Landbouweekblad 31 March 2022

VLEILAND-REDDING. ’n Span van die Gamtoosbesproeiingsraad in die Oos-Kaap is besig om ’n skanskorf van 120 m3 in die Krommerivier op te rig onder leiding van mnr. Edwill Moore, gebiedsbestuurder van die raad, om verdere erosie van vleilande te bekamp. Dit is deel van die raad se pogings om namens die departement van bosbou, visserye en omgewingsake die waterhouvermoë van belangrike damme rondom die Nelson Mandelabaai-gebied te verbeter deur die vleilande na hul natuurlike toestand te herstel. Vleilande dien as ’n spons vir water. Van die opvangsgebiede waarin daar die afgelope boekjaar sulke werk gedoen is, sluit in dié van die Churchill- en Mpofodam, en die Kouga-opvangsbied wat in die Kougadam invloei.…

DIE opsporing en monitor van voetganger-sprinkaanswerms is die doeltreffendste manier om sprinkaan-uitbrekings hok te slaan, sê prof. Frances Duncan, hoof van die skool vir diere-, plant- en omgewingswetenskappe aan die Universiteit van die Witwatersrand. “Ons het ’n beter begrip van sprinkaangedrag nodig sodat ’n beter strategie vir doeltreffende bestryding ontwikkel kan word.” Duncan meen toegespitse bespuiting van rustende swerms het ’n minder nadelige effek op die omgewing se ekologie as die lugbespuiting van volwasse sprinkane. Voetgangers beweeg 1-2 km per dag, en oornag in bosse. Deur vroegoggend chemikalieë op dié bosse te spuit, kan die meeste van hulle doodgemaak word. Daar is egter beperkte monitering van die Karoo weens die yl bevolking en groot plase. “Wanneer die voetgangers volwasse raak, kan hulle vlieg en groter afstande aflê. Die bruinsprinkaan is uniek deurdat…

‘Waarom kan ons nie meer selfvoorsienend wees as ons oor hierdie hulpbronne beskik nie?’ MNR. CORNÉ LOUW, senior ekonoom by Graan SA, oor die onderbenutting van Suid-Afrika se kapasiteit om kunsmis te vervaardig. Bl. 18 ‘Ná covid-19 is almal bekommerd oor wat hulle eet, en dit maak ons saak so bemarkbaar.’ MNR. JUNIOR HERHOLDT, boer van Philadelphia, oor die relevansie van herlewingslandbou. Bl. 16 ‘Kyk eerder rond wat jy daar op die plaas het wat jy kan aanpas as om dadelik ’n nuwe werktuig te koop.’ MNR. ADRIAN BIGNELL, boer van Mazabuka in Zambië, oor hoe om die oorgang van konvensionele tot herlewingsboerdery te maak. Bl. 17 ‘Wees net behoorlik voorberei voordat jy enige rigting inslaan. Kry professionele hulp oor SEB, indien nodig. Dit is ’n baie mededingende en ingewikkelde omgewing.’ MNR. MELCUS NEL, direkteur van die…

R40/L ‘BUITE DIE KOL’ Al voorspel sommige doemprofete dat brandstofpryse in April R40 per liter kan bereik, meen mnr. Dawie Maree, hoof van inligting en bemarking by FNB Landbou, dié bedrag is “ver buite die kol”. Volgens 15 Maart se syfers was die onderverhaling vir brandstof sowat R2,15 per liter vir petrol en R2,94-R3,08 per liter vir diesel. As dit bygetel word by die huidige petrolprys van sowat R22 per liter, is die nuwe beraamde prys sowat R25 per liter. Vol-gens hom maak die wisselkoers tans net 2c van die huidige onderverhaling uit. Die res is as gevolg van hoë internasionale produkpryse weens die konflik tussen Oekraïne en Rusland. MET ’N KLANKIE Suid-Afrikaanse Brouerye (SAB) gaan binnekort beesmis gebruik om energie op te wek danksy ’n ooreenkoms met Bio2Watt, ’n maatskappy in be-sit…

Dié mielieland op die plaas van mnr. Pieter Vos by Vosburg in die Noord-Kaap is kaalgevreet deur die sprinkaanplae wat ál wyer in die Noord-, Oos- en Wes-Kaap versprei. Teen druktyd het dit boonop geblyk dat die gif waarmee die sprinkane bestry moet word, byna op is, met min reserwes oor, volgens me. Andrea Campher, risiko-en-rampbestuurder van Agri SA. “Volgens ons bronne is die laaste reserwes van die 600 000 liter gif wat in Desember vir bespuiting afgelaai is, amper gedaan. Ons moedig alle distriksprinkaanbeamptes aan om met die departement van landbou, grondhervorming en landelike ontwikkeling, of die georganiseerde landbou te skakel sodat ons kan bepaal waar daar nog gif is en dit so doeltreffend moontlik kan aanwend.” Lees meer by bit.ly/3KPsc3s en hou Landbou.com dop vir nog inligting.…

80% Die landbousektor kry danksy die dieselrabat 80% van die brandstofheffing terug. Dié heffing behels R3,85 per liter vir petrol en R3,70 per liter vir diesel. Om dié heffings te skrap, sal dus geringe verligting vir die landbousektor bring, sê mnr. Dawie Maree, hoof van inligting en bemarking by FNB Landbou. Dit sal egter die sektore wat die landbou bedien, help en verbruikers se besteebare inkomste ’n hupstoot gee. — Michelle van der Spuy R217 000 ’n Hof in Hereford, Brittanje, het ’n skaapdief gelas om £11 000 (R217 220) aan sy slagoffers terug te betaal. Mnr. Daniel Smith (26) het skuld beken op klagte dat hy meer as 600 skape van November 2020 tot Januarie 2021 gesteel het. Die hof het bevind Smith het £11 000 se voordeel uit die diefstal getrek. Indien…