Landbouweekblad 10 November 2022

DIE ANDER SÊ SUID-AFRIKA moet die voorbeeld van die Duitse regering volg deur sy spoorweg-infrastruktuur te finansier en te moderniseer, het me. Portia Derby, groep- uitvoerende hoof van Transnet, onlangs op die jaarkongres van die Suider-Afrikaanse spoorwegvereniging gesê. Van 2020 tot 2029 sal die Duitse regering nagenoeg €63 miljard (sowat R1,1 biljoen) gee aan Deutsche Bahn, die land se spooroperateur wat ook in staatsbesit is, om ’n gehalte-spoornetwerk te verseker. Dié bedrag kom direk uit die staatskas om infrastruktuur-opgraderings, instandhouding en uitbreidings te finansier, en die Duitsers beskou dit nie as ’n reddingsboei nie. “As jou bedoeling is om uitvoer aan te moedig en om te verseker dat logistiek bekostigbaar is, moet jy as die regering die belegging onderneem. Daardie gesprek is reeds met die departement van vervoer en die…

BRANDGEVAAR Ná die eerste reën in die oostelike somerreëngebiede van Suid-Afrika het die veldbrandgevaar begin afneem, maar in die westelike somerreëngebiede begin die situasie krisisafmetings aanneem. Dit geld veral die Kalahari, waar baie brandbare materiaal voorkom van veral onsmaaklike grassoorte wat nie deur diere benut word nie. Mnr. Johan van den Berg, landbouweerkundige, wys daarop dat baie statiese elektrisiteit opgebou word in die wolke en die grondoppervlak, wat weerlig veroorsaak en vinnig tot veldbrande kan lei. Lees meer by bit.ly/3fj2eLx. HAWEHULP Transnet-haweterminale (TPT) sê daar was teen druktyd (31 Oktober) nie meer opgehoopte vragte by die Kaapstad-hawe nie. Dit volg ná die staking van 6 tot 17 Oktober wat sommige landbou-invoer- en uitvoerbedrywe erg geraak het. Verder is daar as deel van die voorbereiding vir die uitvoerseisoen ’n nuwe hyskraan…

982 Van 1 April 2018 tot 31 Maart 2021 is 982 patrone en 78 vuurwapens geroof in 13 rooftogte by polisiekantore. Nie een van die 24 verdagtes wat in verband met dié rooftogte in hegtenis geneem is, is tot dusver vervolg nie, blyk uit ’n antwoord op ’n parlementêre vraag deur mnr. Bheki Cele, minister van polisie. Die wapens ter sprake was 23 5,56 mm-aanvalsgewere en 40 9 mm-pistole, wat algemeen in transito-rooftogte gebruik word. – VF-Plus 14 miljoen ’n Studie oor voedselverliese het bereken sowat 12,9 miljoen ton mielies en 1,44 miljoen ton sojabone gaan jaarliks in Amerika op plase verlore voor dit die waardeketting kan binnegaan; dus altesaam 14,34 miljoen ton stapelgrane. Dié navorsing sluit net grane in wat op landerye verlore gaan en nie voor-oes-verliese weens ongunstige…

Anderkant die reënboog Die ander dag kom kuier ’n aangename klomp jong manne van die Hoër Landbouskool Oakdale op Riversdal by ons kantoor in Kaapstad. Hulle is vroeg, en by die deur van die raadsaal dring elkeen van die tien seuns aan om my met die hand te groet. Dit duur ’n rukkie, maar getuig van die spesiale plek van landbouskole in Suid-Afrika se onderwysstelsel. Dit is asof daar nog van daardie goeie, ouwêreldse waardes aan die kinders kleef ná ’n paar jaar se plaaswerk — daardie helende bestanddeel wat by so baie gewone skole ontbreek. (Hoekom het elke skool in bendegeteisterde woonbuurte nie ’n stedelike boerderyprojek nie?) Mense begin ook die landbou al hoe meer in die groter prentjie raaksien, met landbouskole wat ook vir stadskinders ’n al hoe…

WANNEER JY DIE HAND BYT WAT JOU VOED WENBRIEF Hemelhoë insetkoste, soos kunsmispryse wat met 100% gestyg het en brandstof wat veel duurder is as ’n jaar gelede, droogtes, vloede, bek-en klouseer . . . Dít alles en meer is deel van boerdery. Om alles te kroon, blaas die vakbonde stakings aan sodat die beste uitvoerprodukte by die hawens lê en vrot. Wie kan dan nog aangaan met boerdery? Net die boere van Suid-Afrika, natuurlik. Ons kry steeds die beste kos en drank in die winkels, en graan, vleis en ander produkte word steeds uitgevoer en is gesog in die buiteland – reg oor die wêreld. Ons as verbruikers ervaar dié voorreg as vanselfsprekend, want ons het só grootgeword. Ek glo steeds dat ek arm, maar nie honger nie sal…

Mnr. Gerhard Engelbrecht, nuwe voorsitter van Namibië se Akkerbouprodusentevereniging, boer by Grootfontein met saaigewasse en vee. Hy vertel op bl. 44 van boere daar se vernuwende planne, soos die produksie van sesamsaad. VERTEL VAN JOU GESIN. Ek en my vrou, Louise, het ’n seun, Petrus, wat vanjaar in graad 12 is en volgende jaar BAgric aan die Universiteit van die Vrystaat of die Kaapste Instituut vir Landbouopleiding op Elsenburg wil studeer, en twee dogters, Emma (graad 9) en Mea (graad 7) wat op Grootfontein skoolgaan. HET JY NÁ SKOOL GESTUDEER? Ja. BSc en MSc in grondkunde aan die Universiteit Stellenbosch. HET JY ’N STOKPERDJIE? Ja, visvang en jag. Ons het ook met ’n byeboerdery begin. WAAR HOU JY VAKANSIE? Op Witsand in die Wes-Kaap waar ons familie het. WATTER SPORTSPANNE…