ZINIO logo
EXPLOREMY LIBRARY
Landbou Boerekos

Landbou Boerekos

Winter 2021

Landbou Boerekos is ‘n kostydskrif wat jou beste vriend in die kombuis gaan word. Tussen die blaaie van ons eerste uitgawe kry jy alles wat jy nodig het vir ‘n bobaas-braai, en die lekkerste padkosstories en resepte vir aandete. Ons gesels ook met ‘n paar boere oor hul bedrywe en produkte - van lietsjies tot Karoolam

Read More
Country:
South Africa
Language:
Afrikaans
Publisher:
Media 24 Ltd
Frequency:
Biannually
R 47

in this issue

3 min
die geurvan menswees

Al duisende jare lank is die unieke geure van speserye só gesog dat smouse en handelaars hul lewe sou waag om die veeleisende landreis vanaf Europa met pakdiere na die Ooste aan te durf. Oor vlaktes, berge en woestyne, en dan weer al die pad terug. Net omdat die wonderlike eienskappe van speserye so hoog geag is. Daar word beweer die mens se fassinasie met speserye het aanvanklik met die antieke Egiptenare begin. Hul behoefte aan speserye om hul afgestorwenes te mummifiseer, is blykbaar die vonk wat die vraag na speserye in die vroeë beskawings van die Midde-Ooste laat vlamvat het. Só lees ’n mens in die Bybel van Josef wat deur sy broers aan speseryhandelaars op pad Egipte toe verkoop is, en teen die tyd dat koning Salomo sy Hooglied geskryf…

4 min
só sê ons lesers

WENBRIEF Anne-Marie Paton van Bloemhof is die wenner van ’n fantastiese geskenkpak van Snappy Chef ter waarde van R1 699. Nou gaan jy eers lekker kook uit jou Boerekos-tydskrifte, Anne-Marie! AANHOUER WEN! Ek sien die advertensie van Boerekos en die splinternuwe Landbou Kind op televisie en ons soektog begin. Nêrens op Bloemhof kry ons die tydskrif nie. Christiana is ook uitverkoop. Nou wat nou? Ons stuur e-posse en hoor daar is digitale eksemplare beskikbaar. Maar ons soek dit nie. Ek wil ’n papiertydskrif in my hande voel en langs my kan neersit – veral as my kleinkind kom kuier. Ek wil die tydskrif vir haar wys en ons moet saam daaruit kook. Gelukkig gaan Buurvrou se dogter Klerksdorp toe en ná dae van sukkel, kry ek my spesiale uitgawe! ’n Tydskrif van papier wat ek…

4 min
die krag van geur

Op ’n warm Februarie-aand vroeër vanjaar kom die tyding wat die lewe soos ek dit geken het, eensklaps verander het. My ma is oorlede. As kind het ek geen groter vrees gehad as om my ouers te verloor nie. En nou, jare later, ten spyte daarvan dat sy baie siek was en ek lankal ’n grootmens is, is die finaliteit en hartseer van die verlies aan iemand so belangrik in my lewe byna verlammend. Die leemte enorm. In die dae ná haar dood dwaal ek. Soveel om te doen en te reël, maar ek kan net nie aan die gang kom nie. Ek blaai deur ons ou fotoalbums, ’n leeftyd se herinneringe vasgeplak op die blaaie. Daar’s ons op Onrus se strand, ek en my jongste broer besig om my ma se…

10 min
die betowering van speserye

Die Bo-Kaap is poskaartmooi met ou Tafelberg wat bo die gebied se kleurryke huisies uittroon toe ons kort voor 09:00 op ’n Dinsdagoggend voor een van die gewildste adresse hier stilhou: Waalstraat nommer 104. Vanuit die smal verdiepinggebou met sy vrolike oranje fasade kom die verleidelikste geure op die lug aangesweef: soet kaneel, aardse komyn, warm peper en iets blommerigs, dalk koljander of waardevolle saffraan. Sedert 2015 is dié gebou, wat meer as 200 jaar oud is, die tuiste van Atlas Trading Company, sonder twyfel die Kaap se bekendste speserywinkel. “Ek hoop nie julle gaan nies nie,” maak Wahab Ahmed (72) verskoning terwyl hy stoele nadersleep in een van die pakkamers waar sakke geurige speserye, al die pad uit Indië, op mekaar gestapel lê. “Mense sê altyd die speserye ruik vir hulle so…

2 min
speserykuns

Om behoorlik met speserye te kook, is ’n kuns wat die Indiërs en Maleiers van een geslag na die volgende aan mekaar oordra. Om dit onder die knie te kry, moet ’n mens iets verstaan van die sowat vyftien geureienskappe waaroor speserye beskik sodat jy met ’n knypie van dit en ’n knypie van dat die regte balans, aroma, smaak, kleur en selfs tekstuur aan jou kos kan verleen. Elke spesery het unieke chemiese samestellings wat die sinne kan betower. Dié profiel sluit in kenmerke soos soet, warm, koel, aards, blomagtig, vrugtig en neutagtig. Maar alle speserye het nie dieselfde funksie in die liggaam nie, verduidelik Wahab Ahmed. Hier is ’n paar van sy gunstelinggebruike: Borrie (ook bekend as curcuma of turmeric) Dit is baie goed vir die vel, daarom word ’n bruid…

5 min
’n lewe met kos

Toe ek my kom kry, was ek drie jaar oud en het ek by my ouma, Hendrika Jegels, in City & Suburban in die middestad van Johannesburg gebly. Dit was ’n kosmopolitiese area, amper soos Distrik 6 in die Kaap. Die Groepsgebiedewet was al in werking gestel, maar dit was nog nie streng toegepas nie. Wit, swart en bruin mense het in vrede langs mekaar gebly. Daar was ’n goeie skool om die draai van my ouma se huis af, en my ouers het besluit ek moes die volgende jaar skool toe gaan. My heel vroegste herinneringe aan kos is dié van my ouma. Kos so lekker, dit het ’n saadjie só diep geplant dat ek vandag steeds my daaglikse brood met die maak van kos verdien. My ouma was die…