Huisgenoot 09 Dec 2021

1 OSCAR SKRYF AAN REEVA SE OUERS Die voormalige Paralimpiese atleet, wat vroeër vanjaar vir parool in aanmerking gekom het, het ’n privaat brief aan die Steenkamps geskryf Oscar, ek glo nog steeds in jou. Hou net jou kop hoog. Laat almal daar buite maar gal braak soos hulle wil. Want jy weet, en die Here weet, dat jou saak reg is met Hom. KITTY Oscar, jy het gedoen wat jy gedoen het, en jy sal altyd ’n moordenaar bly. Jy het daardie keuse gemaak, en daarom sal jy vir die res van jou lewe daarmee moet saamleef. QUINTIN Wat met Reeva gebeur het, is verskriklik; ek wens dit niemand toe nie. Vir haar ouers om gesond hier uit te kom, sal hulle moet kom op ’n punt waar hulle hom kan vergewe. CHARLENE Ek dink eerlikwaar Oscar…

‘DIT WAS VIR MY BAIE ERG OM SO TE GROET’ VIR ’n geskokte land was hy een van vier beskuldigdes wat tereggestaan het omdat hulle ’n hawelose man in ’n parkie in Pretoria vermoor het – en dít terwyl hulle nog op hoërskool was. Maar vir sy ma was hy haar seun wat sy ten spyte van sy dade deur dik en dun bygestaan het. Elke dag van Christoff Becker se verhoor, wat ná sy 18de verjaardag in 2007 begin het, was die blonde Mariëtte in die hof. Ook toe hy en sy medepligtiges – gedoop die Waterkloof-4 omdat hulle op skool was aan die Hoërskool Waterkloof in Pretoria – veroordeel en gevonnis is. In 2008 het sy hom self na Pretoria se Kgosi Mampuru-gevangenis geneem om sy 12 jaar tronkstraf te begin uitdien…

DIE man voor jou lyk byna soos ’n ou vriend, want wie ken dan nou nie vir David Vlok nie? Eers was hy bekend as Egoli se sluwe Tim Vorster, en meer onlangs as Gideon Bekker, die streng pa en gesinsman van Getroud met rugby. Agter die skerms geniet die akteur sekerlik die vrugte van sukses en roem, dink jy. Maar nee, die werklikheid is soms drasties anders as wat dit hom voordoen. Want die ware David (58) – die een wat nie net bekend lyk nie, maar ook vandag sy binnelewe deel – voel gebroke. Die onderhoud hier in Randburg is duidelik vir hom moeilik. Telkens skiet sy oë vol trane. Maar hy byt op sy lip, haal diep asem en praat openhartig verder oor die afdraande pad wat sy lewe gevolg…

JARE lank het hy sy dogter afgerig, haar aangemoedig waar sy heen en weer in die skoolswembad in Benoni geswem het – tot sy eindelik op die Olimpiese Spele uitgeblink het. Mike Wittstock het nog altyd geglo sy dogter beskik oor dit wat nodig is om sukses te behaal en uitdagings te oorkom – en hy glo dit steeds. “My dogter het altyd 20 km per dag geswem,” sê Mike (75) vanuit die gesinshuis aan die Gautengse Oos-Rand. “Op grond van hoe sy altyd geoefen het, weet ek sy is taai en dat sy hierdeur sal kom – en nog sterker sal wees as dit alles verby is.” Toe hul enigste dogter, prinses Charlene van Monaco, onlangs in Suid-Afrika was, was Mike en sy vrou, Lynette (74), bekommerd oor haar, maar tog huiwerig om…

OP DIE oog af is hulle ’n glanspaartjie wat alles het wat hul harte kan begeer. Die aanbieder Alvin Bruinders is een van die bekendste gesigte op die kassie en sy vrou, Anrika, het al self naam gemaak as sangeres. Daarby het hulle ook in die sakewêreld sukses behaal en hul huis in Quellerina, Johannesburg, kunstig omskep in ’n sprokieswêreld vir hulle en hul seuntjie, Avrick (5). Maar vandag maak Anrika (37) die eerste keer hart oop oor hul jare lange stryd teen onvrugbaarheid nadat sy onlangs ook op sosiale media die sluier daaroor gelig het. “Elke huis het sy kruis,” sê die vrou met die pienk hare. Jare lank het sy en Alvin (47) hul kruis in stilte gedra terwyl hul pogings om met behulp van in vitro-bevrugting (IVF) swanger te raak…

‘DIE GROOT VRAAG HIER IS: HET ANGELO DIE FLUITJIE GEBLAAS, OF HET HY NET SY EIE GAT PROBEER RED?’ STADIG kom hy met sy loopraam aangeskuifel. So ver hy loop, sleep die lang suurstofpypie aan sy neus agter hom aan, oor die wit teëlvloer van die ruim leefarea, na waar dit êrens dieper in die dubbelverdiepinghuis aan ’n suurstoftenk gekoppel is. Jy kan beswaarlik glo dit is die voormalige operasionele hoof van Bosasa wat hier voor jou staan – die flambojante Angelo Agrizzi, bekend om sy voorliefde vir Ferrari’s en sy villa op die Italiaanse platteland, en berug weens sy rol in die nes van korrupsie binne die nou insolvente diensverskaffingsmaatskappy van Krugersdorp. In getuienis voor die Zondo-kommissie van ondersoek oor staatskaping het ’n voormalige Bosasa-werknemer Angelo as gierig, ’n narsis en ’n…