Landbouweekblad 03 March 2022

WOESTYNWONDER. Die gemiddelde jaarlikse reënval in die Namibwoestyn is 20 mm reën, en die bekende Sossusvlei kry maar elke vyf tot ses jaar water. Die afgelope somer se onstuimige weerstelsels het vanjaar die Tsauchabrivier, wat dié vlei voed, laat vloei, en die ongewone tonele van damme water tussen die ysteroksiedgekleurde rooi duine het die sosiale media behoorlik laat gons. Normaalweg is daar geen volhoubare wildbevolkings in dié omgewing nie, maar wanneer die water kom, sak watervoëls, gemsbokke, springbokke, volstruise en selfs die jakkalse en hiënas op die vlei toe. Weens swak infrastruktuur en roofdiere is daar nie meer kommersiële boere in dié gebied nie. Die meeste grondeienaars het hul plase in gasteplase omskep. Die naaste plaas aan die Sossusvlei-kant van die Namib Naukluft Nasionale Park waar daar nog volhoubaar geboer…

DAAR is aanduidings dat ’n wêreldwye krisis in die voorsieningsketting teen einde vanjaar stadigaan kan begin verbeter. Tog is die agterstande in handelskanale só groot dat dit tot diep in volgende jaar kan duur voor die bedrywe wat die swaarste getref is, vaagweg soos normaal sake kan doen ‒ mits ’n nuwe kinkel in die covid-19-pandemie nie van voor af chaos saai nie. Mnr. Steve Cahillane, uitvoerende hoof van die kosgroep Kellogg’s, sê ’n geleidelike verligting van die tekorte, bottelnekke en algehele ontwrigting word aan die einde van die jaar verwag. “Tot 2024 sal daar egter nie enige soort herstel van ’n normale omgewing wees nie omdat dit so drasties ontwrig is.” Mnr. Philip Lane, ’n ekonoom van die Europese Sentrale Bank, vergelyk die situasie met die nadraai van die Tweede Wêreldoorlog…

‘As ’n mielie versuip het, kan hy ’n ton kunsmis kry en dit gaan niks help nie.’ MNR. DEDRIK PRETORIUS, landboukundige van Omnia in Noordwes, oor gewasskade. Bl. 14 ‘Watertafelgronde is soos ’n bad waarvan die prop in is.’ MNR. DANIE MINNAAR, voorsitter van die sandgrondontwikkelingskomitee, oor hoe vanjaar se vloede nog tot volgende jaar versuipskade by gesaaides kan veroorsaak. Bl. 24 ‘Dit is die afgelope tien jaar grootliks geïgnoreer.’ MNR. DIRK VAN PAPENDORP, boer by Heidelberg, oor Overberg Water se nakoming van die instandhoudingsplanne wat vir elke waterskema onder sy beheer opgestel is. Bl. 22 ‘Dit is ál hoe jy die toekoms van die bedryf kan verseker en jong mense betrokke kry.’ MNR. HENNIE BOOYSEN, voorsitter van die Suid­Afrikaanse Boerbok-telersvereniging, oor die waarde van die nuwe nasionale ooiskou wat onlangs gehou is. Bl. 19 ‘As ’n mens…

‘DIE HEL IS LOS’ Dít is hoe dr. Gerhard Verdoorn, bedryfsbestuurder van Croplife SA, die jongste uitbrekings van bruinsprinkane in die Noord-Kaap opsom. Hy sê waar die swerms in 2020 hanteerbaar was en dié in 2021 ernstig, lyk dié wat op 26 Januarie begin uitbroei het, skrikwekkend. Omdat die Karoo so yl bevolk is, is daar sommige plase waar niemand weet of daar sprinkane is of nie, of plase was só nat dat boere nie in die veld kon kom om vas te stel of daar sprinkane is nie. Boere en die publiek word versoek om sprinkaanswerms so spoedig moontlik aan te meld by mee. Mulalo Matodzi (083 326 7773), Vuyokazi Mpumlwana (084 760 8176) of dr. Ikalafeng Kgakatsi (072 198 9882); of by die departement van landbou, grondhervorming en landelike…

5,7% Voedselprysinflasie was in Januarie 5,7%, wat 0,9% hoër is as die vorige maand. Olies en vette se prys was 22,9% hoër as ’n jaar tevore. Vleispryse was 8,2% hoër as ’n jaar tevore, en 1,2% hoër as in Desember. Groentepryse was 8,6% hoër as die vorige jaar, en 3,4% hoër as in Desember. Melk, kaas en eiers was 5,2% duurder as ’n jaar tevore. Die verbruikersprysinflasie was 5,7%, wat 0,2% hoër is as in Desember. — Statistieke SA 11,5% ’n Nuwe Britse belasting op ingevoerde wyn tree oor ’n jaar in werking waarvolgens wyne wat meer as 11,5% alkohol bevat, inkrementeel hoër belas sal word. Dit sal veral uitvoerders met warmer klimate, soos Suid-Afrika en Australië, raak, want met meer hitte kom ’n hoër alkoholinhoud. Die waarde van Suid-Afrikaanse wyn wat na…

Ons soek eenvoud. Dit is maar die mens se aard — om die kompleksiteit van die lewe tot eenvoudige, praktiese oplossings te reduseer. Ons doen dit al sedert die dae toe ons nog in grotte gewoon het. Toe het ons leer vuur maak, en só ’n wonderlike en eenvoudige oplossing vir ’n reeks probleme gevind. Skielik kon ons kos gaarmaak, hitte kry, en die rits diere wat ons wou vang, op ’n afstand hou. Daardie drang om oplossings vir die ingewikkeldheid van die lewe te vind, het oor die eeue heen wonderlike resultate gelewer — van diep, roerende kuns wat ’n komplekse emosie netjies kan vasvang, tot ons vermoë om die ingewikkeldhede baas te raak wat ons toelaat om die ruimte te verken. Boere ken die genot wat kom met die vind…