Landbouweekblad 24 March 2022

REGUIT LAND TOE. Die 8R-trekker van John Deere was een van die trekpleisters op die Commodity Classic-landbouskou wat van 8 tot 10 Maart in New Orleans, Amerika, gehou is. Dit is die wêreld se eerste trekker met ’n ten volle elektroniese ratkas (EVT). Die ratkas se elektroniese skakeling met die eindaandrywing beteken dat daar geen wringkrag verlore gaan tussen die enjin, die ratkas en die wiele nie, soos die geval is by trekkers met normale ratkaste. Al die trekker se wringkrag is dus onmiddellik beskikbaar vir die werk wat gedoen moet word. Die trekker word aangedryf deur ’n negeliter- John Deere Power Tech-enjin wat 302 kW opwek en wringkrag van 1 851 Nm lewer.…

Die Rusland-Oekraïne-oorlog kan Afrika nadelig beïnvloed wat landbouproduksie en voedselsekerheid betref omdat albei lande belangrike graanuitvoerders na Afrika is. Afrikalande het in 2020 landbouprodukte van $4 miljard (R60,21 miljard) uit Rusland ingevoer. Koring het 90% daarvan uitgemaak. Oekraïne het in 2020 landbouprodukte van $2,9 miljard (R43,5 miljard) na Afrika uitgevoer. Hiervan was 48% koring en 31% mielies. Terwyl Egipte die grootste koring-invoerder van Rusland en Oekraïne is, voer Libië, Soedan, Nigerië, Tanzanië, Algerië, Kenia en Suid-Afrika ook grootskaals koring uit Rusland en Oekraïne in. Teen vroeg Maart, ná die Russiese inval in Oekraïne, het mieliepryse met 21% gestyg, koring met 35% en sojabone met 20%. In die Sahel en Wes-Afrika alleen het 26 miljoen mense nie toegang tot genoeg kos nie. ’n Langer oorlog en die ontwrigting van landbouhandel sal pryse beduidend…

‘Moenie ná ’n jaar of drie sê jy gooi tou op, want dekgewasse werk nie. Hou aan vra en soek.’ DR. ADEMIR CALEGARI, dekgewasspesialis en landboukundige van Brasilië, oor die oorgang na herlewingslandbou. Bl. 20 ‘ ’n Paar hektaar was onder diesel en ’n mens sal nooit weer daarop kan plant nie.’ MNR. JAN VAN NIEKERK, ’n boer van die Harrismith-Verkykerskop-omgewing, oor ’n lekkasie uit Transnet se dieselpyplyn. Bl. 21 ‘ ’n Grondboontjieplant is geneig om te kompenseer. Ons sien nou dat presies dit gebeur en daar is ’n kans dat jou tweede drag vir jou meer peule kan gee as normaal.’ MNR. KIERIE BARNARD, chemikalie-en-voedingsraadgewer by Midchem NWK, oor hoe grondboontjie-aanplantings herstel ná ’n swak begin weens swaar reën vroeër die seisoen. Bl. 19 ‘Dit is nie kloon soos wanneer eenderse wingerdstokkies gemaak word of…

DIÉKANT TOE Die afgeskeepte en onleesbare padborde op die agterpaaie in die Grootrivierpoort-omgewing in die Oos-Kaap het mnr. Ernie Deyzel, boer van Steytlerville, só gepla dat hy ’n foto daarvan op ’n Facebookgroep vir 4x4-ryers geplaas en borge gevra het. Mnr. George Schaaf, eienaar van LA Sport 4x4 Megastore in Gqeberha, het dit raakgesien en aangebied om die borde te borg. Die pad verby Deyzel se plaas, Schuinspad, is die hoofroete vir mense wat veldry deur die Grootrivierpoort. Lees meer by bit.ly/3tUaMMd. KORINGKOMMER Die toestand van China se winterkoring kan die swakste in die geskiedenis wees, volgens mnr. Tang Renjian, die Chinese minister van landbou en landelike sake. Reuters berig hy het gesê ongewoon swaar reën verlede jaar het die aanplanting van sowat ’n derde van die gewone koringhektare vertraag. Volgens ’n opname…

798 In Februarie is 798 trekkers verkoop, wat 20% meer is as die 665 eenhede wat in Februarie 2021 verkoop is. Vir die jaar tot dusver is trekkerverkope ook 20% meer as die ooreenstemmende tyd in 2021. Daar is ook 19 stropers verkoop, vyf meer as die 14 wat verlede Februarie verkoop is. Vir die jaar tot dusver was stroperverkope 21% hoër. Dit sal ’n ruk duur om die effek van die konflik tussen Rusland en Oekraïne op die plaaslike landbou- en landboumasjineriebedrywe te evalueer. – SA Landboumasjinerieassosiasie 40% Termynkontrakte vir koring in Chicago het in die tweede week van Maart met 40% gestyg – die grootste styging ooit, tot die hoogste vlak in 14 jaar weens ontwrigtings wat wêreldwyd in koringvoorsiening veroorsaak is deur die Russiese inval in Oekraïne. In Parys het…

Dit sal nie die sterkste of die slimste spesie wees wat uiteindelik oorleef nie, maar die een wat die beste kan aanpas. Só het Charles Darwin, die vader van evolusie, gemeen. Ek het baie oor dié stelling oor aanpasbaarheid gedink terwyl ek die afgelope twee weke deur die somersaaigebiede van die Vrystaat en Noordwes gereis het. Op Graan SA se kongres was daar die ongemak oor stygende kunsmispryse. As een van die wêreld se grootste verskaffers van kunsmis het internasionale sanksies Rusland vir alle praktiese doeleindes uit die verskaffingsprentjie gehaal. Oekraïne (en Rusland) se reusekoringoeste is nou ook in die weegskaal, asook hul ander graanen oliesaadoeste. Brandstofpryse styg, en daarmee saam kunsmispryse. Alles wat vervoer moet word, soos kos, sal dus duurder word. Die kwesbaarheid van Suid-Afrika se landbou is nog selde…