Landbouweekblad 27-Apr-18

BOOTBOERDERY Die eerste van sowat 1 700 reisigers verken die MSC Sinfonia voor sy vertrek uit Durban se hawe op Laeveld Agrochem se eerste Landbou Seil-Safari. Die vaart na Mosambiek se Portugese Eiland en Pomene en weer terug, het verskeie praatjies deur kundiges ingesluit, soos mnr. Dawie Roodt van die Efficient-groep oor blokketting of blockchain, mnr. Jacques du Toit van Vox oor die Internet of Things (IoT) en Agri SA oor landelike veiligheid. FOTO: LIEZL VERCUEIL TREURIG Die Harrismith-sakeforum wil die Hooggeregshof in Bloemfontein vra om verskillende vlakke van die Regering te dwing om in te gryp by sy munisipaliteit wat Eskom R3 miljard skuld. Die forum sê buiten dreigemente om die krag af te sny het Eskom nog niks gedoen om ’n oplossing vir die situasie te vind nie. Benewens om, soos…

R1 miljard April en Mei se stygings in brandstofpryse kan die landbou R1 miljard meer per jaar kos, sê mnr. Dawie Maree, ’n landbou-ekonoom van FNB. Petrol en diesel kan in Mei 40c per liter duurder word ná ’n styging van 72c per liter petrol en 65,2c per liter diesel in April. Elke 1c-styging in die dieselprys verhoog die brandstofkoste van die landbou met R10 miljoen per jaar. Alani Janeke 15 000 Die Port Elizabeth Cold Storage, ’n koue-opbergingseenheid naby die nuwe Nqura-hawe, het sy opbergvermoë vir sitrusprodukte van 7 500 palette tot sowat 15 000 palette vergroot danksy ’n be-legging van R10 miljoen. Na verwagting gaan sitrusvolumes uit die Oos-Kaap oor die volgende vyf jaar toeneem en dié eenheid sal ’n belangrike rol speel in logistiek vir uitvoer. —Fredalette Uys 20 0 jaar Dit…

GROEN GOUD. Mnr. Eric Harmse, bestuurder op die blommeplaas Arnelia by Hopefield, kyk of ’n Goldstrike-blom gereed is om geoes te word. Die Goldstrike is ’n tipe tolbos-protea (Leucadendron), wat ’n geel tolletjie het as hy blom. Weens die droogte oes hulle egter nou dié blomme terwyl hulle nog groen is om water te bespaar, en om druk te verlig op hul Geraldton Waxplante, wat die grootste deel van die plaas se aanplantings uitmaak. Die oes van die Geraldton Wax begin einde Julie en duur sowat vier maande. Hy sê hoewel hulle nog aan die begin van die oestyd staan, lyk dit of hul oes min of meer dieselfde as verlede jaar gaan wees, en hulle was gelukkig dat hul boorgatwater dwarsdeur die somer goeie vlakke behou het. Die meeste…

Sekere situasies is ’n bietjie soos om teen halftyd 30-0 teen die All Blacks agter te loop. Dinge kan baie lelik raak as ’n ernstige plan nie nóú gemaak word voor jy weer moet uitdraf nie. Dít is waar die kantoenbedryf in 2009 was (bl. 32). Op sy knieë. In Limpopo alleen het aanplantings op droëland van 55 000 ha tot 9 500 ha gekwyn en aanplantings onder besproeiiing van 1 100 ha tot 160 ha. Van 2002 tot 2005 het die prys boonop gehalveer tot R2/kg. Met die rand wat terselfdertyd van R14 teen die dollar tot R6 versterk het, het ingevoerde katoen na Suid-Afrika gestroom. Die toekoms was droewig en die hele bedryf was in gedrang. Hy moes ’n plan maak of sy deure sluit. Toe gaan sit almal in…

MELKBOERE ‘MOET PRAAT OOR HUL BEDRYF’ Die melkboer is sekerlik ’n spesie op sy eie, en ’n uitsonderlike een voorwaar. Dit het tyd geword dat melkboere hul rug styfmaak en hul voorwaardes stel vir die bedryf. Watter salaristrekker se salaris het al ooit gedurende die jaar verminder? Hier is ons nou weer in ’n situasie waar melkboere se prys daal. Kom ons vergelyk bietjie koopkrag met koopkrag. As suiwelprodukte se prys daal, het die kopers almal meer geld in hul sak. Die melkboer is al een wat minder geld in sy sak het. Daarom is sy belangrike koopkrag ook minder. Van ons word verwag om aan te pas of die bedryf te verlaat. Hierdie siening gaan nog boemerang. Die minimun loon word op ons afgedwing, terwyl die werkers nie eens die minimum vereistes wat…

Met die regte praktyke en bemarking is brandrissies ’n volwaardige en winsgewende vertakking op MNR. JD VAN DEVENTER se plaas, Vredehoek, buite Montagu. Lees die artikel op bl. 44. VERTEL ONS VAN JOU GESIN. Ek en Leana is 16 jaar getroud. Sy bedryf ’n skoonheidsalon op die plaas en is behoorlik besig. Ons het twee seuns, JG (14) en André (11). My ouers, Kierie en Miemie, woon ook op die plaas en my pa is nog lekker by die boerdery betrokke. WATTER STOKPERDJIES BEOEFEN JY GRAAG? Ek is lief vir motorfietsry en vang ’n stukkie vis; ons het al ’n paar keer in Namibië gaan hengel. Ek hou baie van kosmaak en braai. Ek volg nie resepte nie, maar kosmaak is vir my ontspannend en hou my besig. WAAR HOU JULLE GRAAG VAKANSIE? Ek hou van…