Landbouweekblad 20-Apr-18

11 400 ha Die herfskommandowurm het tot dusver vanjaar op sowat 11 400 ha grond in Suid-Afrika voorgekom, volgens die Departement van Landbou, Bosbou en Visserye. In Gauteng is 394 ha geraak, in Limpopo 10 172 ha, in KwaZulu-Natal 219 ha, in die Oos-Kaap 14 ha en in Mpumalanga 634 ha. In die Vrystaat en Noord-Kaap is motte gesien. Die plaag kom nie in die Wes-Kaap voor nie. Die organisasie USAid sê die plaag is nou endemies in Afrika. – Nico van Burick 145-194 Die Britse suikerbelasting beloop tussen 145 tot 194 maal die be-drag wat in Suid-Afrika op versoete koeldrank gehef word. In Brittanje beloop die bedrag 18p (R3,05) vir koeldranke met 5-8 g/100 ml suiker en 24p (R4,07) vir koeldranke met meer as 8 g/100 ml suiker. Die Britse tesourie raam…

TREKKER-TREK Ses Italiaanse trekkerdrywers en ’n ondersteuningspan het verlede week vanaf die Durbanville Hills-wynkelder vertrek op ’n tog van meer as 6 000 km deur Suid-Afrika met twee McCormick X7- en twee McCormick X8-trekkers. Die toer is deel van McCormick se moedermaatskappy, Argo, se Xtractor Around the World-veldtog om bewustheid te skep oor die interafhanklikheid van mens, tegnologie en die bewaring van natuurlike hulpbronne. Op pad sal hulle onder meer met die trekkers sokkervelde vir plattelandse gemeenskappe gelykmaak en medisyne verskaf aan die nie-regeringsorganisasie Amref, wat gesondheidswerk in plattelandse gemeenskappe doen. TROU-SEËNINGE Die Amerikaanse departement van justisie het die samesmelting van die twee multinasionale landboumaatskappye Bayer en Monsanto goedgekeur, kort nadat die Europese Unie ook die transaksie voorwaardelik goedgekeur het. Die nuwe maatskappy sal meer as ’n kwart van die wêreld se saad-…

OESDIEF. Plate pienk en wit kosmosbloeisels — soos dié veld tussen Bethlehem en Clarens in die Oos-Vrystaat — is byna sinoniem met herfs in groot dele van Suid-Afrika se somerreëngebied. “So mooi soos wat dit kan wees, het kosmos nie eintlik ’n plek in ’n kontantgewaslandery nie,” sê mnr. Gys Olivier, ’n boer van Hertzogville in die Vrystaat. “Die praktiese reël is dat ’n onkruid, soos kosmos, jou tot ’n derde van jou oes kan kos.” Hy waarsku indien die kosmos nie doodryp nie, kan dit tot groot verliese vir boere lei. Dié onkruid word, soos olieboom, gereeld doodgespuit. Daar is wel gevalle waar weerstoestande ’n boer daarvan kan weerhou om betyds onkruid te bespuit, wat dan tot ’n massaopkoms kan lei. Ons berig op bl. 16 en 17 oor…

INDIEN die Regering ’n sukses wil maak van die herverdeling van grond en transformasie in die landbousektor, sal hy eers die sistemiese probleme moet aanpak wat die sektor reeds jare lank ondermyn. Dit blyk uit die sigbare verval in verskeie KwaZulu-Natalse landboudorpies. Dié verval is nie die gevolg van wie die grond besit of wie daarop boer nie, maar van wêreldwye neigings en beleidskeuses wat die sektor oor dekades heen ondermyn het. Die ooglopendste daarvan is ’n neiging na groter plase. Daarmee saam gaan ’n afname in die aantal boere, sowel as die aftakeling van die dorpies wat hulle eens onderhou het en die lewenstyl wat eens aanloklik was, maar nou nie meer is nie. In een dorpie het ons gesien hoe boerderyverwante ondernemings tot niet gaan, en werkershuise wat twee jaar…

‘Boere moet onder mekaar doen wat hulle kan om uitbrekings te voorkom.’ DR. PIETER VERVOORT, voorsitter van die Nasionale Dieregesondheidsforum, oor die feit dat die bestryding van snotsiekte nie net aan die staat oorgelaat kan word nie. Bl. 22 ‘Die onkruid het ongelukkig weerstand opgebou teen minstens drie meganismes van onkruiddoderwerking’ DR. CHARLIE REINHARDT, onkruidkundige, oor bestryding van die gevreesde Amaranthus palmeri uit Amerika. Bl. 17 ‘Die wysigings is dus gerig op die finansiering van skoolverlaters wat verder wil studeer.’ MNR. MELCUS NEL, kenner van bemagtigingskodes, oor die jongste wysigings aan die Regering se generiese bemagtigingskodes. Bl. 14 ‘Al die gereedskap vir grondhervorming is reeds daar — dit moet net reg gebruik word.’ DR. JOHN PURCHASE, uitvoerende hoof van Agbiz, oor die debat oor moontlike wysigings aan die Grondwet om grondhervorming te versnel. Bl. 21 ‘Daar is geen…

TEKORTE IN DIE OORVLOED Die herfsreën kan kwalik mooier wees in die meeste van die somerreëngebiede. Op plekke sommer baie, en gereeld. In my wêreld in die Noordoos-Kaap loop die ou plaasdam op pad grootpad toe vir die eerste keer in byna tien jaar oor. Oral word die grondwater aangevul, en die aanry van water na die vee is iets van die verlede. Die wêreld lyk mooi, die beeste is vet en die prys hou darem nog (soort van). Wanneer ’n vriend kus se kant toe nie sy armmanslusern gebaal kan kry vanweë al die reën nie, tref dit my dat ek jare laas gehoor het dat ’n boer oor die nattigheid kla wanneer hy moet baal! Die alternatief is soveel erger, en die droogte lê nog vlak in die geheue. Die reën…