Landbouweekblad 25 August 2022

BEKYK DIE GRONDPROFIEL BEHOORLIK. Daar is deesdae heelwat tegnologie om metings in die grond te doen, maar geen boer kan die hele prentjie sien sonder om ’n paar keer deur die seisoen ’n profielgat in die werksry te grawe nie, sê dr. Pieter Raath (in die profielgat) van Labserve. Raath het op Landbouweekblad en Charl Baard Landbouprodukte se boeredag by Kakamas gesê ’n profielgat gee ’n aanduiding van grondvoorbereiding en waar ’n boom of stok se wortels is. Dit help met doeltreffende besproeiing. ’n Profielgat moet groot en diep genoeg wees en taamlik naby aan die boom of stok wees om ’n ordentlike prentjie van die profiel te kry.…

’N BELANGRIKE pluspunt van Operasie Vulindlela, die gesamentlike eenheid van die presidensie en tesourie wat einde 2020 gevorm is om lank beloofde strukturele hervormings van die regering aan te help, is dat dit ’n mate van momentum gee aan ’n sukkelende hervormingsproses. Al stuur sommige ekonome nou gunstige boodskappe aan hul kliënte oor die groeipotensiaal van dié hervormings, gaan dit lánk duur vir die eenheid om sy doelwitte te bereik. So byvoorbeeld is die hervormings wat pres. Cyril Ramaphosa se nuwe nasionale energiekrisiskomitee moet toepas, presies dieselfde wat Vulindlela moes laat gebeur het toe hy ingestel is. Drie jaar later het die doelwit, “om die “energiebeskikbaarheidsfaktor tot meer as 70% te verbeter”, verder teruggesak – op ’n goeie dag staan dit nou op 60%. Die strukturele hervormings op Vulindlela se…

‘Die beweging van mense van ’n besmette plaas na onbesmette plase het ’n groot rol in die verspreiding gespeel.’ DR. GIDEON BRÜCKNER, wêreldkundige oor bek-enklouseer, oor die Camperdownuitbreking van bek-en-klouseer in 2000, en raakpunte met die huidige uitbreking. Bl. 19 ‘Hulle (is) deur Europese kwekersverenigings wysgemaak dat Suid-Afrikaanse lemoene sekere EU-lande se bedrywe bedreig.’ MNR. JUSTIN CHADWICK, uitvoerende hoof van die Suid-Afrikaanse Sitruskwekersvereniging, oor die rede vir maatreëls wat lemoenuitvoer na Europa bedreig. Bl. 16 ‘Dit maak nie sin dat ’n burger van ’n ander land wat onwettig in Suid-Afrika is, die reg het om op borgtog vrygelaat te word nie.’ DR. JANE BUYS, veiligheidsrisiko-ontleder by Vrystaat Landbou, oor ’n skuiwergat wat buitelandse misdadigers in Suid-Afrika hou. Bl. 21 ‘Oesverliese van tot 5% per dag kan voorkom met intense watertekorte…

VERLIGTING? Die tyd sal nog leer, maar teen druktyd was daar aanduidings dat brandstofpryse in September waarskynlik sou daal. Mnr. Dawie Maree, hoof van inligting en bemarking by FNB Landbou, sê data vir die eerste 10 dae van Augustus dui op ’n oorverhaling op alle brandstofprodukte – R2,41/liter vir diesel met 0,05% swael, R2,36/liter vir diesel met 0,005% swael, R2,68/liter vir 95 oktaan-petrol en R2,54/liter vir 93 oktaanpetrol. Hoewel die olieprys én wisselkoers kan verander, was die olieprys reeds aansienlik laer as die $120/vat wat dit in Junie bereik het. LAAG Damvlakke in die Wes-Kaap was teen druktyd heelwat laer as gewoonlik ná teleurstellende winterreënval. Die vernaamste damme in die provinsie was net sowat 75% vol, teenoor 97,2% ’n jaar vantevore. Theewaterskloof, die provinsie se grootste dam, het ’n jaar…

WZ 14-52 Jumbo, ’n Boran-bul van Hurwitz Farming, het ’n verbysterende R2,3 miljoen behaal op dié onderneming se agtste produksieveiling op 6 Augustus. Die vorige rekordprys vir ’n Boran-bul was R1,7 miljoen. Die kopers was mnre. Carlo en Arturo Cuturi van Mutanda Farms in Zambië. Mnr. Simeon Hurwitz, eienaar van Hurwitz Farming, beskryf Jumbo as “’n fenomenale, fenotipies moderne Boran met die korrekte struktuur”. Jumbo weeg 860 kg en het volgens Hurwitz die perfekte balans tussen spiere en die ideale beenstruktuur. Benewens die regte voorkoms het hy ook baie goeie syfers ten opsigte van teelwaarde. Lees meer by bit.ly/3pkt73m.…

7% Kenia het China versoek om ’n 7%-invoerbelasting op Keniaanse avokado’s te skrap. Dit kom ’n week ná Kenia toegang tot die Chinese mark vir sy avo’s beding het. Altesaam 15 Keniaanse maatskappye mag daarheen uitvoer. Kenia se tuinboudirektoraat meen die belasting maak Keniaanse vrugte minder mededingend op die Chinese mark. Voorheen kon Kenia weens vrese vir plae net bevrore vrugte daarheen uitvoer.— Nation Media R170 miljoen 13 Protesoptogte vir hoër lone en teen buitelandse werkers in die Sondagsriviervallei vroeër vanjaar het tot bykans R170 miljoen se skade gelei. Mnr. Grewar Oosthuizen, ’n raadslid van Agri Oos-Kaap en verteenwoordiger vir die Gamtoos-boerevereniging, het op die kongres van Agri Oos-Kaap gesê dit begin nou die norm raak vir ontevrede landsburgers om tydens protesoptogte paaie af te sper, bande te brand en…