Landbouweekblad 30 March 2023

BESTE BONDGENOOT. Op Landbouweekblad se herlewingslandboukonferensie by Ottosdal op 16 Maart het belangstellendes die geleentheid gehad om op die plaas van mnr. Magnus Theunissen van naderby te beskou hoe sy beeste smul aan die dekgewasse in ’n geëlektrifiseerde kamp. Die omheinings word ná ’n sekere tydperk geskuif om die beeste toegang tot die volgende blok dekgewasse te gee. Sowat 250 mense het dié dag bygewoon, en kon luister na onder andere die gerekende Amerikaanse herlewingsboer mnr. Rick Clark en mnr. Cobus van Coller, herlewingsboer van Viljoenskroon, wat reeds in 2005 sy boerderypraktyke begin aanpas het om minder grondbewerking te doen. By Reitz op 13 Maart het amper 400 mense die herlewingslandboukonferensie daar bygewoon. DIE ANDER SÊ EERDER as om iets te doen aan die endemiese rompslomp van die staatsdiens, of…

ONVOLDOENDE Pres. Cyril Ramaphosa se ramptoestand teen beurtkrag is te breed — “soos ’n blanko tjek sonder spesifieke doelwit”, het mnr. Chris Yelland, energiekenner van EE Business Intelligence, op die onlangse simposium van die Graanhanteringsorganisasie van Suid-Afrika gesê. Om die kragkrisis op te los, is vinnige optrede nodig. “Ek was vroeër ’n voorstander van ’n ramptoestand, maar die huidige een stel teleur. Só ’n toestand verg deeglike beplanning vooraf met spesifieke take en doelwitte wat binne ’n bepaalde tyd bereik moet word,” het hy gesê. TOEKOMSGERIG Van die afgevaardigdes op die onlangse jaarkongres van Graan SA was 53% jonger as 45 en 5% was jonger as 25. Mnr. Derek Mathews, voorsitter van Graan SA, sê hulle probeer hard om die jonger produsente te betrek en Graan SA is dankbaar dat…

13,5% Suid-Afrika sal na verwagting vanjaar 13,5% minder sitrus uitvoer as verlede jaar. Die Sitruskwekersvereniging sê sowat 142 480 652 kartonhouers sitrus sal uitgevoer word, teenoor 164,8 miljoen kartonhouers verlede jaar. Selfs daardie syfer was 5,7 miljoen minder as aanvanklik verwag, en slegs een uit elke vyf sitruskweker het ’n wins met hul uitvoer gemaak. Dit was onder meer weens die skerp toename in insetkoste en verskepingspryse. – Michelle van der Spuy 20 In Februarie vanjaar is 20 meer stropers verkoop as in Februarie 2022 — 39 teenoor 19. Vir die jaar tot dusver is 55 stropers verkoop, teenoor 23 in die eerste twee maande van 2022. Daar is 781 trekkers verkoop, wat 14 of 1,8% minder is as die 795 verlede Februarie. Vir die jaar tot dusver staan trekkerverkope…

Anderkant die reënboog Daar’s niks meer bevredigends as ’n oplossing nie. Daardie plaasprobleem wat jou nou al maande lank soos ’n klip in die skoen pla. Miskien is dit hoe om bale vinniger te laai, water verder te pomp of kunsmis beter te gebruik. Weke lank ontwyk ’n oplossing jou. Dan skielik, gewoonlik in ’n rustige oomblik, kom dit na jou. Miskien een middag terwyl jy in die warm sonnetjie in die bakkie sit en wag vir werkers. So duidelik soos daglig en gewoonlik veel eenvoudiger as wat jy gedink het. En as daar één ding is wat ons boere kan doen, is dit oplossings vind. Gaan kyk ’n bietjie op bl. 28 na die twee verstommende grafieke wat prof. Johan Willemse vandeesweek in sy rubriek gebruik. Van ál die…

GERESPEKTEERDE REGBANK? WENBRIEF ’n Vriend sê die ander dag dat dit vervelig raak as mense telkens kerm oor alles in Suid-Afrika wat in duie gestort het of op pad is daarheen. Die lys is te lank en dit is makliker om die paar te noem wat nog werk. Hy noem dan onder meer die parlement en howe wat nog goed funksioneer. Wat die parlement betref, het die vriend natuurlik nie geweet dat sekere instellings deesdae maklik daarin slaag om die parlement se oorsigfunksie te systap en daarmee weg te kom nie. Om slegs twee voorbeelde te noem: ■ Op 19 Februarie 2020 ontduik die voorsitter en uitvoerende hoof van die staatsdienspensioenfonds die staande komitee oor finansies en beantwoord nie 74 vrae deur lede van die komitee nie. Sommige vrae het…

Die wêreld staan voor ’n kruispad wat voedselsekerheid betref. Opstande oor kos wat skaars en duur word, kan ook Suid-Afrika se voorland wees. Die risiko dat lande nie genoeg voedsel kan produseer nie, raak al hoe groter, het mnr. Sam Rolland, direkteur van die Sub Saharan Economist Intelligence Corporate Network, op Graan SA se jaarkongres op Nampo-park gesê. “Wanneer ’n bevolking honger is, is die mense kwaad en gevaarlik. Hulle stem met hul voete — gewoonlik vir die party wat die hardste skree, maar nie noodwendig saam met die private sektor sit om oplossings vir die krisis te vind nie.” Die Suid-Afrikaanse landbousektor moet gelukgewens word dat hy die een sektor van die plaaslike ekonomie is wat die meeste sedert die pandemie gegroei het, maar die land sal steeds planne…