Landbouweekblad 14 April 2022

HIER KOM DIE BIER. Herfs is hop-oesseisoen in die Suid-Kaap. Op die plaas Heidekruin noord van die Outeniqua-pas in Waboomskraal kap ’n werker hopranke met ’n kapmes af. Hop moet redelik vinnig verwerk word om te keer dat dit verrot. Dit word dus dadelik na die verwerkingsaanleg op die plaas vervoer. Heidekruin is een van die Suid-Afrikaanse Brouerye (SAB) se drie korporatiewe plase. Hy het ook sewe private plase wat ingekontrakteer is om hop aan hom te verskaf. SAB het net meer as 400 hektaar hop-aanplantings wat jaarliks gemiddeld 710 ton tot 910 ton lewer, na gelang van groeitoestande. Die hopbedryf neem sowat 1 500 mense in diens en dra ongeveer R90 miljoen tot die plaaslike ekonomie by.…

DIE proses om ’n nuwe wateragentskap te vestig wat private be-leggings sal lok om infrastruktuur te vestig en só verlammende watertekorte te vermy, is van stapel gestuur. Die departement van water en sanitasie wil teen einde April ’n wetsontwerp aan die kabinet voorlê wat die skep van dié agentskap uiteensit, sê mnr. Sean Phillips, direkteur-generaal van die departement. Die agentskap sal geskep word deur die samevoeging van die departement se waterhandelentiteit en die Trans-Caledon-tonnelowerheid (TCTA). Luidens die nasionale waterplan wat in 2019 gepubliseer is, moet R900 miljard teen 2030 bestee word aan infrastruktuur vir die voorsiening en opgaar van water. Phillips sê die nuwe instelling sal nie van die fiskus afhanklik wees nie en verskeie benaderings volg om finansiering te bekom, onder meer deur die inkomstestrome van spesifieke projekte, lenings en ander soorte…

‘Ons moet maar in die stof plant as dit nie voor daardie tyd reën nie.’ MNR. KOOS BLANCKENBERG van Klipheuwel oor wat hom te doen staan as dit teen Paasnaweek nie reën nie. Bl. 16 ‘Talle vragmotors het al vasgeval, waarna boere verplig was om hul eie tyd en toerusting te gebruik om die bestuurders uit te help.’ MNR. DIRK KRAPOHL, hoofbestuurder van Agri Noord-Kaap, oor die toestand van alternatiewe roetes ná ’n belangrike seksie van die R31 tussen Daniëlskuil en Koopmansfontein gesluit is. Bl. 19 ‘Dit kan wel beteken dat ’n mens meer onderhoudswerk aan riviere, kanale en damwalle sal moet doen.’ PROF. MIKE MULLER, waterkenner, oor hoe klimaatsverandering Suid-Afrika se watervoorsiening kan beïnvloed. Bl. 24 ‘(Dit sal) ekonomies waarskynlik onmoontlik vir Eskom wees om die nodige tegnologie aan te koop en te installeer…

SWAARGEWIG Dié reuse-os (voor) van mnr. Hugh Ainslie van Bedford in die Oos-Kaap het op die Bathurst-landbouskou weggestap met die prys vir die beste volwasse os in die kommersiële afdeling vir beeste. Die os het die skaal se naald by 1 214 kg laat draai en is vir R43 000 op die skou se vetveeveiling verkoop. Die skou is vanjaar vir die eerste keer sedert 2019 aangebied nadat dit in 2020 en 2021 afgelas moes word weens die covid-19-pandemie. Die os agter van mnr. Charles Muir van Southwell, Makhanda, het die skaal op 1 110 kg laat kreun en is vir R37 500 op die veiling verkoop WEES PARAAT Weens die La Niña-stelsel word daar nog tot volgende maand reën in die somerreëngebiede verwag, wat probleme kan veroorsaak met veral die oes van…

868 000 In die laaste kwartaal van 2021 het die landbou 868 000 mense in diens gehad, wat 7,1% meer is as ’n jaar tevore. In die vorige kwartaal het die sektor 829 000 mense in diens gehad. Die totale aantal werkloses in Suid-Afrika het in dié tyd met 278 000 toegeneem tot 7,9 miljoen, teenoor 7,6 miljoen die vorige kwartaal. Die werkloosheidskoers in Suid-Afrika was in die vierde kwartaal 35,3%, teenoor 34,9% die vorige kwartaal. – Statistieke SA R30 000 Om ’n vasgevalde vragmotor op van die Vrystaat se berugte grondpaaie te laat uitsleep, kan tot R30 000 kos, sê mnr. Jan Cloete, eienaar van Salvador Ondernemings, ’n vervoerkontrakteur. Hy is nie meer bereid om op van die provinsie se “onherstelbare” S-roetes, soos die S121, S574 en S647 in die omgewing van…

Verwagtings wat nie realiseer nie, lei tot mismoedigheid. Dít was die digter-koning Salomo se akkurate opsomming ’n paar duisend jaar gelede in Spreuke. Vir Derek Mathews, voorsitter van Graan SA en graanboer van Sannieshof, en sy familie was die verwagting baie eenvoudig: geregtigheid ná ’n gruwelike onreg. Op ’n soel somersaand twee jaar gelede toe vyf gewapende mans hulle op die familieplaas oorval het, is hulle van iets baie meer waardevols as net ’n paar aardse besittings be-roof. Om jou vrede te verloor, is ’n veel groter verlies. Die familie was gesellig aan die kuier, gelukkig en dankbaar om ’n verjaardag en ooievaarstee te kon vier. ’n Kosbare familiebyeenkoms. Die tipe ding wat die lewe sin gee. Maar pleks van herinneringe bou wat hulle deur moeilike tye moes dra, is hulle ure lank…