Landbouweekblad 17 March 2022

STAATMAKER-VLEISBEESTE. Mnr. Willem Scholtz is ’n vierdegenerasie-Hereford-boer. Sy oupa mnr. Eddie Scholtz het in die 1980’s met Herefords geboer, en sedertdien het die Zuikerkopboerdery uitgebrei na ’n stoetery by Clocolan, Vrystaat (hierbo), en ’n kommersiële boerdery by Kimberley in die Noord-Kaap. Vir Scholtz is dié vleisbeesras se beste eienskap hul goeie temperament. “Dit maak alles maklik, van die merk van die kalfies met geboorte vir ons rekords tot die behandeling van ’n siek bees ver in die veld.” Nie hy of sy werkers se lewe is ooit in gevaar omdat ’n bul dalk met die verkeerde voet uit die bed geklim het nie. Lees meer oor Scholtz se boerdery in die volgende uitgawe van Landbouweekblad, en lees op bl. 22 meer oor groot geleenthede wat op rooivleisboere wag, mits die…

DR. BRUCE GLAVOVIC, ’n professor aan die Massey-universiteit in Nieu-Seeland, is een van ’n groep klimaatwetenskaplikes wat só raadop is vir die louwarm ontvangs en gebrek aan daadwerklike aksie op waarskuwings van die interregeringspaneel oor klimaatsverandering (IPCC) dat hulle ’n beroep gedoen het op klimaatwetenskaplikes om op te hou navorsing doen tot regerings genoegsame stappe begin doen. “Ons het al 26 vergaderings van die partye (COP) gehad,” sê hy oor die Verenigde Nasies-vergaderings oor klimaatsveranderings. En nou nog ’n verslag. “Watter verskil gaan dit maak?” Glavovic meen ’n onderbreking in navorsing sal sy medenavorsers ’n geleentheid gee om ernstig te dink oor die beste manier om hul kundigheid te gebruik in die klein tydjie wat die mensdom oor het om die planeet se klimaattrajek te verander. Hy is een van amper 270…

‘As jou vaste koste meer as R927 per hektaar is, is jy in die moeilikheid.’ MNR. DEREK MATHEWS, voorsitter van Graan SA, oor hoe stygende insetkoste die winsgewendheid van mielieboerdery bedreig. Bl. 15 ‘As hier nie kunsmis is nie, is hier nie kos nie.’ MNR. HANSIE VILJOEN, boer van Leeudoringstad, oor die stygende koste van kunsmis. Bl. 18 ‘Elke keer dink ’n mens dit kan eenvoudig nie meer veel langer op dieselfde hoë vlakke bly nie, maar dan styg die prys selfs verder.’ MNR. ROB FIELD, finansiële hoof van RCL Foods, oor wat stygende mieliepryse vir sy voer- en hoen- ‘Ons moet spoorvervoer weer aan die gang kry, want ons ding mee teen die res van die wêreld wat goedkoop spoorvervoer inspan.’ MNR. LOUIS STRYDOM, bemarkingsdirekteur van Omnia, oor vervoerprobleme in die kunsmiswaardeketting. Bl. 16 ‘Ons sal later…

DODELIK Roekeloos en onaanvaarbaar, is hoe mnr. Francois Wilken, voorsitter van Vrystaat Landbou, mnr. Enoch Godongwana, minister van finansies, se besluit om ’n padinstandhoudingstoelae van R45,2 miljoen aan die Vrystaat te skrap. Die R30 tussen Odendaalsrus en Bothaville hierbo is een van talle paaie in die provinsie wat ’n groot gevaar vir gebruikers inhou. Boonop het oorstromings vroeër vanjaar die reeds haglike paaie verder beskadig. Die besluit is vervat in ’n tesourie-kennisgewing wat op 25 Februarie uitgereik is. Dr. Pieter Taljaard, uitvoerende hoof van Graan SA, het op die Graan SA-jaarkongres gesê die organisasie bespreek dié situasie met die staat. “Ons het onlangs landwyd gereis met ons streekvergaderings en ons het op byna elke dorp waar ons aangedoen het erge verval van padinfrastruktuur gesien.” Met strooptyd wat voorlê in die somerreënstreek,…

R354 Die koste van ’n gemiddelde Suid-Afrikaanse huishouding se voedselmandjie was verlede maand R354,52 duurder as die ooreenstemmende tyd verlede jaar, en R45,33 goedkoper as in Januarie. Volgens die Pietermaritzburg-groep vir geregtigheid en waardigheid se bekostigbaarheidsindeks het ’n gemiddelde huishouding se voedselmandjie in Februarie R4 355,70 gekos, wat 8,9% hoër was as die ooreenstemmende tyd verlede jaar. 775 mm In ’n weerstelsel wat Australiese weerkundiges ’n “reënbom” genoem het, het oor Nieu-Suid-Wallis beweeg en in 24 uur neerslae van 775 mm oor die Lismoredistrik gebring, die hart van die Australiese makadamiabedryf, nes boere wou begin oes. Werkers kon nie by die boorde uitkom nie en honderde beeste het versuip. Talle makadamiaboere het waardevolle bogrond verloor en ander hul ganse beeskuddes. — The Guardian 50% Die droogte in Suid-Amerika het ’n impak op 50% van die…

’n Mens wil nie die bobbejaan agter die bult gaan haal nie, maar gesprekke oor kunsmispryse en -beskikbaarheid op die afgelope Graan SA-kongres was onrusbarend. Die internasionale kunsmisprentjie lyk droewig. Rusland, die wêreld se grootste kunsmisuitvoerder wat tans onder strawwe wêreldsanksies steier ná sy inval van Oekraïne, het onlangs ’n twee maande lange verbod op die uitvoer van ammoniumnitraat geplaas. Ammoniumnitraat en ureum is die twee hoofbestanddele van stikstofkunsmis, die misstof wat die meeste ter wêreld gebruik word. Brasilië is die grootste invoerder van ammoniumnitraat, en gaan binnekort sy safrinha-graan aanplant ná sy sojaboonoes. Die land sukkel tans kwaai om kunsmis in die hande te kry. In die meeste jare is Brasilië die wêreld se grootste soja-uitvoerder en die naasgrootste mielie-uitvoerder, maar twee seisoene van La Niña-droogtes het sy oeste maar geknou. Dit…