Landbouweekblad 03 November 2022

DIE ANDER SÊ ’N OMSTREDE aspek van die Land Bank se skuldherstrukturering is om die korporatiewe en kommersiële leningsboek te skei van die ontwikkelings-en-transformasieboek. In die proses sal hy ’n groot deel van die inkomste opoffer wat hy uit kommersiële bedrywighede kry. Mnr. David Masondo, adjunkminister van finansies, het aan die staande komitee oor openbare rekeninge gesê die risiko bestaan dat krediteure ’n aansoek kan bring om die bank te laat likwideer ingevolge hooggeregshofreëls in dié verband. “Dié proses kan lei tot ’n ongestruktureerde likwidasie of onordelike afwenteling van die Land Bank.” Die tesourie steun die bank se poging om die Landbankwet (Wet 15 van 2002) te wysig, wat die huidige voorsiening vir geregtelike bestuur met sakeredding onder die Maatskappyewet (Wet 71 van 2008) laat ressorteer. Die voorgestelde veranderinge aan…

TERUG IN DIE TUIG Die Land Bank het op 24 Oktober sy langverwagte gemengde finansieringskema vir opkomende boere bekend gestel, waardeur hy in die komende drie jaar finansiering van R1,95 miljard aan klein- en middelgrootte produsente wil bied wat aan die hoofstroom-landbou-ekonomie en waardeketting deelneem. Met dié skema sal die bank vir die eerste keer weer geld aan nuwe kliënte kan leen, naamlik dié wat aan die skema se kriteria voldoen. ’n Gedeelte van die finansiering sal ’n nieterugbetaalbare staatstoekenning aan boere wees, en dieselfde hoeveelheid sal deur die bank uitgeleen word. DIESEL MAAK SEER Teen druktyd is verwag dat die prys van diesel vandeesweek met tot R1,60 per liter kan verhoog en dié van petrol met 41-51 sent per liter, volgens die AA. Mnr. Dawie Maree, hoof van inligting…

43% Die Land Bank kon al 43% van sy uitstaande skuld betaal danksy R10 miljard wat aan die bank bewillig is sedert sy eerste skuldwanbetaling in April 2020. Mnr. David Masondo, adjunkminister van finansies, het in die parlement gesê hiervan is R3 miljard in 2020 betaal as herkapitalisering, en die oorblywende R7 miljard is beskikbaar vir oorplasing hangende ooreenkomste met finansiers vir skuldherstrukturering. – Moneyweb 15,5 t/ha Amerika se nasionale koringopbrengskompetisie vir 2022 het ’n nuwe rekord van 15,5 t/ha opgelewer. Dit is deur mnr. Rylee Reynolds van Twin Falls in Idaho behaal in die kategorie vir besproeide winterkoring, en is ’n aansienlike verbetering op die vorige rekord van 14,19 t/ha wat in 2019 opgestel is. Veral produsente in die noordweste van die land, aangrensend aan die Stille Oseaan, het…

Anderkant die reënboog Die agterkant van oom Carl van der Merwe se King Air voel skielik veel kleiner as wat dit werklik is, noudat die ligte vliegtuig kwaai begin bokspring in die sterk lugstrome van ’n snikhete somersdag. Die jintelman-stigter van die reuse-AL3-groenteboerdery van Limpopo lyk heel rustig agter die stuur. Vroetel hier, verstel daar. En ek herinner myself dat die oubaas darem ook ’n gesoute spuitvlieënier is. Oorkant my sit dr. Dirk Hermann, hoof van Solidariteit. Hy lyk nie meer so seker van sy saak nie. Langs hom TLU SA se noordelike voorsitter, Henk van de Graaf, se vrou, Alda. Sy kyk strak voor haar uit, haar arms vasgepen teen die sitplek langs haar. Voor, langs oom Carl, sit Henk. Dié, sien ek, geniet homself gate uit. Ons is…

SA BOERE IS DIE SOUT VAN DIE AARDE WENBRIEF Vandag voel ek lus om sommer ál my speelgoed uit die cot te gooi, want ek is woedend vir die regering van ons pragtige land. Ek weet hierdie brief gaan heel moontlik die asdrom haal, maar immers sal ek vrede hê in my gemoed wat oorloop van somberheid. Ek luister gereeld na programme soos Spektrum en Praat Saam. Vandag het die trane behoorlik bollemakiesie oor my wange geslaan van hartseer, woede en nyd. Dit gaan oor die boere van Suid-Afrika. Ek luister hoe ’n boer smeek om hulp. Vir sewe jaar het dit nog nie by hulle gereën nie en tot vandag het hulle nog geen finansiële of enige ander bystand van die staat gekry nie. Hulle is besig om alles…

Mnr. Alfons Visser, boer van Hartswater, besit verwerkingsaanlegte vir verskeie produkte, waaronder grondbone. Hy is besig is om grondboonkultivars in die buiteland te soek wat hoër opbrengste in Suid-Afrika sal lewer. Lees die artikel op bl. 44. VERTEL VAN JOU GESIN. Ek en my vrou, Lisa, het drie kinders. Ons oudste dogter, Melis, het BCom (bemarking) aan die Noordwes-Universiteit (NWU) gestudeer, daarna vir vyf jaar onderwys gegee, en sluit haar volgende jaar by ’n afdeling van die besigheid aan. Nicolize bestuur ons wildplaas en gasteverblyf. Ons seun, Pieta, is ’n finalejaarstudent in ekonomie en risikobestuur aan die NWU en begin volgende jaar by ’n afdeling van die besigheid. Alle familielede wat betrokke raak in die besigheid, moet hulself, met goedkeuring van die bestuur, opwerk in die rangorde. HET JY NÁ…