Landbouweekblad 24 February 2022

GROENER WEIVELDE. Beeste wei in lowergroen veld op dr. Wim en me. Corrie van Wyk se plaas Woudzicht Deel 3 naby Roadside in die distrik Vrede in die Vrystaat. Dit is een van die natste seisoene wat hulle nóg beleef het. Die Van Wyks boer met Bonsmara-beeste en die lande word uitgehuur vir mielie- en sojaboonverbouing. Hulle plant ook tef en oulandsgras aan wat nou vir wintervoer gebaal word. Verder het hulle olyf-, kersie-, pekanneut-, perske-, appelkoos-, appel-, vye- en kweperbome op die plaas en plant tamaties, kool, blomkool, spinasie, beet, uie en kruie vir eie gebruik in hul groentetuin. Daar is ook twee byekorwe en hulle hoop om voor die einde van die jaar die eerste Woudzicht-heuning te bottel.…

DR. ANTHONY TURTON, ’n waterkonsultant, sê Suid-Afrika is nie bloot waterskaars nie, maar het ook ’n waterbeperkte ekonomie. En damme is nie vir die land die toekoms nie, want die water in ons riviere raak ál minder. “In 2002 het die nasionale waterhulpbronstrategie getoon die water in al ons riviere is 53 biljoen kubieke meter per jaar. Daardie hoeveelheid is vandag af na 48 biljoen. Hoofsaaklik vanweë klimaatsverandering. Dit word warmer en droër en ons kry meer gekonsentreerde gebeurtenisse – ’n enorme hoeveelheid water in ’n kort tydperk en dan lang tye van niks.” Dit het ook ’n uitwerking op oppervlakverdamping. “Ons verloor meer water as wat ons opberg. Die Vaaldam verloor meer water aan verdamping in 11 maande as wat onder natuurlike omstandighede invloei. Dieselfde met die Hartbeespoortdam. Trouens,…

‘As die vraag na kunsmis verminder omdat boere minder mielies aanplant, kan dit die prys laat daal.’ MNR. CORNÉ LOUW, senior ekonoom van Graan SA, oor vooruitsigte vir insetkoste. Bl. 17 ‘Ons beskou dit as ’n nasionale krisis.’ MNR. GERHARD SCHUTTE, voorsitter van die nasionale dieregesondheidsforum, oor die voortslepende entstoftekorte. Bl. 22 ‘Die produkte wat die grootste vraag van EUverbruikers geniet, naamlik organiese lemoene en lemoene wat nie chemies behandel is nie, sal nie beskikbaar wees nie. ’ MNR. DEON JOUBERT van die Suid-Afrikaanse Sitruskwekersvereniging, oor die gevolge van nuwe invoerregulasies in die Europese Unie vir Suid­Afrikaanse sitrus. Bl. 24 ‘Daar was gronderosie en die grond was soos poeier. Ons moes beter doen as dit.’ MNR. HANNES OTTO, stigterslid van die Ottosdal-geenbewerkingsklub, oor hoekom hy na hierdie landboumetode oorgeslaan het. Bl. 20 ‘Ek meen hier is geleenthede wat…

GEHEIME WAPENS ’n Temperatuur- en humiditeitsgereguleerde kamer wat weekliks ongeveer 400 000 steriele manlike vrugtevlieë lewer, is onlangs deur Fruit Fly Africa op Kakamas geopen. Die steriele vlieë word op 23 plase in die Blouputs-, Kakamas- en Narries-omgewing vrygelaat. Fruit Fly Africa produseer sowat 65 miljoen steriele manlike vrugtevlieë per week op Stellenbosch. Dié vlieë word per helikopter of met die hand oor ongeveer 41 500 ha in die Wes- en Noord-Kaapse vrugtegebiede versprei. Die doel is om die wilde vrugtevliegbevolking te onderdruk en só vruggehalte te verbeter. Op die foto laat me. Marelise Dormehl, moniteerder en Fruit Fly Africa-beampte in die Noord-Kaap, van die steriele vlieë in ’n wingerd vry. DIE WIEL DRAAI Sewe sleutelfigure in ’n beweerde boekhouskandaal by die genoteerde suikermaatskappy Tongaat Hulett is op 10 Februarie in die Durbanse…

19,1% Hernubare elektrisiteitsbronne het op 1 November 2021 ’n geskiedkundige hoogtepunt van 19,1% van Suid-Afrika se totale elektrisiteitsvoorsiening bereik. Op 13:00 daardie dag was 4 784,1 MW van hernubare bronne. Die algehele kapasiteit van die land se hernubare elektrisiteitsprojekte is 5 901 MW, wat beteken op daardie dag was 81% van die kapasiteit beskikbaar, vergeleke met Eskom se algehele beskikbaarheid van 63% in die jaar tot Maart 2021. — Moneyweb 559 Daar is in Januarie 559 trekkers verkoop, teenoor 465 in Januarie 2021, ’n styging van sowat 20%. Een minder stroper is in Januarie verkoop – 4 teenoor die 5 in Januarie 2021. Mnr. Karel Munnik, voorsitter van die Suid-Afrikaanse Landboumasjinerieassosiasie (Salma), sê die verwagting is voorlopig dat trekkerverkope soortgelyk sal wees aan dié in 2021, en dat stroperverkope 10% laer kan wees,…

Dit bly maar ’n onverteerbare feit: Die ekonomie van Botswana en Mauritius is albei plooibaarder en beleggersvriendeliker as dié van Suid-Afrika. Hoekom kyk ons dan nie hoe ons bure dit regkry nie? Pieter Taljaard, uitvoerende hoof van Graan SA, vertel my onlangs hoe hy ’n bietjie gaan oplees het oor wat ekonomiese vryheid nou eintlik beteken. Hoe dit die basiese reg van enige individu is om te werk, te vervaardig, te verbruik en te belê soos hy of sy goeddink. Verbeel jou net die EFF begin sy naam gestand doen en begin baklei vir regte ekonomiese vryheid, merk Pieter met ’n skalkse glimlag op. Natuurlik moet daar perke wees op hoe ver ekonomiese vryheid kan strek. Die gevaar wanneer wins tot elke prys nagejaag word, word goed vasgevang in die uitstekende dokumentêr…