Landbouweekblad 06-Apr-18

GEWIGTIGE GROENTE Mnr. Piet Lotz (middel) van Riversdal se pampoen van 532,4 kg was die kampioen op verlede naweek se Reusepampoenfees op Heidelberg in die Wes-Kaap. Links is me. Ronèl Swart, wat die naaswenner, me. Elizna Lotz, verteenwoordig het, en regs mnr. Pinkie Swart wat derde gekom het. Hul pampoene het onderskeidelik 438 kg en 365,8 kg geweeg. Mnr. Hugo le Roux van Pretoria het in 2016 die Suid-Afrikaanse rekord vir die grootste pampoen aangeteken met een van 556 kg. FOTO: SHOPRITE SKA MOET BETAAL Die SKA-radioteleskoopprojek behoort te betaal vir enige nuwe grensdrade wat opgerig moet word as deel van ’n geïntegreerde roofdierbestuurprogram binne die radioteleskoopnetwerk se grondgebied. Die verantwoordelikheid vir die onderhoud van dié heinings behoort gedeel te word tussen die SKA en sy onmiddellike bure, en die SKA behoort jaarliks…

$20 000 Amerika, Kanada, die Europese Unie en Japan verskaf jaarliks gemiddeld $20 000 se steun aan individuele boerderye. In Afrika suid van die Sahara is dié tipe steun hoogstens $300. Nywerheidslande se tariewe is die heel hoogste vir landbouprodukte. Ontwikkelende lande se inkomste kan volgens navorsing styg met 14% en hul uitvoer met enigiets van 30% tot 60% as dié ryk lande handelsversperrings uitskakel. - DevDiscourse 20,4% Die Indiese regering het besluit om die tantieme op katoensaad wat Indiese saadmaatskappye aan Monsanto betaal, met 20,4% te verminder. Die regering het in 2016 reeds tantieme met meer as 70% verminder. Volgens ’n Monsanto-woordvoerder beloop die saadtantieme nou minder as 0,5% van die produksiekoste. Die regering het ook die prys van GM katoensaad met 7,5% verminder. Die land het nagenoeg 8 miljoen katoenboere. –…

BONUS-BUI. Soos ’n oorstoot-drie in beseringstyd, is hoe mnr. Isak Maritz dié reënbui op sy plaas by Deben in die Groen-Kalahari beskryf het. “Dis steeds baie droog hier. Die kans op reën is gewoonlik baie skraal aan die einde van die seisoen en gewoonlik sien ons glad nie reënboë in ’n droë seisoen nie.” Die bui het skaars tien minute geduur, maar vir die Maritze, wat kommersiële beesboere is, was die 5 mm wat geval het, uiters welkom. Reën het die afgelope week wisselvallig oor groot dele van die land voorgekom. Dele in die noordelike en oostelike dele van Suid-Afrika het tot 200 mm binne ’n paar dae gemeet, en groot skade is op plekke deur vloedskade veroorsaak. In van die westelike dele het slegs enkele millimeters reën geval of…

GRONDHERVORMING behoort weliswaar meer landelike mense in staat te stel om ’n behoorlike lewe uit boerdery te maak, skryf die ekonoom dr. Neva Makgetla, maar net ’n derde van die land se bevolking woon vandag in landelike gebiede. Verder weerspieël die gronddebat se eng fokus op wetlike verblyfreg grootliks buitelandse werklikhede en nie dié van Suid-Afrika nie. In Asië en Latyns-Amerika was die doel van grondhervorming om die buitensporige huur wat gevestigde boere moes betaal, uit te skakel. In Suid-Afrika is die doel grootliks om nuwe boere te vestig, of ervare boere op nuwe grond te vestig. Buiten grond het daardie boere egter ook water, infrastruktuur en behuising nodig, asook toerusting, ander produksiemiddele en instellings wat hulle kan bystaan met bemarking, finansiering en tegniese hulp. Om grond eerste te verskaf en die…

‘Moenie die oorsaak van so iets wees nie!’ DR. PIETER VERVOORT, voorsitter van die Nasionale Dieregesondheidsforum, oor die risiko vir ’n grootskaalse uitbreking van bek-en-klouseer wat meegebring word deur kortpaaie in siektebeheer by wild. Bl. 18 ‘Gewone mense en selfs polisielede glo die resolusie oor onteiening sonder vergoeding beteken daar is goedkeuring om grond te beset.’ DR. LOURIE BOSMAN, voormalige voorsitter van Agri SA, oor grondbesettings. Bl. 16 ‘Dit kan nie anders nie. Daar moet ’n peulgewas in jou stelsel wees.’ DR. JOHANN STRAUSS, plantwetenskaplike by die Wes-Kaapse Regering, oor hoe om bewaringsboerdery te laat werk. Bl. 21 ‘Dit is onregverdig vir een man om so baie grond te hê, terwyl daar baie mense om hom is wat honger is vir grond.’ MNR. GWEDE MANTASHE, ANC-voorsitter, oor ’n Oos-Kaapse boer wat blykbaar 21 000 ha grond besit. Bl.…

WANNEER DINGE BEGIN SIN MAAK As jy wil weet hoekom Suid-Afrika gaan werk, of dalk nie gaan werk nie, gaan bring ’n bietjie tyd deur in die Departement van Binnelandse Sake se berugte rye. Dié rye is die rede hoekom die land moontlik nie gaan regkom nie. ’n Mens word wetlik verplig om verskeie dokumente te besit, soos huwelik- en doodsertifikate, en reis- en identiteitsdokumente. Boonop kompliseer ’n onbevoegde politikus (mnr. Malusi Gigaba, Minister van Binnelandse Sake), wat nooit in ’n ry hoef te staan nie, dinge nog verder met sy verregaande aandrang dat alle kinders wat saam met hul ouers reis, volledige geboortesertifikate moet hê. Die stelsel kan glad nie hierdie volumes hanteer nie, maar omdat die staat “die monopolie” besit om dié dokumente uit te reik, moet mense maar in…