Landbouweekblad 5 Januarie 2023

IN ’N BLIK DIE wetsontwerp vir ’n waterinfrastruktuuragentskap stel ’n entiteit in staatsbesit en -beheer in die vooruitsig om dié tipe infrastruktuur te administreer, te finansier, te verskaf, te bedryf en te onderhou. Hoewel dit belangrik is om nuwe grootmaat-waterinfrastruktuur te bou en bestaande infrastruktuur te onderhou, ontstaan die vraag of só ’n entiteit hierdie reusetaak spoedig en doeltreffend kan verrig sonder steun uit die private sektor. Daar is potensiële voordele daaraan verbonde om só ’n agentskap te stig. Die Trans-Caledon-tonnelowerheid (TCTA) het hom goed van sy taak gekwyt en gaan by die nuwe entiteit ingeskakel word, en daar word gehoop dat verkrygings- en aanstellingsprosesse van dié owerheid breër toegepas kan word. Daar is egter kommer oor die finansiële implikasies van die TCTA se sluiting en die vestiging van die…

EINDE VAN ’N ERA Die Royal-skou, wat vir 120 jaar op die Royal-skouterrein in Pietermaritzburg aangebied is, vind van vanjaar af plaas op die Mount Verde Estate in Hilton. Die skou se nuwe tuiste is die Mount Verde Equestrian Centre, ’n perseel van 8 ha met onderdak-vloerruimte van meer as 2 200 m2 en verskeie arenas. Mnr. Terry Strachan, uitvoerende hoof van die Royal Agricultural Society (RAS) wat die skou aanbied, sê saam met die skuif sal die genootskap terugkeer na sy landbouwortels. Mount Verde is ’n boerdery-landgoed op 2 500 ha wat bestaan uit plase van 2 ha tot 90 ha. Die skougenootskap werk nou saam met die uMngeni-munisipaliteit en hoop om sinergieë met alle belanghebbendes in dié gebied te bewerkstellig. VIR PAKKERS Om in die behoeftes van Suid-Afrika…

5,7 miljoen Die Suid-Afrikaanse sitrusbedryf het die afgelope jaar 5,7 miljoen kartonhouers minder uitgevoer as verwag, al was dit 3,2 miljoen meer as in 2021. Sitrus waarvan die uitvoervolumes gedaal het, is pomelo’s (800 000 kartonhouers minder teen 16,7 miljoen) en valencia-lemoene (1,2 miljoen kartonhouers minder teen 53,8 miljoen). Daar is 3,6 miljoen meer kartonhouers suurlemoene uitgevoer as verlede jaar, wat 2,4 miljoen meer is as verwag. – Fredalette Uys 12,8% Voedselprysinflasie was in November 12,8%, wat 0,5% hoër was as in Oktober. Die inflasiekoers vir olies en vette was 24,8%, wat 1% laer is as in Oktober. Die enigste voedselkategorie waarvan die inflasiekoers laer as die verbruikersprysinflasie van 7,4% was, was vrugte, teen 1,7%. Die koers vir brood en grane was 19,9%, vir melk, eiers en kaas 10,9%, en…

Anderkant die reënboog Ná die feestyd is ’n mens se tenk hopelik ’n bietjie voller. Tyd met die familie en ’n lekker braai of twee help darem altyd om ’n bietjie perspektief te gee. Eskom gooi ongelukkig ’n redelike skaduwee oor enige optimistiese vooruitsigte wat jy vir 2023 oor die feestyd opgebou het! Laas jaar het Suid-Afrika die ergste beurtkrag nóg ervaar. ’n Verlammende 3 300 uur van geen krag teen gemiddeld fase 2. Akkumulatief is dit 138 dae sonder krag. Jy het met beurtkrag gaan slaap, en daarmee wakker geword. Dit is taai omstandighede om enige besigheid wat enigsins afhanklik is van krag, sinvol te bedryf. Melkerye, pakhuise, vleisverwerking, besproeiing — reg deur die bank tref dit swaar. En die diesel vir kragopwekkers is eenvoudig ook nie ’n volhoubare…

SKAAPBOERE EERSTE LINIE VAN PLAASVEILIGHEID? WENBRIEF In die begin 1970’s was daar sowat 33 miljoen skape in Suid-Afrika en sowat 22 miljoen mense. Die verbruik per kop van skaapvleis het in 1984-’85 ’n hoogtepunt van sowat 7 kg per jaar bereik. Daar is tans sowat 21miljoen skape, die menslike bevolking is sowat 60 miljoen, en die verbruik per kop beloop slegs 3,1 kg per jaar. Die slagprys van lammers was toe (1971-’72) sowat R1/kg, teenoor die huidige sowat R90/kg (volgens syfers van die staat). Verskeie faktore het bygedrae tot die verandering in bogenoemde syfers, waarvan probleemdiere, veediefstal, klimaatsverandering, deregulering en verbruikersgedrag (wat saamval met ekonomiese faktore en politieke veranderings) die belangrikste is. In LBW van 1 Desember 2022 gee Manie so ’n klein kykie in die “probleemwêreld” van die veeboer…

Die vrugtebedryf bevind hom vanjaar waarskynlik weer in onstuimige waters, sê mnr. Wayne Mudge, stigter en uitvoerende hoof van Cape Five, een van die eerste vrugte-uitvoermaatskappye wat ná deregulering gestig is. Lees meer op bl. 48. Vertel van jou gesin. Ek en Susan het in September ons 25ste huweliksherdenking gevier. Ons het drie seuns – Thomas (23), Daniel (20) en Joseph (17). Wat doen jy as jy nie werk nie? Ek is baie lief vir plante, veral fynbos. Ek bring dus graag tyd in die natuur deur, en kweek ook fynbos. Ek hou ook baie daarvan om te kook. Waar hou jy vakansie? Meestal in Suid-Afrika, maar ek is dol daaroor om oorsee te reis en verskillende kulture te ervaar. ’n Deel van die rede waarom ek so lief is…