Landbouweekblad 10 February 2022

IN AANVRAAG. Die vraag na spuitvliegtuie het die afgelope weke die hoogte ingeskiet ná swaar reën landerye onbegaanbaar gemaak het, en die groot waters chemiese ingryping noodsaak weens die uitloging van voedingstowwe in die grond en die risiko van swamsiektes. Hier vlieg mnr. Lardus Erasmus van Sandriver Crop Protection oor die landerye van ’n plaas naby Setlagole in Noordwes. Hoewel hy landwyd spuit, is die aanvraag veral nou groot in Noordwes en die Vrystaat. Erasmus sê hulle bespuit veral mielielande, sonneblom en ook grondboontjies, en hier en daar sojabone. Sien ook die artikel op bl. 14.…

DIE onsekerheid wat Rusland se dreigende inval van die Oekraïne vir Europa se energiesekerheid meebring, kan ’n teken wees van die onstabiliteit wat die wêreld se oorgang na volhoubare energie kan meebring, omdat dit petrostaat-leiers soos Vladimir Poetin, die Russiese president, tydelik kan bemagtig voor hul mag begin taan. Rusland voorsien in 40% van Europa se aardgasbehoeftes. Namate genoteerde Westerse olie- en gasmaatskappye, soos Shell, Chevron, Exxon, BP en Total, hul produksie verminder onder druk van aktiviste en finansiers, sal staatsbeheerde fossielbrandstofmaatskappye in lande met die meeste reserwes, al meer van dié aandeel in produksie opneem, tensy die wêreldwye energievraag dienooreenkomstig met verlaagde produksie afneem. Die Westerse multinasionale fossielbrandstofmaatskappye produseer reeds net 15% van die wêreld se olie en gas, en sommige is van plan om hul produksie te verlaag. Dit…

‘Net omdat China iets gedoen het, beteken nie ons moet dieselfde doen nie.’ MNR. REGGIE NGCOBO, woordvoerder van die departement van landbou, grondhervorming en landelike ontwikkeling, oor die staat se versuim om af te sien van streng regulering van genoomredigering. Bl. 15 ‘Dit is nie ’n opsie om op die ou trant aan te gaan nie.’ DIE NASIONALE DIEREGESONDHEIDSFORUM, oor die voortslepende entstof- en biosekerheidskrisis in die veebedryf. Bl. 20 ‘Dit is kommerwekkend dat die reaksie van munisipaliteite en ander staatsdepartemente meestal swak was.’ ME. SANDY LA MARQUE, uitvoerende hoof van Kwanalu, oor gebrekkige hulp ná ernstige landbou-vloedskade in KwaZulu­Natal. Bl. 17 ‘Jy kan met min geld baie mense help as jy skaapboerdery in die Karoo ondersteun.’ MNR. GERRIT VAN VUUREN, adviseur van SA PALS, oor die potensiaal vir gemengde finansiering in dié sektor. Bl. 19 ‘Hierdie versouting…

HOOGWATER Die vloedwaters in die Benede-Oranjerivier het boorde en wingerde in laaggeleë dele langs die rivier oorstroom. Hier staan pekanneutbome van mnr. Wilco Fourie, voorsitter van die Oranjerivier-landbou-unie, onder water. Hoewel die hoogtepunt van die vloede in die laaste week van Januarie bereik is, was daar teen druktyd kommer dat neerslae vanweë die tropiese storm Ana se ongewone koers oor die binneland opnuut die watervlak sou kon laat styg. Mnr. Nicol Jansen, voorsitter van Agri Noord-Kaap, sê dit was onseker of die rivier se vloedwalle die massas water kon keer. Jansen sê in die noordelike dele van die provinsie, waar verwoestende brande vroeër die veld verswelg het, het die goeie reënseisoen die gras laat gedy. FOTO: WILCO FOURIE OORLOGSWOLKE ’n Dreigende Russiese inval van die Oekraïne kan die wêreldkoringmark in chaos dompel, berig…

4% Pruimuitvoer sal na verwagting met 4% groei tot 15,8 miljoen kartonhouers (5,25 kg). Uitvoervolumes na Brittanje is tans laer as verlede jaar, en die produsenteliggaam Hortgro hoop om dié agterstand uit te wis deur bemarkingsveldtogte en promosies by kleinhandelaars. Na verwagting sal uitvoervolumes van nektariens met 23% toeneem tot 8 miljoen kartonhouers (2,5 kg) en perskes met 2% tot 2,4 miljoen (ook 2,5 kg). — Michelle van der Spuy 0 Nie een van die 21 Europese steenkoolkragsentrales wat in ’n nuwe studie deur die drukgroep Beyond Coal ondersoek is, gaan betyds hul koolstofvrystellings verminder om teen 2050 by ’n netto vrystellingstatus van nul uit te kom nie. Van dié 21 het 16 onderneem om teen 2050 netto vrystellings van nul te hê, nege het hulle daartoe verbind om steenkool teen 2030 uit te…

D it is ’n titaniese stryd tussen twee van die beste spelers nóg. Wêreldkampioene wat sake uitspook in vanjaar se Australiese ope-manseindstryd. Die vaal, maar wiskundige, geniale Rus Daniil Medvedev en die ouerige Spaanse tennisbul Rafael Nadal. Albei in staat om verbysterende tennis te speel. Die Rus begin goed en wen die eerste twee stelle. Maar Rafa weier om tou op te gooi, en palm die volgende twee stelle in. Dan is Medvedev teen die toue. Rafa slaan af vir die beslissende pot, maar die Rus breek onverwags terug. Suid-Afrikaners voel partykeer só. Dat ons net moet aanhou speel. Aanhou planne maak. Nooit gaan lê nie. Soos nou weer in die Noord-Kaap (lees die berig op bl. 24). Die paaie val uitmekaar en die boere wil met die Suid-Afrikaanse nasionale padagentskap (Sanral) praat…