Landbouweekblad 28 April 2022

GROEN GESKENK. Die Kalahari, wat die afgelope nege jaar uitgedor was, se groen kleed ná die milde reënseisoen het boere om die Witsandnatuurreservaat tussen Olifantshoek, Griekwastad en Groblershoop in die Noord-Kaap dankbaar gelaat. Volgens me. Machel van Niekerk, wat al 34 jaar saam met haar man, Deon, op die plaas Morgenswacht met beeste, skape, bokke, Arabierperd-kruisings en Miniatuurperde boer, sê hulle is verheug oor die 400 mm reën, teenoor die gemiddelde reënval van 250 mm. Sy sê die eenjarige grasse gedy, maar diere kon ook aan meerjarige grasse vreet. Dit sal sowat drie tot vier jaar duur vir die plantegroei om ná die droogte heeltemal te herstel.…

TRANSNET het vroeg vandeesmaand ’n beroep om aanbiedinge uit die private sektor gedoen om 16 tydgleuwe op twee vraghouerspoorlyne (Gauteng na Durban en Gauteng na Oos-Londen) te bedryf. Dié tydgleuwe sal vir ’n gidsperiode van 24 maande, van 2022 tot 2024, geldig wees en het kommer laat ontstaan by voornemende deelnemers dat honderde miljoene rande se beleggings deur derde partye tevergeefs sal wees, omdat dit onwaarskynlik is dat belangstellendes sal belê in toerusting wat 30 jaar sal hou, net om ’n kontrak van twee jaar te bekom. Me. Mesela Nhlapo, uitvoerende hoof van die Afrika-treinnywerheidsvereniging (Aria), sê daar sal dus baie min treine beskikbaar wees vir die gidsprojek, en dit sal in effek beperk wees tot ongebruikte treine waarvoor daar voorheen aansoek gedoen is in ander projekte. Aria maak ook beswaar…

‘Die meeste van die nat Aprilmaande wanneer ’n La Niñaverskynsel teenwoordig was, is gevolg deur ’n Mei met bogemiddelde reënval.’ MNR. JOHAN VAN DEN BERG, ’n onafhanklike landbouweerkundige, oor die buitensporig baie reën wat in die aanloop tot druktyd geval het. Bl. 17 ‘Ons het baie in die plase belê, dus is dit jammer dat die probleme in die verskaffingsketting die besighede se winsgewendheid geknou het.’ MNR. JOHANN LE ROUX, uitvoerende hoof van Zeder, oor verliese in die groep se varsprodukte-besighede. Bl. 19 Moenie anderpad kyk nie, gee aandag aan die probleme wat opduik. MNR. DAWIE MAREE, hoof van inligting en bemarking by FNB Landbou, oor hoe om finansiële probleme en kommunikasie met jou bank te benader. Bl. 21 ‘Die belangrike kwessies rondom die mark word net eenvoudig nie geprioritiseer nie.’ ME. THERESA FREDERICKS. voorsitter van die…

GOUE OUE KEER TERUG Teen 13 April was alle uitstalruimtes vir landboumasjinerie-, werktuie en ander toerusting vir die 2022 Royal-skou in Pietermaritzburg reeds uitverkoop. Die skou kon die afgelope twee jaar nie plaasvind nie weens inperkings teweeggebring deur die covid-19-pandemie, maar vind weer vanjaar van 27 Mei tot 5 Junie plaas. Die organiseerder, mnr. Terry Strachan, die uitvoerende hoof van die Royal Agricultural Society of Natal, sê dié vereniging vier ook vanjaar sy 170ste bestaansjaar. Hierdie foto is in 2019 geneem. RAMPSPOEDIG Die ongekende storms wat KwaZulu-Natal rondom 12 April getref het, was weens die same-loop van twee faktore, skryf mnr. Mike Berridge op die Facebook-groep Weather Today – Southern Africa. Die eerste was die samevloei van uiters vogtige winde binne ’n laagdrukstelsel en gevolglike vinnige styging van dié vogtige lug, soortgelyk aan…

$1,5 miljard Oekraïne het teen vroeg vandeesmaand reeds $1,5 miljard (sowat R21,86 miljard) se verliese aan graanuitvoer gely weens die Russiese inval in die land. Pakhuise in dié land is vol graan wat nie uitgevoer kan word nie omdat Rusland toe-gang tot die Swartsee, die land se hoof-uitvoerroete, blokkeer, en vragmotors staan stil omdat die meeste vragmotorbestuurders mans in die ouderdom van 18 tot 60 is, wat nie die land mag verlaat nie. — New York Times 400-500 Die Duitse afslagsupermark Lidl het luidens berigte sy eie skeepsvragmaatskappy gestig om die internasionale logistiekkrisis die hoof te bied. Na berig word, het die maatskappy kapasiteit vir ’n weeklikse volume van 400 tot 500 twintigvoet-ekwivalente eenhede. Die maatskappy het ’n aansoek by die Europese handelsmerkkantoor ingedien om ’n maatskappy Tailwind Shipping Line te registreer. Dit…

Dit lyk of daar groot en fundamentele veranderinge aan die kom is in die landbou. ’n Druk van die herstelknoppie, of ’n algehele reset, soos die Engelse daarna verwys. Hierdie ingrypende veranderinge was reeds besig om spoed op te tel nog voor die Russe Oekraïne binnegeval het. Die inval het nie net een van die wêreld se landboureuse ontwrig nie, maar die beduidende bydrae wat Rusland se olie, gas en kunsmis gelewer het om die ratte van die wêreld se landbou aan die draai te hou, is ook daarmee heen. Vandag is daar die onrusbarende styging in kunsmispryse, glifosaattekorte wat ’n toemenende oorspoeleffek op die prys van ander plaagdoders het, en brandstofpryse wat buite beheer is. Laasgenoemde word vererger deur die feit dat Suid-Afrika feitlik ál sy raffineringskapasiteit verloor het. Dan is daar…