Landbouweekblad 09-Feb-18

BYBELSE STORM ’n Wolkbreuk op 29 Januarie naby Setlagole in Noordwes het talle boere in dié omgewing behoorlik laat regop sit. “Dit was regtig iets besonders: Die reënboog, ’n teken dat die aarde nie weer met water sal vergaan nie, was reg langs die wolkbreuk,” sê me. Elize Cronjé, van ’n gemengde boerdery op die plaas Wolwehoek. Op hul plaas het 18 mm geval, hoewel plase naby hulle veel meer reën gekry het. “Ons het vandeesweek altesaam 48 mm gekry. Ons is baie bly, want dit was baie droog,” sê sy. FOTO: ELIZE CRONJÉ • LEES MEER OOR DIE REËN IN NOORDWES OP BL. 16. UITVOER LOOP Die produsente-organisasie Hortgro is versigtig optimisties oor vrugteoeste en -uitvoervolumes. Mnr. Jacques du Preez, bestuurder vir markte en handel by Hortgro, het aan Fresh Fruit Portal gesê…

4,1% Die Afrika-ontwikkelingsbank se ekonomiese uitkyk verwag 4,1% groei in die vasteland se bruto binnelandse produk in 2018 en 2019, ná groei van 3,6% in 2017. Die bank skryf die groei toe aan onder meer verbeterde globale ekonomiese toestande, beter makro-ekonomiese bestuur en verbeterings in landbouproduksie. Weens gebrekkige strukturele hervorming kon dié groei nie die toename in werkloosheid omkeer nie. – Afrika-ontwikkelingsbank 8 In die eerste 26 dae van 2018 was daar gemiddeld agt plaasaanvalle per week, volgens TLU SA se misdaadstatistieke. Daar was in dié tyd volgens die organisasie drie plaasmoorde en 29 aanvalle. Verlede jaar was daar 423 plaasaanvalle, wat ook neerkom op agt aanvalle per week. In 2016 was daar 369 aanvalle – gemiddeld sewe per week. Vier voorvalle kon binne ’n tydperk van tien dae in Januarie…

KURKDROOG. Die Kougadam naby Patensie in die Kougarivier het die afgelope weke die laagste vlakke in sy geskiedenis bereik te midde van ’n knellende droogte in die dam se opvanggebied. Hoewel goeie reën stroomop die vlak intussen van 7,1% tot 9,3% laat styg het, is dit steeds nie duidelik hoe die duisende inwoners van die Gamtoosvallei wat van besproeiingsboerdery afhanklik is, ’n bestaan gaan maak totdat daar weer goeie reën val nie. Personeel van die Gamtoos-besproeiingsraad het verlede week dié foto’s geneem terwyl hulle monsters geneem het vir roetine-gehaltetoetsing. Die hooffoto is 8,3 km van die damwal geneem, en die inlas 11,4 km stroomop. Lees ook bl. 16.…

DIE vakverbonde Cosatu en Fedusa meen die Departement van Arbeid het ’n groot flater in die wetsontwerp oor die nasionale minimum loon begaan toe hy die woord “werker” – wat bedoel was om die wet se beskerming te verbreed ten einde soveel moontlik werkers te beskerm – vervang het met die nouer term “werknemer”, soos gedefinieer in die Wet op Basiese Diensvoorwaardes (Wet 75 van 1997). Die departement het toegegee hy het gefouteer en onderneem om die fout reg te stel. Dit is nie die eerste keer dat ’n wetsontwerp wat deur dié departement voorgelê word, deur Nedlac-onderhandelaars uitgedaag word nie. Die wetsontwerp op werkloosheidsversekering is verlede jaar weens ernstige foute teruggestuur. Mnr. Matthew Parks, parlementêre leier van Cosatu, het sy bedenkinge uitgespreek oor die vermoëns van die Departement van Arbeid. “Dis…

MNR. JACO MINNAAR, voorsitter van Graan SA, oor hoe prominent grond-onteiening sonder vergoeding tans in die politieke bewussyn is. Bl. 14 ‘Met goeie reën sal daar nou meer besmettings by mielieaanplantings in Gauteng, KwaZulu-Natal en Noordwes begin voorkom.’ MNR. JAN-HENDRIK VENTER, bestuurder van plantgesondheid by die Departement Landbou, Bosbou en Visserye, oor die herfskommandowurm. Bl. 18 ‘Ek skat daar word daagliks tussen 50 en 100 boorgate in die Kaap gesink.’ MNR. JULIAN CONRAD, geohidroloog, oor al die boorgate wat tans in en om Kaapstad gesink word. Bl. 15 ‘ Die hele vallei het net die landbou as ’n bedryf, en die gemeenskap is ons as boere en die munisipaliteit se verantwoordelikheid.’ MNR. PETRUS DU PLESSIS, voorsitter van die Gamtoos-boerevereniging, oor die ekonomiese ramp wat wag as die Kougadam opdroog. Bl. 16 ‘(Kaapstad) moet sy eie waterbronne kry.’ MNR.…

GENADE VAN BO Die hemele het toe plek-plek oopgegaan. Dele van veral die weste van die somersaaigebied het reën gekry, asook kolle in die Suid-Kaap en dele van die bitter droë Karoo. Boere wat onlangs nog neerslagtig was, skep weer moed en het hoop ná die bietjie reën. Hoewel al die mielies nie in die grond is nie en die wat wel is, maar swaar trek op plekke, is daar dalk ’n kans vir ’n paar sonneblomme in beseringstyd. Die weidings kry ook ’n welkome hupstoot voor die herfs. Elders, soos in die Karoo, is dit egter steeds katastrofies. In die Gamtoosvallei, wat sedert verlede Mei ’n rampgebied is, is boere se waterkwotas al sewe maande gelede met 60% besnoei. Port Elizabeth moet met 42% minder water klaarkom. Kaapstad, Suid-Afrika se internasionale toeristebestemming, kry…