Landbouweekblad 08 September 2022

OP ’N NAALDPUNT. Daar is vanjaar merkbaar meer kanola-aanplantings in die Durbanville-omgewing as verlede seisoen, en mnr. Willem de Waal, wat gereeld in dié omgewing bergfiets ry, merk op dat daar vanjaar selfs kanola staan op grond waar voorheen wingerde was. Mnr. Koos Blanckenberg, ’n graanboer van dié omgewing, sê daar is vanjaar meer kanola geplant as verlede jaar, en ook nuwe toetreders. Hy sê die Swartland se kanola-stand is maar swak omdat die gebied teen einde Augustus 130 mm minder reën gehad het as die langtermyngemiddelde. Weens min en oneweredige reënval in die ses weke ná planttyd het die plante later as ideaal ontkiem, wat ’n risiko van swakker peule bring omdat die blomtyd dan korter is. Indien die koel weer in September aanhou, is daar egter nog kans…

’N ARTIKEL van die skrywer en aktivis George Monbiot oor hoe skadelik organiese veldvleis vir die omgewing is (sien bit.ly/3AZ52pr), het heelwat kritiek by lesers ontlok. ’n Professor van ’n natuurlike hulpbroninstituut wys daarop dat Monbiot navorsing ignoreer wat bevind het mense in die globale suide sal baat vind by ’n hoër inname van diereproteïen, sowel as die bemestingswaarde van die mis. Verder is groot dele van die globale suide te droog vir gewasboerdery en mense daar het weinig ekonomiese geleenthede bo en behalwe veeboerdery. ’n Jersey-boer skryf indien hy beweiding deur sy kudde sou stopsit, sou die wei- en grasvelde deur adelaarsvarings en braambosse oorgeneem word, wat sal lei tot laer biodiversiteit, omdat grasvelde en woude verskillende soorte ekostelsels het. Hy wys daarop dat dieselfde studie wat Monbiot aanhaal…

‘Ons het ’n keuse: Ons hanteer die terugslag van ’n verbod van 21 dae en ons gaan voort met ons boerderye, of ons doen niks nie en die bedryf is in sy kanon in.’ MNR. WILLIE CLACK, produsenteverteenwoordiger op die landbouprodukte-agenteraad, oor stappe om bek-en-klouseer te beperk. Bl. 15 ‘Ons is bykans op die punt waar ons 24 uur per dag elke dag vir die hele jaar aan die Ceres-, Hex- en Breëriviervallei kan krag voorsien.’ MNR. RIAAN SWIEGERS, ingenieur betrokke by die Gydo Solar & Pump Storage, oor dié streeksgebaseerde elektrisiteitsprojek. Bl. 16 ‘Die kans dat reën gaan voorkom wat damvlakke gaan aanvul, word egter ál hoe kleiner.’ MNR. JOHAN VAN DEN BERG, landbouweerkundige, oor damme in die winterreëngebiede. Bl. 18 ‘Dit is geen geheim nie dat die bank…

VOORKOMEND Die regering van Botswana het op 24 Augustus ’n verbod geplaas op die verskuiwing van alle diere met gesplete hoewe en alle permitte vir die vervoer van sulke diere opgehef. Dit volg op ’n vermoedelike en toe nog onbevestigde geval van bek-enklouseer in ’n siektebeheersone in die noorde van die land. Die uitvoer van diere met gesplete hoewe, beesvleis, vars vleis en rou diereprodukte is ook opgeskort om die owerhede tyd te gee om die vermoedelike geval behoorlik te ondersoek. Daar is op 29 Augustus bevestig dit was inderdaad bek-en-klouseer. SUKSES Die appel- en peerbedryf het ’n slag geslaan met Indië se goedkeuring van onderwegkouebehandeling van Suid-Afrikaanse appels en pere wat daarheen verskeep word. “Die verandering in die proses laat verskepers toe om die lengte van die seisoen te…

36,2% Die verbruikersprysinflasie (VPI) van olies en vette was in Julie 36,2% vergeleke met ’n jaar tevore. Die VPI vir voedsel alleen was 10,1%, en dié van voedsel en nie-alkoholiese drankies 9,7%. Ander prysstygings wat hoër was as die VPI (7,8%), was brood en grane (13,7%), verwerkte voedsel (12,9%), vleis (9,4%) en vis (9,7%). Die VPI vir vrugte was -1,4%, vir melk, eiers en kaas 5,5% en vir onverwerkte voedsel 7,5%. — Statistieke SA 124 Daar was van Mei tot einde Julie 124 slagoffers in 81 plaas-aanvalle, sê mnr. Raymond Hohls, waarnemende hoof van gemeenskapsveiligheid by Afri-Forum. Van dié 124 is 15 vermoor, en daar was 48 pogings tot moord. Daar was minstens 218 aanvallers betrokke, waarvan slegs 18 aangekeer is. Van die aanvallers was 142 (65%) te voet toe…

Anderkant die reënboog Dit is maar ’n aardige storie. Die geheim agter die wêreld se duurste koffie – bone wat jou hier in die omgewing van R22 000/kg uit die sak kan jaag. Die rede vir dié duur drankie? Die onlasting van die klein Asiatiese palmsivetkat! Op die string Indonesiese eilande waar die koffie verbou word, is die sivetkat aanvanklik as ’n plaag beskou, juis vanweë sy voorliefde vir die sagste, beste koffiebessies. Tot iemand per toeval die verteerde bessies in die sivet se mis bymekaar gemaak en dit as koffiebone verwerk het. Tot almal se verbasing was dit toe ’n heel skaflike brousel. Die sivetkatte se betrokkenheid verbeter die koffie op twee merkwaardige maniere. Hulle selekteer eerstens net die heel beste koffiebessies, en dan, wanneer die bessies deur hul…