Landbouweekblad 9 February 2023

IN ’N BLIK DIE Suid-Afrikaanse windkragvereniging (Sawea) wil hê internasionale kundiges moet help om die 23 windkragprojekte te red wat weens ’n gebrek aan netwerkkapasiteit in die hek geduik het in die regering se jongste verkrygingsronde vir onafhanklike hernubare krag. Bieërs in dié projekte het nagenoeg R100 miljoen daarin belê, maar daar is nie meer plek op die netwerk in die provinsies waar hulle geleë sou wees nie – die Noord-, Oos- en Wes-Kaap. Mnr. Niveshen Govender, uitvoerende hoof van Sawea, vra dat die regering ’n konsultant aanstel met ervaring van die bestuur van beperkte netwerke om Eskom te adviseer oor hoe dié projekte by die netwerk geïntegreer kan word. Volgens hom het Skandinawiese lande, Australië en Kalifornië soortgelyke probleme, en Suid-Afrika kan by hulle leer. Govender sê die bedryf…

SUURLEMOENSLAG Amerika beoog om teenstortingstariewe in te stel op suurlemoensap wat uit Suid-Afrika en Brasilië ingevoer word, berig News24. Dit volg op ’n ondersoek wat die Amerikaanse internasionale handelskommissie verlede jaar van stapel gestuur het. Suid-Afrika het in 2020 suurlemoensapkonsentraat ter waarde van $8,8 miljoen (R151 miljoen) na Amerika uitgevoer, sowat 6% van dié land se suurlemoensap-invoer vir daardie jaar. ’n Kaliforniese voedselverwerker, Ventura Coastal, het in Desember 2021 ’n klag by die handelskommissie ingedien. Hy het voorheen soortgelyke klagte teen Argentynse en Mexikaanse invoer gelê. RYPGEVAAR Tesame met verwagte ondergemiddelde reën in somergraangebiede in Suid-Afrika is daar ook ’n risiko van vroeë ryp, sê mnr. Johan van den Berg, onafhanklike landbouweerkundige. Buiten die verswakkende La Niña-weerverskynsel kan ’n bykomende versteuring in reënvalpatrone weens tropiese storms in die westelike Indiese…

90% Sowat 90% van Suid-Afrika se kern- en steenvrugte vir die uitvoermark word vanaf Kaapstad uitgevoer. Dié hawe funksioneer steeds nie optimaal nie, al verloop die uitvoerseisoen vanjaar beter as verlede jaar, volgens Hortgro. Die bedryf het verlede jaar groot verliese gely weens gebrekkige toerusting, trae arbeid, ongunstige klimaat, sabotasie, stakings en swak bestuur. Drie skepe kan nou al op ’n slag gelaai word, pleks van twee. – Lucille Botha R723 miljoen Onderbroke kragvoorsiening, wisselvallige beurtkragfases en onvoldoende besproeiingstyd kan verliese van R723 miljoen vir suikerrietkwekers beteken indien beurtkrag op fases 4 tot 6 voortduur, waarsku die Suikerrietkwekersvereniging. Altesaam 1 135 kwekers besproei hul suikerriet, verbou meer as 30% van Suid-Afrika se suikerriet en het 10 000 mense in diens. Kwekers kan vanjaar meer as R189 miljoen aan bykomende energiekoste…

Anderkant die reënboog Dit was weer ’n senutergende besigheid. ’n Paar snikhete weke het alles op saaiplase laat verwelk en op plekke is dit katastrofies vererger deur beurtkrag. Boerepelle wat op droëland in die Oos-Vrystaat boer, het skoon angstig begin klink oor die week of wat wat hulle oeste nog sou kon uithou voor daar groot skade was. Toe reën uiteindelik kom, bieg een verlig teenoor my: “Ja nee, kyk, ’n mielie is nou wragtig omtrent twee weke taaier as ’n boer!” Daardie vasbyt is deesdae oral. Beurtkrag kry almal onder. Die skade verskil net. Daarom konsentreer ’n mens maar net op die dinge hier voor jou — nie té wyd na die kante kyk nie, of jy kan moedeloos raak. En dít help net mooi niemand nie! Vra maar…

NOP GEÏGNOREER — EEN REDE VIR KRAGKRISIS Dit is opvallend hoe die ANC-regering die afgelope weke probeer om alle skuld op Eskom te plaas vir die huidige elektrisiteitskrisis. Dít terwyl ons nou weer ongekende toepassings van tot fase 6-kragbeperkings beleef. Die skrale troos is dat Suid-Afrikaners fase 4 en 5 om die beurt moet beleef. “Beurtkrag” is egter ’n eufemisme vir die huidige kragkrisis. Terwyl pres. Cyril Ramaphosa eintlik in Davos, Switserland, moes wees om nuwe beleggings na ’n beleggingsonvriendelike Suid-Afrika te lok, moes hy die besoek opskort en aandag aan die krisis tuis gee. Die onwillekeurige vraag is of die elektrisiteitskrisis die werklike rede was en of die ANC se interne faksiegevegte nie dalk die onderliggende rede was nie. Inderhaas en midde-in fase 6 moes die president die nasionale…

Die broers mnre. Neels en Kobus Eksteen van Hoopstad het die geheime vir sukses op watertafelgrond ontrafel. Hulle het in 2021-’22 die hoogste opbrengs van 13,1312 ton mielies per hektaar in Graan SA se Groei vir Goud-opbrengskompetisie behaal. Lees meer op bl. 34. Só lyk hul gesinne Kobus is met Lindi getroud en hulle het twee kinders, Surike en Estiaan. Neels is met Hannelie getroud en hulle het ’n seun, Isak, wat met Eulogy getroud is. Naskoolse kwalifikasies Kobus het eers meganiese ingenieurswese gestudeer, maar het hom toe eerder as elektrisiën bekwaam. Neels het ’n nasionale diploma in owerheidsfinansies verwerf en het as rekenmeester by ’n munisipaliteit gewerk. Stokperdjies Kobus jag en hengel graag, en Neels hou van diere, motorfiets ry en toer. Waar hou julle vakansie? Kobus hou van…