Landbouweekblad 15 September 2022

NOG NIE LAMGELÊ. Dit is lamtyd op die plaas Kruidfontein naby Murraysburg wat bestuur word deur me. Juanita Bellingan, ’n Wes-Kaapse Jongboer van die Jaar-finalis in 2018. Daar word hoofsaaklik kapaters aangehou in die Angora-vertakking in dié boerdery, en Bellingan bestuur ook ’n bees-, skaap- en jagvertakking. Omdat daar betreklik min ooie is, het sy hulle normaalweg ekstensief laat lam, maar sy het besluit om die ooie vanjaar naby die huis te laat lam om haar lammeroes só te verhoog “om die kudde ’n bietjie te laat groei”. Elkeen gaan ’n unieke oorplaatjie en bynaam daarop kry. Die gebied het tot verlede jaar kwaai onder droogtestoestande deurgeloop, maar vanjaar is volgens Bellingan ’n baie goeie jaar. “Die droogte het my baie geleer, soos hoe om veranderinge aan jou bestuurstyl aan…

DIE landbou behels ’n moeilike balans tussen voedselproduksie en omgewingsimpak. Kunsmis kan help om goeie opbrengste te behaal, maar oorgebruik lei tot kweekhuisgasvrystellings en besoedeling. Dr. Chloe MacLaren, verbouingstelsel-ekoloog van Rothamsted Research, skryf sy en kollegas het na langtermynstudies in Europa en Afrika gekyk om te bepaal of dit ekologiese versterking (intensification) ondersteun. Hulle het gevind ekologiese versterking kan kunsmis gedeeltelik vervang omdat dit die voedingstowwe in grond verhoog. Die voordele van oesdiversifisering, vrugbaarheidsgewasse en die byvoeging van organiese materiaal was tipies hoog wanneer die gebruik van sintetiese stikstofkunsmis laag was. Wanneer dit hoog was, was daar dikwels geen voordeel nie. Die gemiddelde koers van kunsmisgebruik in Afrika is ’n breukdeel van dié in Europa. Ekologiese versterking kan ’n manier wees om kunsmis meer billik te versprei om wêreldvoedselsekerheid te…

‘Indien al ons boere gelyk hul insette op die plaas wil hê, kan ’n bottelnek ontstaan.’ MNR. JACO VILJOEN, streeksverteenwoordiger van Omnia in Noordwes, oor moontlike oponthoude met aflewerings van produksiemiddele. Bl. 14 ‘As ons nie meer kan uitvoer nie, gaan dit ’n enorme uitwerking op die speenkalfprys hê.’ MNR. DEWALD OLIVIER, uitvoerende hoof van die Suid-Afrikaanse Voerkraalvereniging, oor vrese rakende minder uitvoer van rooivleis. Bl. 15 ‘Die goeie nuus is dat die kopers die wol steeds wil hê. Ons moet dit net op ’n skip kry.’ MNR. ISAK STAATS, hoofbestuurder van wol en bokhaar by BKB, oor ’n agterstand om wol in China te kry. Bl. 18 ‘Ons praat met mekaar daaroor, maar ons praat nie in diepte nie.’ MNR. HENNIE HUMAN van AfriForum se trauma-ondersteuningseenheid oor die trauma…

MINISTER KRY SLAE Shell en Impact Africa mag nie met klankkanonne vir gas soek langs die Wildekus van Suid-Afrika nie. Regter Selby Mbenenge, Oos-Kaapse regterpresident, het die departement van minerale hulpbronne en energie se toestemming om seismiese ondersoeke langs die kus te doen, tersyde gestel. Verskeie belangegroepe, onder meer vissersgemeenskappe en nieregeringsorganisasies wat hulle op die klimaat en natuurbewaring toespits, het die saak hof toe geneem. Die hof het bevind daar was nie voldoende konsultasie met die gemeenskappe wat geraak word nie. MEER LOKOMOTIEWE Transnet sal hopelik binnekort meer lokomotiewe op sy treinspore hê. ’n Ooreenkoms wat in beginsel deur Transnet en CRRC E-Loco, die plaaslike afdeling van China Railway Rolling Stock Corporation, bereik is, kan help om alle voortslepende wetlike dispute tussen die twee maatskappye aan te pak. Transnet…

1,5 m. ’n Besending graan wat uit Oekraïne in Djiboeti aangekom het, kan 1,5 miljoen mense vir een maand in Ethiopië voed. Die besending, op ’n skip gehuur deur die Verenigde Nasies se Wêreldvoedselprogram, is die eerste wat in Afrika aankom sedert die Russiese inval in Oekraïne. Die uitvoer van voedsel en kunsmis is begin Augustus uit drie Swartsee-hawens hervat danksy ’n skikking tussen Rusland en Oekraïne. – Voa News 71,4% Damvlakke in die Wes-Kaap het met druktyd op 71,4% gestaan, terwyl damme in Kaapstad se netwerk 81,4% vol was, sê mnr. Anton Bredell, LUR vir plaaslike regering, omgewingsake en ontwikkelingsbeplanning. ’n Jaar gelede was die gemiddelde 81,4% en Kaapstad se netwerk heeltemal vol. Bredell sê die reënseisoen in die provinsie was tot dusver vanjaar ondernormaal – “en ons moet…

Anderkant die reënboog Suid-Afrika is ’n bietjie soos ’n huwelik. ’n Mens raak nog net in ’n stryery betrokke as jy iets wil red. Dit is wanneer jou gade stil raak en nie meer wil redekawel nie, dat jy moet begin worry. So ook met die land. Die meeste produktiewe Suid-Afrikaners is verby die punt waar hulle nog enige nut sien om die regering te kritiseer. Hulle emigreer stil-stil, of hulle pak hul dagtaak aan met die ywer wat net kan kom van die wete dat ’n geklaery dít wat reeds moeilik is, net moeiliker gaan maak. Besaai soos dit met allerhande onnodige struikelblokke is. Gewone mense wat elke dag as onbesonge helde en heldinne die wiele van die ekonomie aan die draai hou. Vir die meeste van ons is…