Landbouweekblad 11 August 2022

BESTE VOETJIE VOOR. Kommunale boere van reg oor die Oos-Kaap het einde Julie met die beste uit hul kuddes bymekaargekom vir ’n interstreek-kuddekompetisie wat deur die Nasionale Wolkwekersvereniging (NWKV) op Tarkastad aangebied is. Al vyf die kommunale streke het deelgeneem in vier kategorieë, naamlik lammers, tweetand-ooie, vier-tot-sestand-ooie en ramme. Die ooie is deur die boere self geteel, met die ramme wat aangekoop word. Die beoordelaars was veral beïndruk met die goeie gehalte van die ooie se wol. Daar heers egter kommer oor die gehalte van die ramme en die uiteindelike invloed in die kommunale kuddes. Die ooie is almal die nageslag van ramme van die NWKV se genetiese verbeteringsprojek, maar die finansiering van die projek is sedert 2019 deur die departement van landbou, grondhervorming en landelike ontwikkeling opgeskort. Dit beteken…

MEDIADEKKING van die nagenoeg 40 000 Nederlandse lewendehaweboere wat betoog teen planne om stikstofvrystelling te verminder, sien deurgaans sleuteldeelnemers oor: Nederlandse landboubesigheidsbelange wat dié protesaksies steun in die hoop om die status quo te behou. Die bedryf wat gehelp het om Nederland ’n brandpunt van stikstofbesoedeling te maak, werk nou agter die skerms om regulatoriese perke op vrystellings te keer. Dit het sterk raakpunte in Kanada, waar die kunsmisbedryf twyfelagtige data aangryp en deur die media versprei teen die regering se plan om teen 2030 stikstofgebruik op plase met 20% en stikstofoksiedvrystellings met 30% te verminder. Stikstof is ’n superbesoedelaar, met sowat 300 keer die verwarmingspotensiaal van koolstofdioksied. Een onlangse studie het bevind die gebruik van stikstofkunsmis het sedert die 1960’s met 800% toegeneem. Danksy voorspraak deur die bedryf kon…

‘Die regulasies gaan landwyd geld, daarom kan jy nie besluit om openbare vergaderings vir kommentaar net selektief op enkele klein dorpe te hou nie.’ MNR. JANSE RABIE, hoof van natuurlike hulpbronne by Agri SA, oor vergaderings oor nuwe hidrobreking-regulasies wat op kort kennisgewing net op enkele klein dorpe gehou is. Bl. 15 ‘Duisende grondtransaksies, finansieringsaansoeke en planne om te ontwikkel of uit te brei, is al deur grondeise in die wiele gery.’ MNR. FRANCOIS ROSSOUW, uitvoerende hoof van Saai, oor hoekom die organisasie ’n aanlyn databasis van grondeise van stapel gestuur het. Bl. 21 ‘Dit is asof daar by sommige sakereddingspraktisyns nie werklik ’n belangstelling is om die skuldenaar se besigheid te red nie.’ MNR. JAPIE VAN DEVENTER, insolvensieregkenner, oor hoe sommige regslui skuldenaars se regte misken. Bl. 18 ‘…

PLUIMVEESKOK Mnr. Ebrahim Patel, minister van handel, nywerheid en mededinging, het op 1 Augustus in weerwil van ’n aanbeveling deur die kommissie vir internasionale handelsadministrasie (Itac) alle teenstortingstariewe op hoendervleis vir 12 maande opgeskort. “In sy besluit het die minister die huidige vinnige styging in voedselpryse in die markte van die Suider-Afrikaanse Doeane-unie en die res van die wêreld oorweeg, en die groot impak wat dit het, veral op armes. Dit sluit ook in die impak wat teenstortingstariewe op die prys van hoendervleis as een van die bekostigbaarder bronne van proteïen kan hê,” lui die verklaring. Die plaaslike bedryf het vroeër gesê syfers toon dat verbruikers nie die voordeel van uiters goedkoop ingevoerde hoendervleis op winkelrakke geniet nie. WOLKRISIS GEPAK Die plaaslike wolbedryf het reeds op verskeie vlakke druk toegepas…

Trekkers en werktuie ter waarde van R8 miljoen is onlangs deur die Suid-Afrikaanse Brouerye (SAB) geskenk vir gebruik deur ’n groep opkomende boere in Noordwes. SAB sê in ’n verklaring die werktuie sal “teen bekostigbare tariewe” aan die boere verhuur word in ’n projek wat deur die landboudienstemaatskappy FarmSol Holdings bestuur word. Danksy die werktuie kan deelnemende boere nou ook sojabone, sonneblomme, koring, kanola en hawer verbou en só hul inkomste diversifiseer, asook voordelige wisselbou met gars en geelmielies beoefen. Altesaam 41 opkomende boere van Noordwes, die Vrystaat, KwaZulu-Natal en Mpumalanga neem tans deel aan FarmSol se program, wat reeds bygedra het tot die skepping van 50 heeltydse en 224 tydelike poste in die betrokke gebiede.…

60 000 ton In die Julie-skatting vir somergrane het die nasionale oesskattingskomitee die soja-oes met ’n verdere 60 000 ton verhoog vergeleke met die Junie-skatting, tot ’n nuwe rekord van 2,15 miljoen ton. In minder goeie nuus is die sonneblomoes met 4% afwaarts aangepas tot 922 750 ton weens die moontlike impak van Sclerotinia. Die grondboonskatting is ook skerp afwaarts aangepas met 10,8% tot net 49 000 ton, weens nat toestande. – Nico van Burick R3 184 ’n Gebalanseerde dieet vir ’n gesin van vier, soos beskryf word in die buro vir voedsel- en landboubeleid se spaarsamige gesonde voedselmandjie, het in Junie R3 184 gekos. Dit was R13 duurder as in Mei en R270 meer as in Junie 2021. ’n Huishouding waar twee volwassenes die minimum loon verdien en kindertoelae…