Landbouweekblad 2 March 2023

SOETE BERG. Die Suid-Afrikaanse suikerterminaal by die Maydonkaai in die Durbanhawe het ’n opbergingskapasiteit van 520 000 ton oor drie silo’s wat nagenoeg 5 ha beslaan. Die terminaal is in 1965 gebou om grootmaatsuiker (onverwerk én verwerk) wat vir die uitvoermark bestem is, te ontvang. Die plaaslike suikerbedryf probeer om die meeste van sy suikeruitvoer te beperk tot die Suider-Afrikaanse Doeane-unie (Sadu) en uitvoermarkte soos Amerika, die Europese Unie en Brittanje, wat ondanks beperkte kwotas premiepryse betaal. Enige Suid-Afrikaanse suiker wat meer is as wat dié markte kan opneem, moet teen ’n verlies op die oop wêreldmark verkoop word, waar daar reeds ’n ooraanbod van suiker is. Dit is hoekom die suikermeesterplan onder meer ten doel het om nuwe inkomstebronne, soos bio-etanol, te skep vir suiker wat nie deur dié…

VANUIT die sakegemeenskap is die boodskap duidelik: Politieke inmenging moet ophou as Eskom gered gaan word. “Sal (Eskom se) nuwe uitvoerende hoof meer kan doen as wat André de Ruyter kon … met een hand agter sy rug vasgemaak?” vra mnr. Jannie Durand, uitvoerende hoof van Remgro. Mnr. Chris Schutte, uitvoerende hoof van Astral Foods, sê die nuwe uitvoerende hoof kan nie ’n kader van die ANC wees nie, maar “behoort regte uitvoerende besluitnemingsmag te hê en beskerm te word teen politieke inmenging”. Mnr. Johnny Copelyn, uitvoerende hoof van Hosken Consolidated Investments, sê die nuwe aanstelling moet aandring op sekere waarborge van die staat. “Sal die staat betalings waarborg vir elektrisiteit wat aan munisipaliteite verkoop is? Wat is die verbintenis om infrastruktuur te skep vir die transmissie van elektrisiteit uit…

‘Ons het in Desember byvoorbeeld 100 000 minder beeste geslag, wat daarop dui dat daar nie ’n afset vir rooivleis is nie.’ MNR. DEWALD OLIVIER, uitvoerende hoof van Red Meat Industry Services, oor redes vir die lae speenkalfprys. Bl. 21 ‘Miskien moet dit vir alle boere, groot én klein, verpligtend wees om aan sulke akkreditasieliggame te behoort.’ MNR. ANDRÉ SWART, aarbeiboer van George, oor lidmaatskap aan internasionale akkreditasieliggame wat onder meer waterdienste aan grondbewoners verpligtend maak. Bl. 24 ‘Ons is reeds op vlak 6 en niemand in die ekonomie sal op vlak 7 wil gaan net om ’n ander sektor op fase 5 te akkommodeer nie.’ MNR. NICOL JANSEN, ondervoorsitter van Agri SA, oor die haalbaarheid daarvan om die landbou tegemoet te kom oor beurtkrag. Bl. 14 ‘Skepe kon by…

TRANSFORMASIETYD Bemagtiging en transformasie is ’n groot komponent van die samesmelting tussen VKB en GWK, wat op 21 Desember 2022 goedgekeur is. Die Mededingingstribunaal vereis onder meer dat die maatskappye toegang tot finansiering aan voorheen benadeeldes binne die waardeketting en gebiede waar die twee maatskappye sake doen, moontlik maak. Alle werkers uit sulke groepe wat in aanmerking kom, moet begunstigdes van die VKB-werknemerstrust word. Verder mag geen personeel binne 36 maande ná die samesmelting afgelê word nie. Lees meer by bit.ly/410iqo3. GRIEPERIG Erge uitbrekings van hoogs aansteeklike voëlgriep (H5N1) in Europa het gelei tot ’n drastiese daling in hoendervleisinvoer van daar af. Die markontleder Small Talk Daily wys daarop dat nege uit die tien Europese Unie-lande wat na Suid-Afrika mag uitvoer, van middel Januarie tot middel Februarie voëlgriepuitbrekings aangemeld het,…

63 470 Meer as 63 000 mense het verlede maand se Fruit Logistica-handelskou in Berlyn, Duitsland, bygewoon. Die skou verteenwoordig die varsproduktewaardeketting met die klem op die nuutste neigings en innoverings in die wêreldwye handel in vars produkte. Nagenoeg 80% van deelnemers aan ’n opname het gesê hulle kon nuwe besigheidskontakte maak, en een in drie kon nuwe besigheid werf. Vier uit vyf besoekers was uit die buiteland. – Freshplaza 21,8% Die plaaslike inflasiekoers van brood en grane was in Januarie 21,8%, die hoogste van ál die voedselkategorieë in die verbruikersprysindeks. Dit is 1,4 persentasiepunt hoër as ’n maand tevore. Die inflasiekoers van alle voedselkategorieë buiten vrugte (3,6%) was hoër as die 6,9% algehele verbruikersprysinflasie. Die inflasiekoers van voedsel was 13,8%, 2 persentasiepunte hoër as in Desember 2022. Vir kos…

Anderkant die reënboog Ek sukkel deesdae om nuus te lees. Die allewige herbesoek van ou probleme en altyd die afwesigheid van enige noemenswaardige oplossings. Dit is net bloot te frustrerend. Ek dink nie die mens is gebou om probleme nié te kan oplos nie en om só vas te haak by ou dinge soos wat tans die geval in Suid-Afrika is. Sedert ons oervoorvaders die eerste keer ’n vuur aangesteek en die wonder van braaivleis ontdek het, en ook ’n goeie nagrus kon geniet toe vlamme vir die heel eerste keer sabeltandkatte uit hul grotte kon hou, is die mensdom op ’n nimmereindige reis van probleemoplossing — om die lewe te verbeter en gemakliker te maak. Van die uitvinding van die wiel tot die splyting van die atoom en die…