Landbouweekblad 13 October 2022

DIE ANDER SÊ DIE meeste mense in die Amerikaanse landbousektor beskou Afrika as een reuse-nasie en een reuse-mark. Tog het Afrika meer lande (54), meer tale (meer as 2 000) en meer kulture (3 000 plus) as enige ander vasteland. Dit is ook ’n krimpende mark vir Amerikaanse landbou-uitvoer. Dit laat ’n mens wonder hoekom Amerika steeds dink hy weet wat die beste vir die landbou in Afrika is. ’n Week voor die onlangse Africa Green Revolution Forum in Kigali, Uganda, wat deur die hulporganisasie Agra geborg is, het dr. Timothy Wise, ’n senior navorsingsgenoot by Tufts-universiteit se globale ontwikkelings- en omgewingsinstituut, in ’n artikel in die Keniaanse dagblad Nation daarop gewys dat Agra die afgelope 17 jaar $1 miljard (R18 miljard) bestee het in ’n poging om opbrengste en…

ÁL GROTER Die kommersiële mielie-oes word in die jongste oesskatting op 15,26 miljoen ton geraam, en die sojaboonoes, steeds die grootste nóg, is met 29 000 ton verhoog tot 2,2 miljoen ton. Die nie-kommersiële mielie-oes is 667 000 ton. Die skatting vir sonneblomsaad is vir die vierde maand agtereenvolgens verlaag en staan nou op 845 550 ton, wat 3,5% minder as die vorige skatting is. Die tweede produksieskatting vir wintergrane raam die koringoes op 2,22 miljoen ton, wat 39 840 ton (1,83%) meer as die vorige skatting is. Lees meer by bit.ly/3rqnmlK. GOUE OPKOMS Graan SA se Groei vir Goudkompetisie het vanjaar 84 deelnemers gelok. Die kompetisie het twee mielie-opbrengsrekords en vyf sojaboon-opbrengsrekords in die verskillende kompetisiegebiede opgelewer. Mielie-opbrengste in die kompetisie was 160% tot 180% hoër as die gemiddelde…

R95 Appel- en peerboere boer waarskynlik teen ’n verlies as hulle R95 of minder per kartonhouer (12,5 kg) vrugte betaal word, tensy die opbrengs vir appels 65 t/ha of hoër is en peerboere s’n 53 t/ha, volgens berekeninge van Hortgro in die lig van stygende insetkoste en rentekoerse. Die syfers is bereken aan die hand van aannames oor onder meer totale produksiekoste en 2021-pryse. Lees meer by bit.ly/3xYXtx3. – Hortgro R100 000 Pretoria FM het R100 000 wat sy luisteraars ingesamel het, aan Jagersfontein se boerevereniging geskenk ná die slikdamramp verlede maand. Weiveld en lewende hawe is verswelg, en ’n dringende behoefte aan voer, pype en watertenks het ontstaan. Mnr. Willie Spies, voorsitter van die radiostasie se direksie, sê hulle is oorweldig deur luisteraars se steun. Die skenking is op…

Anderkant die reënboog Dit is die eerste keer in jare dat ons nie die Richtersveld in die Noord-Kaap gedurende ’n skoolvakansie besoek nie. Die dorre woestyn met die groen lint van die Oranjerivier wat daardeur vloei, is ’n bestemming wat eerstens wonderlike natuurskoon bied, maar ook ander beduidende voordele inhou. Eerstens is daar geen selfoonopvangs nie, wat ’n mens ontneem van die versoeking om te werk. Tweedens bied dit die geleentheid om ’n knewel van ’n grootbekgeelvis te vang, daardie geheimsinnige oervis wat die baas van dié groot rivier bly. Ongelukkig val die September-skoolvakansie deesdae ook in die tyd dat die groot geelviswyfies kuit en heeltemal ophou vreet. Dit los jou met die vooruitsig van ’n paar verdwaalde babers wat maar altyd op soek is na iets om te vreet,…

AS BOERE DIE VYAND PAK . . . Die meeste mense was vandag vasgenael voor die TV vir die Bokke se wedstryd teen die Kiwi’s, terwyl ’n groep boere êrens op ’n dorpie in Noordwes besig was om hul eie aartsvyand aan te durf. Drie veldbrande op dieselfde dag. Een daarvan totaal buite beheer. Duisende hektaar verlies. Die foon “pieng” kort-kort en elke keer stuur ek ’n gebed soos ’n rooksein op. ’n Gebed wat vra dat Hilux-bakkies die resies met die vlamme sal wen en dat vuurvegters weduwees se kruike sal word en dat engele vuurbestande vlerke sal hê om die mense, mý mense, mee te omvou. Die son begin verkeerde kant toe tuimel en steeds hang die rookbolle op die horison. Daar word besluit dat die manne moet…

Die oudwynmaker en Riversdalse sakeman MNR. DANIE GELDENHUYS het vier jaar gelede sy eerste Orpington-hoenders aangeskaf, en stof nou met uitstekende teelmateriaal stof in die oë van talle telers. Lees die artikel op bl. 52. Vertel van jou gesin. Ek en my vrou, Alida – ’n skoolliefde – is in 2006 getroud. Ons het drie kinders: Jana (14), Muller (13) en Lila (10). Het jy ná skool gestudeer? Ja, wynmaak aan die landboukollege Elsenburg. Wat is jou stokperdjies? Ek draf, hou van gholf speel en jag ook graag. Waar hou julle vakansie? Stilbaai. Hou jy van sport? Ek het ’n groot passie vir alle sport. Die Springbokke bly maar my span. ME. ANKA EICHHOFF van Summerdown in Namibië het eiehandig ’n besonderse kennis oor spinnekoppe en plante opgebou waarmee sy…