Landbouweekblad 23-Mar-18

NOOIT VERGETE Graan SA se 2018-kongres is afgesluit met ’n kranslegging by die muur van herinnering op Nampo-park ter nagedagtenis aan almal wat in plaasaanvalle gesterf het. Dié geleentheid het vanjaar saamgeval met die begrafnis van mnr. Dirk Steenkamp, bekende boer van Vredefort, wat op Sondag 4 Maart op sy plaas doodgeskiet is. Mnr. Chris Schoonwinkel, ’n bestuurslid van die organisasie, het Psalm 91 as gebed voorgelees en me. Preline Swart, ondervoorsitter, het die krans gelê. REGSREUSE PAK TIGER Mnr. Richard Spoor, veteraanprokureur van Mpumalanga wat silikoselyers teen mynmaatskappye verteenwoordig het, gaan kragte saamsnoer met mnr. Bill Marler, bekende Amerikaanse kosveiligheidsprokureur, in ’n klasaksiegeding teen die genoteerde kosreus Tiger Brands. Hulle gaan die Suid-Afrikaanse families van slagoffers in die dodelikste listeriose-uitbreking nóg ter wêreld verteenwoordig. Food Safety News berig Marler het al vergoeding…

R5,8 miljard Vrystaatse munisipaliteite het Eskom teen Desember 2017 R5,8 miljard geskuld. In totaal was hul uitstaande skuld aan krediteure R9,7 miljard, sê mnr. Wouter Wessels, VF Plus-parlementslid vir die Vrystaat. “Munisipaliteite kan nie kort-kort afbetalingsooreenkomste aangaan waarby hulle nie hou nie en wat dan veroorsaak dat betalende verbruikers onder beurtkrag ly,” sê hy. Lees meer oor dié kwessie op bl. 17. — Marleen Smith -5,6% Ten spyte van ’n daling van 5,6% in sy aandeelprys tussen 23 November verlede jaar en 12 Maart vanjaar meen die markontleder mnr. Anthony Clark Senwes is steeds ’n goeie beleggingsopsie. Hy meen die ongunstige sentiment weens sprake van onteiening, saam met ’n tam graanmark, skaad die maatskappy se inkomste uit kleinhandel- en meganisasie-aankope. Die vraag na graanhantering neem danksy groot oeste egter nie af nie. —…

BOKHAAR BOKSPRING. By die CMW-pakskuur in Port Elizabeth heers ’n gunstige sentiment nadat kleinbokkiehaar onlangs vir die eerste keer bo die vlak van R500/kg verhandel het. Mnr. Pierre van der Vyver, bestuurder van die sybokhaarafdeling by CMW-OVK, sê dit is ondanks die rand wat sedert einde verlede jaar verstewig. In reële terme was pryse op die eerste veiling van die jaar 15% beter as op die laaste veiling van verlede jaar. Vanweë die groot vraag is daar egter kommer of die boere in die vraag sal kan voorsien. Boere trek ook nog swaar weens die droogte, wat volgens Van der Vyfer vir die eerste keer in sy 40 jaar in die bedryf die hele produksiestreek gelyk getref het. Mnr. Henfred Linde, bestuurder van die Sybokhaarkwekersvereniging, sê ongeveer 60% van die…

GEWONE Suid-Afrikaners sal sentraal staan in die proses om die Grondwet te hersien en, indien nodig, te wysig om die onteiening van grond sonder vergoeding toe te laat. Die Parlement se grondwetlike hersieningskomitee, aan wie dié taak toegewys is, gaan in Mei landwyd menings begin inwin.Net omdat die mosie ten gunste van onteiening sonder vergoeding aanvaar is, beteken dit nie die verandering van die Grondwet is ’n uitgemaakte saak nie. Mnr. Vincent Smith, ANC-LP en medevoorsitter van die komitee, sê die komitee se mandaat is tweeledig. “Noudat ons grond sonder vergoeding wil onteien, moet die komitee bepaal of die regsraamwerk (artikel 25 van die Grondwet) dit ondersteun. Indien wel, is al wat hoef te gebeur dat onteiening in ooreenstemming met die Grondwet gedoen moet word. Sommige mense redeneer die Grondwet maak voorsiening…

‘Moenie hierdie tyd verspeel deur te vra hoekom dit moet gebeur nie, want ons weet hoekom.’ PROF. MOHAMMAD KARAAN, landbouhoogleraar aan die Universiteit Stellenbosch, oor grondhervorming. Bl. 18 ‘Mielies wat al uitgevoer behoort te gewees het, lê nog in die silo’s.’ MNR. KERNEELS CLAASSEN, afgevaardigde van Reitz op Graan SA se kongres, oor die uitwerking van die liggingsdifferensiaal op pryse. Bl. 20 ‘Die indruk onder verbruikers (is) dat alle verwerkte vleis nou met listeriose besmet is.’ MNR. JOHANN KOTZÉ, uitvoerende hoof van die Suid-Afrikaanse Varkvleisprodusenteorganisasie (Savpo), oor die Regering se kommunikasie oor listeriose. Bl. 14 ‘ ’n Boer se begroting klop bloot net nie meer om koring hier te verbou nie.’ MNR. ANDRIES THERON, voorsitter van Graan SA se wintergraanwerkgroep, oor planne om alternatiewe gewasse in koringproduksiestreke te vestig. Bl. 20 ‘Ons probleem was dat ons die vestiging…

Die beurtkrag wat verskeie Vrystaatse dorpies onlangs weer lamgelê het, is simptomaties van hoekom ons so sukkel om vorentoe te gaan in Suid-Afrika. Munisipaliteite skuld miljarde rande aan Eskom. Om die onmoontlike meer bestuurbaar te maak, word afbetalingsooreenkomste gesluit, maar net so vinnig weer verbreek. In ’n desperate poging om hul geldelike verpligtinge af te dwing, het Eskom dan nie ’n ander keuse as om die krag na die munisipaliteite te onderbreek nie. Dit is natuurlik Eskom se volle reg, maar in die proses word ekonomies aktiewe inwoners, wat getrou hul rekeninge betaal, gestraf. Dit is mense wat die krag gebruik om hul ondernemings te bedryf en só inkomste te genereer om, ironies genoeg, verskeie munisipale belastings en werknemers te betaal. Dit is juis die mense vir wie die munisipaliteite vir…