Huisgenoot 23 Dec 2021

1 MOOI, MOOIER, MINKI! Van die eerste dag dat ons Minki van der Westhuizen leer ken het, het sy ons asem weggeslaan. Vandag lyk dié ma van drie nog net so beeldskoon. Minki is voorwaar ’n baie mooi mens – en dit van buite en ook van binne. Sy is waarlik besonders. Ek is absoluut mal oor haar. Sy is so ’n regte, egte mense-mens as wat jy maar sal kan hoop om te kry. DEBORA Ek het al die voorreg gehad om haar te ontmoet, al was dit dan ook danksy my beroep. Wat ’n beeld van ’n mens. Haar ma is net so mooi. En haar dogtertjies is ook ewe pragtig. Mooi bly mos maar mooi. LOUWTJIE Minki is beeldskoon op haar eie, natuurlike en onopgesmukte manier. Sy het eintlik glad nie baie grimering…

IN HUL huis in Centurion is vanjaar weer geen Kersboom, gekleurde liggies of versierings nie, maar aan die gees van die feestyd ontbreek dit nie. Dit is ’n tyd van dankbaarheid, liefde, vrede en vreugde hier waar Pieter van der Westhuizen en sy vrou, Antoinette, terugkyk op hul eerste jaar as getroudes – en dít ondanks die swaarkry toe hulle in 2018 en 2019 van kospakkies afhanklik was. Daarby het ’n rits gesondheidsprobleme Antoinette in die hospitaal laat beland en agtervolg die skadu van moontlike vervolging Pieter steeds ná die opspraakwekkende voorval verlede jaar toe gewapende rowers tydens ’n kerkdiens toegeslaan en hy twee van hulle tydens ’n skietery noodlottig gewond het. Maar al moes die egpaar in 2021 ’n hele paar sakke sout saam opeet, sê albei die seëninge het die slegte…

JARE lank was die feestyd altyd ’n spesiale tyd van die jaar vir haar – die mooi, gelukkige dae ná die bedrywige jaar. Sandi Schultz en haar man, Laszlo Bene, sou in hul kar klim en ver weg van die Goudstad se gedreun ry. Hulle sou na die natuurskoon van die Magaliesberge vlug, waar hulle hand aan hand onder die Hoëveldse somerson sou uitspan. Dan het hulle saam met vriende feesgevier, aangesit vir heerlike etes en ’n glas wyn geskink vir ’n heildronk op die ou en die nuwe jaar. Dit was tradisie; altyd iets om na uit te sien. Maar vir haar sal hierdie Kersfees anders wees, vertel die aktrise. En dié keer is sy voorbereid op die gemengde gevoelens wat die feestyd kan bring. Dit is die tweede Kersfees wat Sandi (57)…

DIS Kersfees! Daardie spesiale tyd wanneer jy die jaar se dinge agter jou kan sit en saam met jou geliefdes die lewe se mooi kan vier. Dis ’n tyd van die jaar wanneer ons opnuut onthou samesyn is die grootste geskenk en met dankbaarheid ons seëninge tel. Dis wanneer nuwe herinneringe geskep word – en gekoesterde oomblikke weer gevier word. Huisgenoot het ’n paar bekendes gevra: Wat is jou mooiste Kersfeesherinneringe – die spesiaalste feestyd wat jy al beleef het? Hier deel hulle uiteenlopende herinneringe aan daardie Kersfees wat hulle nooit sal vergeet nie en die eiesoortige maniere waarop hulle die groot dag vier. HANNON BOTHMA – SKOONHEID-EN MODEGHOEROE In ons familie is ek dikwels gekies om Kersvader te wees. Ons het ’n kostuum kompleet met ’n hoed en baard wat nog altyd deel…

HOU jy stil in die oprit van die glanspaar se Hoëveldse meenthuis, hoor jy sommer met die uitklimslag die vrolike Kersliedere wat deur die kompleks weerklink. Jingle bells, jingle bells, jingle all the way, speel die musiek ál harder nes jy deur die tuinhekkie loop en aan die voordeur klop. Daar is geen twyfel nie: Dis Kersfees by die akteur Reynardt Hugo en sy vrou, An-Maré, se huis in Randburg. In die sitkamer skitter liggies aan ’n Kersboom, op die keurig versierde tafel staan ’n Griekse Kerskoek en soet lekkernye, en oral brand kerse. “Dis ons eerste Kersfees tuis,” vertel An-Maré, of Anna soos Reynardt haar liefdevol noem, en wys na die Kersboom vol blink balle. Reynardt, bekend as dr. Tertius Jonker van Binnelanders, val in: “En daarby saam is dit ons eerste Kersfees…

HY KOM van ’n plek naby die Noordpool, het ’n lang wit baard en dra ’n rooi pak – maar dis eintlik waar die ooreenkomste met die regte Kersvader ophou. Daar is niks wild en wollerig omtrent die ou se baard en hare nie, sy pak is gemaak van duur ontwerpersfluweel, en ’n boepie is nie deel van sý mondering nie. Hy spog trouens met die gebeitelde gelaatstrekke van ’n Griekse god en het ’n smeulende kyk wat die koudste hart sal laat smelt. Ontmoet Fashion Santa, ’n man wat goeie dade, aantrekkingskrag en ’n stout humorsin alles in een witwarm pakket omvat. Die man in die pak is Paul Mason (57), ’n voormalige internasionale model wat die wêreld aan ’n nuwe soort Kersvader bekendgestel het nadat hy ’n ooreenkoms met ’n inkopiesentrum…