Landbouweekblad 23 March 2023

VETERAAN-SKRAPER. Mnr. Edward de Villiers, wat in 1937 gebore is, was een van ’n groep boere oos van Ermelo, rigting Amsterdam, wat onlangs besluit het om hul paaie self op te knap. Die reënseisoen het sy tol geëis en hoewel die plaaslike kantoor van die departement van openbare werke bereid was om teer te verskaf, het hy nie die toerusting of mannekrag gehad om die teerpad te herstel nie. Daar is vyf skoolbusse van die Umzimvelo-landbouskool wat hierdie paaie daagliks gebruik, vertel die hoof, mnr. Billy Lloyd. Daarom het oud en jonk ingespring. Boere het die grondpaaie onder mekaar verdeel en self geskraap, terwyl ander saamgespan het om die slaggate in die teerpad na die dorp te herstel met hul eie materiaal en materiaal wat die departement bygedra het. De…

VERMORS Beurtkrag het die voedselmaatskappy RCL Foods tot R96 miljoen in die ses maande tot einde Desember gekos, maar volgens mnr. Rob Field, finansiële hoof, is dit net die regstreekse koste; die onregstreekse koste is veel meer. Hy sê volgehoue hoë vlakke van beurtkrag is onvolhoubaar en dit kan nie onbepaald só aanhou nie. Onbeplande onderbrekings veroorsaak vermorsing van produkte by hul aanlegte, en wanneer klante van RCL se logistieke afdeling, Vector Logistics, se voorsieningsketting ontwrig word, kan hul vragmotors nie teen volle kapasiteit benut word nie, en kan dié afdeling nie winsgewend bedryf word nie. Lees meer by bit.ly/3YBO9cM. HOF TOE Die nuwe regulasies vir bedreigde spesies wat die departement van bosbou, visserye en omgewingsake op 3 Februarie 2023 in die Staatskoerant afgekondig het, en wat op 1 April…

R418 ’n Spaarsamige en voedsame kosmandjie met 26 kositems vir ’n gesin van vier soos wat deur die buro vir voedsel- en landboubeleid (BFAP) saamgestel word, was in Januarie R418 of 13,9% duurder as ’n jaar tevore, en R64 of 1,9% duurder as in Desember 2022. Voedseluitgawes het toe 32,6% van algehele huishoudelike uitgawes vir gesinne wat op welsynstoelaes staatmaak, uitgemaak, teenoor 32% die maand vantevore. – BFAP 1,3% Die inkrimping van die land se ekonomie met 1,3% in die vierde kwartaal van 2022 was ’n skok, ná kenners vroeër verwag het die bruto binnelandse produk (BBP) sou met minder as 0,5% krimp. Boonop het die landbousektor met 3,3% gekrimp weens lae produksiesyfers in tuinbou- en veldgewasse. Die landbou was een van die sektore wat volgens Statistieke SA bygedra het…

Anderkant die reënboog Dit is moeilik om presies te sê wanneer dit gebeur. Daardie eerste keer dat ’n jong boer op ’n skou of kongres jou “oom” noem. Die aanvanklike ongeloof daarvan. Jy voel dan nie ’n dag ouer as 28 nie! Aanvanklik staan jy dit teë, maar uiteindelik besef jy dit is ’n verlore saak wanneer jy die soveelste keer kapsie moet maak. Mettertyd begin jy eintlik jou “nuwe” rol geniet. Hoe lekker dit is om rustig by ’n braai te kan kuier. Die diep vrede wat die stilte van ’n woestyn of woud kan bring. Hoe bevredigend verhoudings met ou vriende kan wees. ’n Mens besef nie aldag hoe diep verandering werklik is nie. Net die ander dag lag ons lekker saam met ’n klomp Vrystaatse boere om…

MAAK STEM DIK OOR MINIMUM LOON Die minimum loon vir plaaswerkers is wat my betref nie net sleg vir die boer nie, maar ook vir die werkers. Hoekom met ek nou iemand wat ek pas aangestel het, dieselfde betaal as iemand wat al jare by my werk en die werk ken? Daar is soveel duisende werkloses wat vir minder as R25,42 per uur sal werk net om werk te kry. Met ander woorde, jy mag hom nie help deur hom byvoorbeeld R20 per uur aan te bied nie – dan is jy die vark in die verhaal. Hy moet liewer loop en bedel of steel as om ’n werk te hê wat minder betaal. Ek vra myself af: Kan ’n regering so kortsigtig wees? In die goeie oud dae kon…

Steenkool gaan deel bly van die energiemengsel in Suid-Afrika en die mense wat wens dit gaan weg, gaan teleurgesteld wees. Só het mnr. Gwede Mantashe, minister van minerale hulpbronne en energie, in sy openingstoespraak op onlangse Afrika-energie-indaba in Kaapstad gesê. “Ons gaan nie wegstap van steenkool nie, dit gaan nog vir baie jare met ons wees. Ons moet eerder begin belê in tegnologieë wat steenkool ‘skoner’ vir die omgewing maak.” Dit is ook nie net Suid-Afrika en die res van Afrika wat steeds steenkool gebruik om hul basislading te verstewig nie. Duitsland het volgens hom weer begin om van sy steenkoolkragsentrales in te span om krag op te wek weens die gevolge van die Russiese oorlog in Oekraïne. China bou nou 43 steenkoolkragsentrales, Japan bou 23 en Brittanje het volgens…