Landbouweekblad 17 February 2022

BLINK VOORUITSIGTE. Die laaste dag van Januarie was die eerste dag van pars aan die 2022-wynoes op die Groote Post-wynlandgoed by Darling aan die Weskus, en dié Pinot noir-druiwe was eerste aan die beurt. Dit is sowat twee weke later as normaal weens ’n koeler as nor-male Desember, wat wingerde later laat bot het. Die goeie winterreën en laat somerreën oor die distrik was baie gunstig vir die oes, sê mnr. Jannie de Clerk, wingerdboukundige. Volgens mnr. Lukas Wentzel, wynmaker, beteken die langer, stadiger rypwordingsproses beter aroma en geurontwikkeling by die druiwe. “Ons verwag groter kompleksiteit en elegansie, ryper tanniene en ’n gunstige suur-suikerbalans. Ek is veral opgewonde oor vanjaar se Sauvignon blanc met die toestande wat tot op hede perfek was vir gesonde, topgehalte-druiwe.”…

SEDERT pres. Cyril Ramaphosa se aankondiging in 2020 dat spooroperateurs van die private sektor toegang tot Transnet se spoornetwerk sal kry, was daar heelwat vordering, sê mnr. James Holley, uitvoerende hoof van Traxtion, ’n private spoorvragmaatskappy met bedrywighede in talle Afrikalande, en voorsitter van die Africa Rail Industry Association (Aria). Transnet beoog om die pryse wat private operateurs vir toegang sal betaal, teen einde Maart te voltooi, en ’n gidsprojek vir derdeparty-toegang word teen einde 2022 in die vooruitsig gestel. Volgens Aria beoog Transnet dié gidsprojek vir die vraghouerkorridor tussen Durban en Johannesburg. Holley meen die Transnet-netwerk, wat stedelike pendelroetes uitsluit, is erg onderbenut, en kan met derdeparty-toegang reuse-inkomste vir Transnet inbring. Private treine kan betreklik vinnig op die Transnet-netwerk begin loop. Om grootskaalse private vragvervoer op die netwerk te bewerkstellig, gaan…

‘Ons bly steeds aanspreeklik vir ons belastinggeld. Maar ons moet die munisipaliteit sover kry om sy sake reg te ruk.’ MNR. QUENTIN ANTUNES, voorsitter van die Mafube-distrikslandbou-unie, oor boere se dispuut met die Mafube-munisipaliteit wat gelei het tot ’n projek om infrastruktuurverval teen te werk. Bl. 18 ‘Dit is nou die eerste keer dat ons klinkklare bewyse het dat die munisipaliteit willens en wetens die riool só stort.’ MNR. CAREL PIENAAR, VF Plusraadslid, oor regstappe teen munisipale amptenare wat riool op ’n plaas gestort het. Bl. 15 ‘Tensy daar bevoegde, eerlike amptenare in diens is, wat die openbare belang op die hart dra, sal die probleem nie opgelos word nie.’ MNR. LEN DEKKER, prokureur in onder meer munisipaalverwante sake, oor hoe om onderliggende diensleweringsprobleme in munisipaliteite die hoof te bied. Bl. 18 ‘Elke uur wat die…

STRIKKE VAN DANKBAARHEID Kleurryke strikke het einde Januarie op plaashekke in die distrik Carnarvon hul verskyning begin maak as ’n teken van die boeregemeenskap se dankbaarheid oor die goeie reën wat sedert Oktober in dié distrik in die Noord-Kaap val. “Dit toon ons dankbaarheid teenoor ons hemelse Vader wat ons bemoedig en gedra het, en teenoor mense, organisasies en maatskappye wat veevoer, vervoerkoste, brandstof, kospakkies, koepons, boervroubokse en geld vir skoolen universiteitsgeld gegee het,” sê mnr. Jan la Grange, voorsitter van die Agri Carnarvon-landbouvereniging. Lees meer by bit.ly/3GqTTgo. GEEN TOUSTAAN Voertuiglisensies kan nou aanlyn by die Poskantoor hernu word. Ná eenmalige registrasie by www.sapomvl.co.za is dit volgens die Poskantoor ’n vinnige en maklike proses. Geen kommissie word op die transaksie gehef nie en beta-lings word deur die toepassing Masterpass gedoen. Die diens is…

10 Die Australiese vleismaatskappy Teys Australia se Naracoorteabattoir het onlangs die tiende vleisaanleg in dié land geword wat sy uitvoerpermit na China verloor het. Bedryfsleiers wys daarop dat Australië en China se handelsoorlog pas sy tweede jaar betree het. Die gebrek aan dialoog tussen die twee lande beteken die bedryf is op die Chinese doeane-owerheid se webwerf aangewese om te hoor wanneer hulle die mark verbied word. — ABC 60% China het teen November 2021 net 60% van die Amerikaanse boerdery- en vervaardigde goedere ingevoer wat hy onderneem het ingevolge die twee jaar lange handelsooreenkoms wat oudpres. Donald Trump met China gesluit het. Volgens mnr. Tom Vilsack, Amerikaanse minister van landbou, het China se aankope van landbougoedere soos deur die ooreenkoms bepaal, sowat $13 miljard (R198,8 miljard) te kort geskiet. — Reuters 1991 Inflasie in die organisasie…

Dit gebeur nie aldag nie. Die kans om regtig iets gunstigs oor Suid-Afrika se politici kwyt te raak. Maar daar bel Eddie Prinsloo van Heuningkrans Merino’s uit Smithfield se wêreld my die ander dag om die goeie nuus te vertel dat ná ses jaar se gesukkel die wa uiteindelik deur die drif getrek is met die boerderyprojek wat hy saam met sy werkers wil vestig. Die geld vir die koop van die plaas waar hulle saam gaan boer, is uiteindelik deur die tesourie goedgekeur, en die grond is op 24 Januarie vanjaar aan die werkers oorgedra. Dit is ietwat van ’n deurbraak, aangesien die staat steeds weier om grond aan swart boere te gee. Vir Eddie was grondeienaarskap vir sy werkers uit die staanspoor ononderhandelbaar. Sy plan is betreklik eenvoudig. Nadat die staat…