolle beenmurgoorplanting in Maart vanjaar. Tipies Theuns het hy sy kankerstryd in privaatheid gestry. In die dae voor sy dood het hy wel aan ’n hegte vriendin, Jacomien de Villiers, van die platemaatskappy…

Theuns se suster, Linda Jordaan, pen haar herinneringe neer: Hy het nooit vergeet waar sy wortels lê nie; dat hy ’n plaaskind was nie. Hy was geweldig privaat, maar agter die privaatheid was iemand wat skaam en dalk ook onseker was. Maar so skaam as wat hy was, so vrygewig en joviaal was hy tussen mense vir wie hy lief was. Hy het byvoorbeeld vir my seun, David, wat eersdaags sy raadseksamen skryf om as geoktrooieerde rekenmeester te kwalifiseer, alles van besigheid geleer. Theuns was vrygewig met sy tyd en sy geld. Ek onthou ’n dag in Oos-Londen waar ons gaan eet het en hy ’n bord kos vir ’n bedelaar buite die deur gekoop het. Hoe hy geld gegee het vir diereorganisasies, en niemand het so mooi na sy werknemers gekyk soos Theuns…

Die joernalis en skrywer Ilza Roggeband was die afgelope 15 jaar Theuns Jordaan se woordvoerder. Hier vertel sy van hul lang pad saam sedert hul eerste ontmoeting in 2000 by Huisgenoot se verhoog by die KKNK. “Bel hierdie ou. Hy het ’n CD gemaak en sing blykbaar goed.” Julia Viljoen, toe assistentredakteur van Huisgenoot, het die stukkie papier met ’n nommer op my lessenaar neergesit. Almal in die kantoor het geweet Huisgenoot gaan in Maart 2000 die eerste keer met ’n verhoog KKNK toe – ’n piepklein verhogie waar sangers af en toe feesgangers sou vermaak. Dit was voor die groot opbloei van Afrikaanse musiek, en om die program vol te maak was ’n uitdaging. Ek het die man gebel. Mooi, diep stem. Ja, het hy gesê, hy gaan KKNK toe. Ons spreek af dat…

IN HAAR tronksel op Upington, waar sy al agt maande verhoorafwagtend is weens die huurmoord op haar man, neem Suretha Brits ’n pen en begin skryf: “Ek het die grootste fout van my lewe gemaak om die reg in my eie hande te neem…” En so begin die aanloop tot ’n dramatiese wending in die Pofadder-moordsaak. Weg van die fel kollig van openbare oordeel bieg die aantreklike brunet (31): Ja, sy hét haar man, die hoteleienaar Leon Brits (41), laat vermoor. Maar dis meer as net ’n skuldbekentenis. Want in haar netjiese, kursiewe handskrif vertel Suretha die verhaal van ’n minderjarige meisie in ’n seksuele verhouding met ’n volwasse en gesiene dorpenaar. Haar bewerings sluit ’n tienerswangerskap en gedwonge aborsie in, gevolg deur ’n huwelik van geweld en doodsdreigemente agter geslote deure. Dít terwyl…

GEEN ouer behoort sy kind se dood te beleef nie, hoor jy mense dikwels sê – jy kom nooit oor die seer nie. En daarvan kan Mike Vosloo getuig, want hy moes al twee keer die verlies van ’n kind deurmaak. In Oktober 2016 was die land geskok oor die dood van sy dogter, Mundolene (16), toe sy op ’n gesinsvakansie op Mauritius deur haar stiefma, Marietjie (toe 33), geklap is. Toe volg die drama van Marietjie se aanhouding en verhoor op aanklag van strafbare manslag op die eiland. Die tragedie het hul huwelik vernietig. In 2018, twee jaar ná Mundolene se dood, gebeur dit weer: Mike se seun, Marnuwico (13), oftewel Kierie soos sy gesin hom genoem het, sterf in ’n ongeluk met sy veldmotorfiets. Die forsgeboude Mike (51) was opnuut verpletterd. Maar…